(河馬仔專欄)其他麒麟啤酒評論

講起麒麟啤,現在好多地方都有得賣佢金白色罐的一款.但其實無論日本及現時的香港日式超市,還有另類的麒麟啤賣,之前小弟就去了祟光百貨一趟,就見到有幾款唔同的可以選啦.

當日買了幾罐,先睇一下該啤酒會社的網站出配的世界初[無酒精啤酒],講起無酒精之啤酒又確實係小弟第一次聽到,據該站所述,把如麥芽之類的原料,不用酵母發酵而成的,故此不會產生酒精.當然啤酒做到0.00%的話,可能好多社會問題都能解決(如醉酒駕駛,酒精倚賴等).它的出現有機會為社會之飲食習慣及模式出現變化.



試下飲先,講真味道就唔太濃,個樣似啤酒但味就唔太令人好深刻,輕輕帶點點栗子味,略淡.不過凍凍地飲都有飲啤酒的感覺.作為新面世的東西,期待未來之改良,應該可以為世界解決酗酒的問題.

當日買一罐要$17.8.


第二款係秋味(秋天限定),以1.3本分之麥芽製造,6%酒精,該網有列出一些秋天日本食品食譜,如秋刀魚,冬菇,茄瓜,三文魚,牛蒡,蓮藕等等,大家如喜歡的話可以去睇睇.



講番罐啤酒,麥味真的較普通的濃,唔苦,算順喉.而且當食一些較淡味的食物時最配合.飲後尚有餘香,當時一罐買$9.0算平,值得小弟去買多幾罐放係雪櫃啦!