死牛一便頸不可取

昨日恆指再大升七百點收19502，如果仍有人大叫:「熊三反彈呀! 沽貨離場呀! 反手沽空呀!」Cash Is King Ah 個條友一定被眾人認為佢係癲佬，跟尾比人捉埋入青山，因為除了痴線的傻佬，正常人如果睇淡沽空，由今年三月的萬一點，沽空到昨日萬九點樓上，途中已經破產九次，現在碩果僅存的大淡友，只是那一兩個死剩把口又唔夠膽落場，每日做Copycat重重復復三幅屁之死牛一便頸之輩，只懂紙上談兵，死抱著嗰啲微薄嘅本金，乜都唔識做，靠銀行畀嗰一厘息，遲早又俾啲銀行Banker昆佢買埋啲XX"債"券類，又或者畀通漲KO佐唔見一部分(民以食為先， 食品類價格昇佐就唔見回落番二年前的水平就係明証 )。最終結果Cash Is King當然又是一錯再錯 !。

我一向不相信什麼圖表分析及不懂各種技術分析，我只睇個股的內在價值及長遠前途和股息三大方面，去年底 --- 今年頭幾個月在恒指低位區買入各類潛力股後就擺埋一邊靜待下一牛市高潮的來臨，近期的昇市帶給我的利潤已非常可觀，這是cash is king無法亦帶不給我的。恆指之後一浪高於一浪地維持在18000之上，開始另一個牛市。我亦懶理佢係牛定熊，抵買就伺機買入。如果恆指繼續維持在二百伍拾天線之上，投資港股的策略應該是持有而不是沽出，牛市的趨勢永遠都是大漲小回，震倉不斷。好股不要被震出來才能堅持到下一個高峰。絕不要再相信那些痴線傻佬或淡友及見風轉舵的財演的說話。

Cash Is king ?    Bullsh*t !

( 後記 : 近日我獎勵了自己一部 SUBARU Legacy GT ) 賺到了就小量使下無壞嘅 ! ( 識賺唔識使亦好傻 )

申報 :本人持有約23隻股票 , H股占大部分 ，買入於去年10月 --- 今年四月左右 .

有三隻是2006年持有至今，其中一隻仍未見家鄉-10% (3968 )，其餘20餘隻的利潤是12% --- 278%(1893 ) 。( 因今日493國美急昇近20% , 最低利潤者改為 148建滔化工 13 % ) 

我寫這篇文只希望讀者能認識到投資的重要性 !