loss_confidence
loss_confidence
loss_confidence

除非唔玩, 玩就要隨波逐流

2009/08/03 19:47:40 網誌分類: 經濟
03 Aug

轉貼陸SIR文章如下:

 講番李四叔那個「分段沽貨」建議,作為短炒策略無可厚非,作為長線投資的方法,就有少少問題,點解長線投資者要而家沽貨離場呢?

        下插過深反彈會急

        長線投資者最好手上長期有貨,唔好動不動就沽晒啲貨,在現今世代,下一波出現惡性通脹的機會,開始大過再出現金融海嘯,唔通走去買債券咩?我們在預期跌市時買債券,預期升市要買股票,因為債券雖然夠保險,但回報太低,例如香港政府準備推出的港債,利息只有2厘幾,買人民幣債券仲話博佢升值,買港債連升值都唔會,而家買房地產基金都有8厘、10厘息,買其他股票的潛在回報更高,點解要沽股票,放錢入銀行,或者買低回報的產品呢?

        我開始覺得,而家股市的情況,有啲似98年的大跌市過後的處境,股市反彈不少,但不是離場的時候,港股低位去年10月27日造的10676點,反彈1倍是21352點。和98年股災後恒指彈上11000點時的情況差不多,短期覺得好高,都有點超買,但拉長一兩年睇,就遠未走到盡頭。人好得意,見過10676點,就高少少都唔想買。我反而有另一種睇法,去年底今年初是環球金融海嘯,若然止不住跌勢,股市會超跌,正路港股高位32000點,跌一半去番16000點都好甘,但結果跌到10676點,若果當時環球股市止唔到瀉,跌到5800點亦唔奇,所以當然怕風險唔敢買好合理,但10676點已經超低,當時無買,唔等如股市回穩咗升高後唔可以買,若升高咗之後反而安全啲,係唔係可以用正常一點的心態睇股票呢?睇吓佢地有無機會去番正常盈利水平,如果去番那些水平,合理的市盈率和股價又應該係多少呢?若細一點的跌市跌到16000點都好夠,現價距離16000點這個「理論低位」又未算太遠,未至於太離譜。

        我有一個假設,若股市重見藍天,以現時資金供應比較充裕的情況,兩三年內恒指有機會再試32000點的高位,咁樣就係重複98年的情況,特別是港股的紅色比重愈來愈大,若中國明年重見11%增長,並以這個速度發展下去,絕對不能排除港股重上高位的可能。而家個市最大的敵人是泡沫急增,若果升三步回番一兩步,打好個底,就有機會一級一級咁上,反而一支箭咁向上唔回吐,你就要小心,咁樣的升市不能持續。較合理的發展是股市見高後會調整吓,回落番一兩成,抖吓氣,今年只是泡沫開始,明年才是最大泡沫的來臨。

        實力股未開車

        換一個角度,若出現比較壞的情況,港股會回試15000點,記住這是比較壞的情況,就是所謂金融海嘯回頭咬第二口的情況。若然環球經濟已經穩定,股市只是調整而非大跌,咁樣跌到17000點、18000點左右已經有大把人入市。

        呢個市升上來,好多散戶唔敢買,特別是過了18000點之後,散戶不斷沽,甚至沽到清倉的大有人在,邊個去買?主要係各種類型的基金去買,基金持貨力較強,唔係話基金買完唔會跌,而係話而家唔係基金減持散戶狂揸那種癲狂局面,我反而見到一些芬佬,半年結算時出咗貨套利,之後個市再上,佢地反手再揸,但散戶游錯水去追番貨的較少。

        唔好以為個市升咗咁多無嘢好買,其實而家係指數股升得多,還有大量二線三線的實力股只是從低位略彈,完全未算開車,大可以慢慢發掘吓尋吓寶。長線投資者唔係要見高減持,而係要候低吸納,但買貨唔好一注買晒,分開慢慢吸,以免一買就遇上調整市,搞到自己無晒癮。

        陸羽仁


 

結論: 今天唔估市況, 因貼中恆指都無用, 自己眼光差, 買左D股唔升都無用.........睇完陸SIR分析後, 小弟晃然大悟, 而家低息泡沫下, D人係願意俾高過合理價去買, 要以合理價去買, 我諗正如陸SIR所講, "若然環球經濟已經穩定,股市只是調整而非大跌,咁樣跌到17000點、18000點左右已經有大把人入市。"...因此, 小弟覺得以正常合理價去買貨係唔會買到.....散戶得2個做法...1) 唔好玩   2) 隨波逐流, 跟風玩, 以正常合理價加20%作為現今市況合理價, 例如...2778個人正常合理價$3, 在現今市況是$3X1.2=$3.6; 1688個人正常合理價$14, 在現今市況是$14X1.2=$16.8; 金魚個人正常合理價$9, 在現今市況是$9X1.2=$10.8.......

但要注意隨波逐流, 跟風玩, 以正常合理價加20%作為現今市況合理價, 實在存在風險, 萬一泡沫爆破, 就變做蟹仔.....不過正如陸SIR所講"今年只是泡沫開始,明年才是最大泡沫的來臨。",因此小弟隨波逐流, 決定跟風玩多3,4個月, 以15%資金今早以$10買入2009金魚20,000條, 因小弟覺得金魚合理價是$9, 加20%, 是$10.8, 以$10在呢個市況買算是抵買......

今天用15%資金買入2778金魚,

沽出全數10%405, 賺6.9%, 再全數10%轉入, 另加5%共15%入808泓富

俾我新Portfolio參考(蟹貨及月供股份除外, 月供一定要選指數成份股):

現金 25%

收租股 :  808, 40%

內房: 2007    10%

細價股707     5%

科網股 1688   5%

建材水泥房產股 2009  15%

我增加808, 有40%收租股, 用來平衡我既Portfolio回報, 即年息要有5%或以上, 就算其他股唔派息, 收租股808有10%都可拉高我個Portfolio既回報.

      

 

回應 (0)
我要發表
user

最新回應

男女之間
男女之間 2020/03/22
loss_confidence
loss_confidence 2013/10/02

馬仔: 隻腳傷左, 3個月無做運動, 最近先慢慢練番2課10KM, 加上今年好忙, 無時間練長課, 如跑全馬, 要練25KM,  所以而家都未決定跑咩路程

幪面馬仔
幪面馬仔 2013/09/19

隊長       今年有沒有報渣馬?甚麼路程?

浪子152
浪子152 2012/01/23

Happy New year~~~~