後悔了
2009/08/07 08:46:49 網誌分類: 生活
| 某年，米米的前主人把牠交了給我，她家的貓和米米相處不來，還有米米太曳了，常掃低主人心愛的書和擺設，害她日日執屋，受不了，才託我照顧。 米米活在多貓之家，繼續掃低我的擺設，更愛咬書，膠快勞和窗簾都有牠的牙印；玩到亢奮處，撒點尿就跑走，我像牠舊主人，追在牠後面收拾殘局。為遷就牠的豪邁，我收起易跌下來的擺設，勤抹牠撒過尿的地方，牠總是找到新的搗蛋方法，人貓鬥智沒停過。有時大喝一聲，牠會縮，一會又故態復萌，眼神總是那麼天真，教你無辦法苛責……牠看準了我是儍的。 舊主人有日突然說：「好後悔呀。」後悔太快放棄米米？我很理解，因為米米是那麼可愛，但又明白她當年的苦惱，面對精力過盛的貓確是很疲累的。人有時只看動物可愛的表面，但牠們也有壞行為，也會經歷生老病死，只是未必人人有足夠的心理準備。 平日我的容忍度一樣有限，米米性格沒變過，但就遇上跟牠有緣的儍瓜，看着牠快樂地成長，愈是覺得，前世我一定欠牠好多，今世這個衰仔來討債的呀。 關慧玲 |
 | |
轉載: (請代宣傳)
原來逢星期五在元朗有免費為流浪貓咪提供絕育手術.
http://hk.myblog.yahoo.com/tlbkta/article?mid=2847
windykwai,
是否太肚餓吃得太急?你一日餵多少次?你返工時，有沒有留些貓餅給牠們?我有夜返了些，一餵食就個個狼吞虎嚥，小甘好快嘔出來.....跟著....食番.....好噁心的。
windykwai, 有嫁喎, 我亞 B 同芝麻糊食乾糧果陣會咬碎先吞落肚喎 , 因為當佢地食野既時候都會發出碎裂既聲音架!! 你兩個貓貓食野既時候就咁吞落肚會唔會因為佢地既牙仔有問題或者係 d 糧太硬佢地咬唔到 ?? 如果佢地成粒咁痾番出黎, 咁佢地咪吸收唔到囉 !! 駛唔駛去睇吓醫生 ??
我想問吓各位...你哋d貓貓食野既時候, 你哋有冇留意到佢哋有冇咀嚼d食物嫁,
我見我兩個貓貓食野唔洗"趙", 一入口就啜啜聲吞落肚. 攪到成日消化唔到, 嘔番出黎~~
為家裡加貓之前的而且確需要認真的考慮舊貓貓既接受能力, 在帶魚魚和蛋蛋回家之前都諗咗好耐, 到底芝麻糊能否接受得來呢 ? 況且她是一向怕生的貓貓, 對著我和外子一不高興都會大口大口的咬落黎, 仲會出晒爪架....
最初她見到兩位豆丁, 都嚇到嗚嗚聲架, 但現在已經夠膽用鼻去聞吓佢地, 有陣時見佢地走得遠咗都會企响佢地隔離 "看" 住咁囉, 已經很大進步呢 
, 不過, 遲些到兩個豆丁不再瞓籠果陣就要再加強留意喇 !! 
各位，
大家不要誤會我這位朋友是個好人，她家都有一隻養了十多年老貓，她本意是想米米陪老貓做朋友，怎知米米過份調皮，激到老貓性情大變，終日胡胡聲，連主人也不肯理睬。還有米米又的確曵嘅......她亦不將米米隨便送人，而是了解過我家能給米米好的生活，才交給我的啦。
她的經驗亦令我上了一課，養貓或增添新成員之前，真的要計過度過，介紹新舊貓認識，亦要花心思和耐性。否則良好意願達不成，反而搞到自己。
mtleung,
白貓貓真係好靚又乖，舊主人怎會放棄的呀?
千祈唔好俾番米米佢舊主人，呢種人無良心架，可能第日佢玩厭咗又會放棄隻猫架啦，到時米米大咗就好難揾人要架啦。
唔...我係關小姐的話,當然唔會俾番米米佢舊主人啦,因為米米已經改口左姓"關"好耐了。
我就想問米米肯唔肯跟返佢嘞
mtleung,
左邊一幅回眸照,真的好像穿上新娘曳地婚紗噢.
關小姐 :
如果米米舊主人想要番米米 .
妳肯唔肯俾返米米佢 ???
MiuMiu個兩隻蝴蝶好棧鬼
Miu Miu 的前主人, 因為認定她是不祥貓, 沒有為她帶來逢賭必贏的運氣, 就成為她被棄的理由, 我買六合彩未贏過頭獎, 但我知道不是她的錯, 只是我買錯號碼而矣。
我沒有後悔養蕃薯仔, 我知道他是愛我的, 他愛我深時侯會在我手上"打印", 有時會為我加添"紋身", 我身上多了一些"左青龍右白虎"亦是他為我加添的, 我知道他要我永遠愛他記著他, 可能他想獨佔我一個而矣, 我一點都不介意, 有時我會在fd面前展示他的新作品呢~~ 
這是Miu Miu
總覺得動物就像孩子，若想牠們健康活潑，所花精神體力絕對不少，正如關小姐所說，很多人只看見牠們可愛的一面，完全沒有考慮小不點的頑皮曳曳，或者會生病要照顧，於是一遇到這種情況便馬上打退堂鼓。
佢後悔係應該o既, 成日見到米米見報, 點會唔後悔放棄咗呢隻百厭又可愛o既貓丫. 我都一樣收養咗幾隻人地唔要o既貓貓, 一隻傻o既, 成日走去咬其他貓, 一隻癩o既, 專向半夜就大聲叫... 講到尾, 要得佢地就要照顧佢一生一世
