唉,骷髏會都要靠吹水追業績

今日奇怪地收到了骷髏會的email,說他們的模擬投資組合升幅"達"13.9%,跑羸同期恆指3.57%.(見下圖)

真是又一吹水之作!佢地7月8日介紹第一隻上海實業(0363),當日恆指收17721.01點,到佢話既7月31日為止,恆指收20573.33點.升幅為:(20573.33-17721.07)/17721.07=16.10%.所以話,骷髏會應該係落後恆指2.2%就真.就算用7月的第一個交易日(即7月2日)起計,恆指7月2日收報18178.05.也就是說,7月份的升幅是13.18%.骷髏會的模擬投資組合都係跑羸同期恆指0.72%之嘛.黃金戰士真係好想知道佢地個計法,骷髏會係唔係計錯左呀?

今個星期眼見自己之前介紹既冠軍產業信託(2778)陰陰跌,但係自己就有D開心.因為如果有睇開黃金戰士個blog的話,可以知道黃金戰士已經係8月10日放左冠軍產業信託(link).以當日收市$3.03計,已比黃金戰士買入的$2.49(link)升左21.69%.同期,恆指由6月25日的18275.03升到8月10日的20929.52,升左14.53%.雖然黃金戰士知道,跑羸恆指7.16%唔係乜野,有好多師兄既成績都比黃金戰士好,不過就係唔明點解有D人要send一D吹水email比人.

講返冠軍產業信託,黃今戰士到今日都覺得佢係好股.假如跌到一定水平,我一定會買返.雖然,而家個價都叫做係fair price,不過未係超平,等超平先買啦.不過所謂的超平係幾多?你地自己計下啦,我唔會講價位架喇!

點解?因為黃金戰士唔想係不知不覺既情況下,學左某D會一樣,去追表現,追到要吹水.

不過,可以話比大家聽,黃金戰士已經又買左D貨喇.係邊隻?知唔係中國蒙牛乳業有限公司(2319)囖.不過,買入價不詳,買入日期不詳.但係今次已經打左好多字,有D手軟,等下一編先post分析啦.而家先睇下各大行點睇隻牛牛先:

不過,里昂唔睇好蒙牛的原因是"因錯估中央會介入原奶價格".佢就真係唔好彩喇,因為係佢出報告既幾日後,有以下既新聞:

8月3日 (星期一)
財政部公布，為緩解乳製品企業經營困境、保護奶農利益，中央財政近日撥付資金7500萬元人民幣，用於乳製品企業收購原料奶貸款貼息。

明明自己睇中,都要話自己睇錯,里昂太可憐喇... 而家知道中央果然介入原奶價格,不知道里昂會不會重新對蒙牛評級呢?

[友好連結: http://blogcity.hkheadline.com/denjilightan]

by 黃金戰士