新營銷法（二）
2009/09/03 23:09:22 網誌分類: 經濟
大家如果見過我之前寫的新營銷法，應該了解左一些。
朋友當時頭腦發熱，我惊佢下錯決定，一路拖到現在先同佢去深入了解，希望俾一個冷靜期佢。
呢間係一間傳銷公司(國內叫直銷)，叫ecXXXXX的公司，總部在馬來西亞，係成X集團的子公司，有30年的歷史，在全球各地有4000幾間店鋪，在馬來係上市公司。
兩年前進軍香港，近一年在香港開了七八十間地鋪，細細間個只，現在坊間周不時會見到一兩間。
Ｄ貨品不貴，不同於一般的樓上鋪傳銷公司一支洗洁精賣百幾元，它與一般店鋪的价錢相宜。我買了洗洁精和沐浴露試用，感覺非常好，洗碗碟有洗的好令的感覺，無騙你地，係真咁!!! 怪不得Ｄ師奶喜歡得很，用得開心做左高級會員介紹別人買又可以賺佣(佢地吾係叫會員，係叫業主，個名好鬼特別，哈....)，大家都知我地Ｄ師奶好八卦，有小少野都會周圍唱，係咁就周街知了，好過做廣告。
只要學習和了解了佢地的產品，如產品的特點、銷售的手法、听營養師、化妝師講課等等，就可以參加店長考試，合格者由公司安排一間店鋪給你經營（要五位數的押金），基本上全部係由師奶開Ｄ，佢地不會給男士做店長，男士只可以做助理。
佣金的計算方法好難明，係咩复式計算法，話係同一般的傳銷公司方法相同，我听极都吾明。
仲有一樣要求，做業主Ｄ話，在一個月內要買夠幾仟元的貨品。
仲有大臣哥，佢地話國內好多人暗暗地做緊，想食頭啖湯無份喇!!!!
朋友都係想要開鋪，交左250元做左業主。
月光寶盒潮人都鼓勵thinking more
想補充一下，咁多年來身邊好多親戚、朋友、同事都有加入過傳銷行列，開始的時候個個都充滿雄心壯志，但最後不了了之！ 大家又睇吓自己認識嘅人當中，有冇人真正以傳銷作為終身職業並且成功？ 如果有，可唔可以介紹我識？
winkjet說的很有道理，我會將你呢篇文轉俾朋友睇，謝謝你。。
慳妹姐所說的“微調”好傳神沃！！！
哈。。人哥，放心我係吾會走去做傳銷的，最多問人羅冷把買些生活必須品用啦！‧但有些人認定一樣野，不撞南牆不心息，係無辦法的事。
加入傳銷,就如加入法輪功一樣，咁恐怖？？你所講應該係國內地下非法傳銷吧？那些已經陷入疯狂的人們。
其實做甚麼事情, 甚麼生意也好, 首要條件是頭腦清晰. 做傳銷生意最致命傷的, 便是由友人介紹, 模模糊糊地先入了會, 在上綫不斷灌輸 [正面] 的想法下, 以為花少少錢便會有平嘢用, 甚至日後更可由下屬幫自己賺錢. 入會隨後便不斷感受到上綫的 [氣氛]......其實是一種 [壓力], 在自己還沒清楚了解整盤生意時, 已因上綫的游說下花了一筆資金去買了貨. 慢慢便發覺有些貨品, 雖然價錢合理, 但其實以前日常是不會買的, 如今好像未見官先打三百大板, 於是便開始對這生意產生疑問, 在信心動搖下, 在將之介紹給他人時自然欠缺說服力, 怕累了朋友. 久而久之, 便...................................
如此看來，這算是經過「微調」的傳銷方式。
傳銷如邪教,還是避開為好.
看到一些認識的人,自從加入傳銷,就如加入法輪功一樣,可怕!
哈哈......大臣哥，又遲左了係吾係
慳妹姐，只要先俾左250銀做業主，就可以上堂，通常一個月內是很難學完去考試的，但第一個月內如果吾買佢規定的三個組別，100ev、250ev、500ev，1ev=1美金，可以擇其中任何一种，咁以后會沒有佣金收。三個組別的佣金有不同分法，當然500ev分得最多同沒限制的，做左店長之后的收入也是靠佣金的，所以佢地會游說你買最高的而你自己也會擇最高個組別。
除左第一個月要買規定的之外，以后只須要每月買夠15ev就有佣收。
好多人會辦vip做用家(即60元個只)，因為里面賣的有些東西确實又便宜又靚。
立冬，呢Ｄ叫沒見官先打三十大板！
錢就無賺到，一唔覺意就焗你駛左好多錢。傳銷就係咁0喇!
甘快就比人抢左生意？
改来改去，换汤不换药。都系一丘之貉喇。
先俾 250 蚊做業主，一個月內要買夠幾仟元貨，如果買唔夠又如何？ 如果唔做業主，一開始就上堂，參加考試，合格就直接做店長得唔得？ 還是點都要做業主，焗買幾千元貨再講？
我好多年前都俾人叫左去做傳銷，但始終自己有正職，又點會著緊個副業呢，咁慢慢就無左囉，或者我的性格都唔適合做呢種工作。果陣無賺過錢，但駛左好多錢。