高風險

雷曼事件，引致銀行與一眾投資者之間存在互不信任，誰是誰非，本文不再討論；目前，當閣下走進銀行想作丁點投資：你首先要填一份風險評估，合格了，再在兩位銀行職員見證下，錄音作實；日後有乜冬瓜豆腐，閣下自理。

事先聲明，你要死唔畀咩。以此推論........

近日醫療事故頻生：配給閣下的藥可能錯，就算啱又有機會份量多咗，份量啱又有機會過期；護士同你打針可能擰錯隔籬床，分分鐘同你割咗啲你唔想割嘅嘢；同住幾十年可能夾唔啱ＤＮＡ，死咗嘅先人遺體又揾唔番。總之，無奇不有，風險之高，比美銀行投資。

因此，老鼠向醫管局建議，仿效銀行做法，為一眾求助者問症前，做一份「醫療錯誤風險承受評估書」，受得了，辜且畀你搏一搏，否則，另找高明。

這樣做，還有好多好處：

首先，求診者一定勁減，投放資金自然減少，醫生護士得閒咗，就不會爭取加薪，而最重要係.......有咩事......唔關佢事。

一獲兄，諗諗，一鑊過，攪攪。