悶死人期權倉開倉
亞B出世，過左好辛苦既一個星期，終於抽到少少時間上來寫下文．
在此先多謝咁多位捧場客的支持，明知無野睇都上來回應同推星，不勝感激．家中母子皆健康平安．內子托我向大家致謝，多謝各位的祝福．
正如先前所提，我正籌備在此建立一個有少少槓桿的10萬元期權倉，今天先講些少背景．
我自己的組合內本身有10萬元是一位曾經教我房地產投資知識的老前輩托我代為投資的．老前輩手上的樓主力為收租，間中參與”摸貨”短炒，所以經常保留10萬元現金作細訂之用．他的目的是想在無短炒交易的時候，利用呢10萬元收取比銀行多的利息，又可以保持一定的流動性．
為報答他在買樓投資上傳過我不少有用知識，我答應將10萬納入我自己的投資組合內，以期權金向他提供每月約１％的現金流．並以我自己名下的少量貸款保證提供足夠的流動性．
該組合運作已有一年，正好可以作為一個實習權操作的示範．
為方便解釋我自身的披資策略，我先列出整個組合的基本操作．
1.) 每月製造1-3%現金流
2.) 部份用以償還組合內的分期貸款部份，通常支出不多於組合總額的1%
3.) 現金流內1000元於下月供A50／或按市況轉其他股票
4.) 剩餘部份則用作分紅／再投資
呢個倉其實係我自身投資組合既縮小版，按本來組合的比例降低後計算。所以將組合放大後，項目4便可提供1%現金予老前輩。
如題，我呢個係“悶死人”實戰倉，要賺的是SURE MONEY，不是BIG MONEY，是要聚沙成塔，唔係要一朝發達．而我的組合可以視為一間獨立運作的公司，我放低啓動資金後便要獨立運作，如非必要也不會再行注資，亦不能退股，只能以每月的現金流回本．
當公司製造的現金流足以支付我家庭開支２倍的時候，我便可以選擇繼續為錢工作／為自己工作了．
開倉資料:
資產:
2628 1000股, 買入價 36 元
流動現金 66284
(備用現金 : 28000 )
負債:
25000, (a.p.r. 9% ；48期攤還，每月還款622)
(循環貸款 28000；a.p.r. 8.5%；唔用唔計息)
股東權益(我的淨資產)
按市值入賬 : 74784 (2628, 3/9 收 33.5)
按成本入賬 : 77284
9 月收入:
31/8 Short CLI 36 Sep Call 收0.62 ; 實收 601
3/ 9 Short CLI 33 Sep Put 收1.26 ; 實收 1241
小計 1842
9 月支出:
分期還款622
月現金流權益回報＝(1842-622)/77284 x 100 = 1.6%
基本上今個月已經達標，除非再有異動無必要我唔會再移動倉位．
之後的文章我會用實戰倉既例子繼續講期權理論以及我既做倉方法．
東兄,
Please also send me the excel report and also 做股票期權既行. Many thanks.
weather925-hot@yahoo.com
東邪 兄 : Morning , 新爸爸會很辛苦, 但開心.
東邪兄,
我有興趣參考你俾前輩的Excel file, 可否send給我參考一下。
Email: tradeoption@ymail.com
東邪兄
今天看完交易所出的期權投資指南後,有數点不明,在馬鞍式長倉中, long call 及 long put 相同行使价, 中途如何平倉, 是否short call short put 一起做.
如做馬鞍式短倉, 是否 short call/ short put 同价同月, 做了後如是旦一方給人行使了這组合豈不跛了一隻脚, 應如何補救, 平倉次序如?
如做 bull call spread , Long call 近价, short call 遠价後, 是否持有至到期?如上文一樣如short call 中途被行使如何解救? 如何平倉?
其他组合如 short side 被行使又怎處理呢? 謝謝指點.
老B
東兄,
got it, thank you, will study in detail.
