(河馬仔專欄)旺角LAFUMA CAFE評論
喜歡行山的朋友,應該都會知道有間賣背包,睡袋及野外套裝之國際公司---LAFUMA,原來此公司有悠久歷史,約在1930年代開業.當然現時在香港已經非常出名,都會在一些運動舖頭見到此牌子.
不過原來此店都唔係只賣運動裝,佢地在旺角花園街都有此店之咖啡店,而且店內裝修非常似一些郊外木屋之風格,而且坐位非常寬大,燈光柔和,適合拍拖及喜歡工作後休息之人士.
原來此店係有一些馳名菜式,當然小弟單槍匹馬去食就冇可能試啦.
還是要WINE DINNER SET算...................
墊枱紙係地圖,頗為特別.小弟試過兩餐,分別要了HOUSE WINE(紅酒白酒各一),白酒較順喉,本人較喜歡,但要小弟品酒就唔好啦,因張弟真係唔太懂如何品酒,還望賜教.
第一餐要了個燴牛膝,牛膝之骨髓頗香,加上有紅蘿蔔的醬汁及薯蓉,大家都唔搶味.只覺牛香慢慢入了薯蓉內.再加上牛骨髓軟綿綿,一啖一啖品嚐又真係充滿骨之香酥味,的確唔差,值88分.
第二餐要了一個紅立魚+野米+芒果醬,簡單的一餐配白酒.紅立魚煎得頗香,肉幾厚,有芒果醬配搭一下,再加上WILDRICE(原來學名叫菰屬茭白之子),營養較高,較煙韌,較合一些魚類之食物---80分.
每餐都約百幾港元,要用英文與侍應溝通,如三五知己想舒適地吹水食飯,此處都算係旺角其中一個可以的選擇.
多謝回答啦
好去處,可以一試。