無以為報
2009/09/02 22:50:19 網誌分類: 皮包骨
每週一鑊的局長，日前透露，可能不再每天公布豬型流感的確診數字，因為這些數字已經反影不到疫情的嚴重性。
對，我都認為當局應該慳番。因為這些數字衹能反影當局對抗疫已經無能為力。萬多人中招了，六個人歿了；幾百一天、幾百一天，心諗，幾時輪到我呢？日日咁聽吓聽吓，在這炎夏，平添一些寒意。
開學了，當局話疫情可能再創高峯。
想起「寒」字；有一天跟朋友說笑，當局會不會在３３℃酷熱警告下，一鑊過宣佈提早放「寒假」。朋友們都說老鼠黐線，冇可能。（或者啦）
但當疫症再爆時，我肯定、十分肯定當局會這樣說：
「這是我們預料之內」
不信？瞧瞧！
真係無以為報..
我係仍點都堅持要公佈 , 說實在, 現在每日200多宗, 話反映唔到嚴重性, 咁每日500宗, 1000宗呢 , 夠嚴重未 ? 如果係 e 家取消左, 咁到時1日1000宗都唔報, 咁到時市民咪連小小防範都無就大劑 !
有時真係好唔明, 政府高官d 決策, 好似這時講公唔公佈每日數字, 係咪有 d 唔貼題 ! 有時間做無謂野, 不如花多 d 精神對付疫病 ! 除非佢已經覺得自己係無能....為力 !
其實，都唔關佢哋事嘅，會唔會市民危機意識薄弱呢~
身體差，受感染機會自己會好高的。