嘮叨So
2009/08/14 09:16:07 網誌分類: 生活
| 阿So確是嘮叨王，當正我是工人，老實不客氣指揮我。 某夜在電腦前趕工，阿So在我腳下磨蹭、大叫，以為牠要搔癢，伸手下去摸了牠幾次，牠轉而跳上我身後沙發，雙腳企高，貓手搭在我坐着的電腦椅上，用手拍我的背。 是想吃牛奶餅吧？我隨意倒了點給牠，再埋頭工作去。 牠不理，繼續纏我的腳，實在煩不過，把牠撥開了，又拍了牠的頭一下，被惹惱了的嘮叨王鬼鬼祟崇走到我腳邊，「Bite」了我一下還擊。哎，痛！想點呢？ 我的眼光終於從電腦熒光幕移到牠身上，只見牠大力將貓兜左撥右撥，發出胡胡聲，呵哈，原來貓兜一點水也沒有了，「我要喝水呀蠢材！」 急急盛滿一兜水回來，牠一頭栽進去，喝足一分鐘，看來牠真的非常口渴。冒失主人聽不明白牠的要求，令牠非常惱火，之後再摸牠的頭，仍是一副屎面。待慢了貴賓，抱歉囉。 關慧玲 |
 | |
哈哈 我都係呢個牌子呀 不過上次在新加坡買了一包乳酪味俾三個主人 點知連最為食的叮叮索了一索後就掉轉頭走咗 可憐那包價值50大元的小食最後因為過了deadline被我掉了 >
怎麼你不買一台自動過濾水器給牠們飲用呢?
jmamomo
係丫係丫，兩年來加了不少新成員，都係時候換banner囉。會做的。
小儀，
是temptation呀，好多超市都有賣的。有多種口味，但十貓最鍾意食牛奶味，海鮮味都ok，我試過俾其他牌子佢哋食，竟然不吃呢。
想問吓你講嗰隻牛奶餅係咩牌子呀 ? 我想俾d貓貓試吓多d新口味
關小姐，
有個唔細嘅要求，即係呢，你可唔可以呢，Emmmm，一次過介紹你家中所有大小的名字和性別啊，例如以這網誌的版頭，由左數起咁得唔得呵，可能其他網友都一早知哂，可否講多一次呢？或者有沒有網友可作提供？
其他人我唔知, 但晌呢個環節上我每次都投降, 我 d 貓贏晒! (我點捨得拒絕佢地呢 d 小小要求丫.)
TY
jmamomo,
剛走啦，真是很有趣的貓，要半年後才見牠了。
另，骰仔剛做了絕育，很健康，放下心頭大石。
這就是牠們最可愛既一面
咦，係喎，阿So仲住喺度，咁阿So有冇遇着阿Shane，若有，兩S相遇，場面豈非很偉大？
JMAMOMO:
, 妳說得很好呀,這種 '因為蠢所以聽唔明' 嘅阿Q精神,好值得貓奴學習,正如妳叫佢唔好郁,佢就拿拿林鷄咁腳走;妳一枱面月結單,叫佢咪埋嚟,佢就會即刻跳上嚟咬個不停,個分別在於個'小搗蛋'佢唔係唔明,係唔想去明..唉,講到尾: '有來有往啫!'
其實我想很多動物都會覺得人很蠢，牠們都聽得懂我們講甚麼，而且不管是廣東話英文普通話定潮州話，但人呢，就笨得要命，要餅就倒水，要搔癢就去倒餅，我猜我家兩大小一定當面鬧過我好多次，不過好彩，因為蠢所以聽唔明，嘻嘻。
簡直跟Borgee一模一樣, 她雖然會在水兜面前嘈全要換新水, 飲過就會靜下來了, 是不是貓老了都一樣脾氣呢??