堅持到底兄 : 利息成本我自己都覺高，但係要無抵押借大額現金就焗住俾咁高息，孖展我都會用，但係我會將佢視為第4-5注既資金，因為一用孖展，我既購買力一定會跟市況波動，好難預流動資金究竟用剩幾多。
俾你咁提一提，得我得閒又去銀行8下有冇平錢借先
草兄: EXCEL 已經電郵至你提供的地址, 如有問題歡迎交流
東邪兄
我覺得你講解期權很在行. 但在借貸方面. 成本比較高.
雖然用孖展有被斬倉的風險. 但息率低很多. 如星展的大P-1%, 大福的細p(for 指數股)
加上是用才計息. 所以我還是覺得用孖展好.
另外, 我寧願開頭做兩張不同價位的sp. 接了貨才做sc.
...不過每個人都有自己的看法. 無話好唔好.
東兄,
very good, pls email c.c.ue@hotmail.com.
草兄: 其實唔使test , 我每個月都有1份Excel Report俾番前輩，但係就無左月供一Part既複息效果。由於篇幅太長，我又懶打，Ｅ-MAIL 俾你參考會好D, 有興趣可PM我
東兄,
很有趣, 希望可以令我對期權有新的體會, 不過真係要運作一段時間才知效果.
又或者 backtest 一下, 假設在三月至現在六個月如此做會點 ??? 我有 mood 會試試.
Dai Dai: 多謝先!! ；我有D好奇你部電腦入面有幾多張早晨公仔?
恭喜！恭喜！！！
亞K: 其實我既負債入面有2筆數，一筆要分期還(即係要借到尾)，一筆唔用唔計息，至於抵押現貨, 來作貸款，你既意思係o米用孖展？d息好似同循環貸款差唔多，但係就有斬倉既風險，所以我都係用番循環.
//你係咪會用短倉為主用來增加現金流？
你用緊既covered call, 然後再用來供月供//
無錯，但short put都會用，視當時倉位內錢多定股多
東邪兄:
先恭喜初為人父. 祝BB快高長大.
悶死人倉，幾好，幾鍾意用運作一間公司既形式．
你係咪會用短倉為主用來增加現金流？
你用緊既covered call, 然後再用來供月供, 亦係我一直用來供2628既方式, 小數怕長計, 一年供款可減少至少2%. 我呢兩個月停左, 主要因為覺得股數太少, 每月佣金成本太高唔著數.
循環貸款, 唔知我有無理解錯, 如果一開始了, 就要借到尾, 即係你既48期. 否則便要罰息?
有無考慮抵押現貨, 來作貸款? 同款係可以唔用唔計息, 雖然息高少少,
浪子:我自己預4 手錢分4-5注在36,33,30,27,23元Short 等價/價內PUT 接貨，預計接齊貨平均價29-30左右，接到貨再每月Covered Short Call / 中空Short Put 收1-3%現金當收租來供A50同還債。
至於點解要分注係因為唔係個個月都一定有機會可以低價接貨，short put 太價外收既錢又少 ,我係就想個個月收錢，分注就可以收權金之餘保留有一定現金在手
先恭喜, 後加油.
2628 $33 要接貸, 就算減 short call and put 期權金都要$31.5, 都唔平呀.
股海無涯: 我現在手上無物業，自己用開間出糧銀行（獅子）開OD要P+4 = 9%
我而家請得一個鍾點+我亞媽幫手，我同內子都係訓得4-5小時
東邪
東邪兄
恭喜,恭喜, 湊初生bb好辛苦, 三年前我請左3個人幫手(一個係陪月)都冇覺好訓, 雖然好辛酸下, 但好值得, 小朋友會為你帶來好多歡樂.
點解你唔開個 od account, d息好似3.5% p.a 左右
老B: 我唔係反對借貸投資，我對用槓桿既意見係 // 用槓桿應該在你已經手法熟練，有一定的把握獲得每月/每年的穩定現金流，再開始使用，而且不應該在按金上打主意//
無錯，備用現金即係循環貸款
東邪兄,
再次說聲恭喜, 講番悶死人倉, 資產中備用現金是不是循環貸款額?及為何有筆負債, 你不是反對借貸投資嗎?
老B
東邪兄,
恭喜
恭喜,阿嫂坐月要多休息,
東邪兄要努力賺錢養BB :)
恭喜....恭喜