因與老父十幾年來都未去過赤柱一遊,上星期六雖然有馬跑,但我倆都不想坐在電視前睇馬,一早已決定到赤柱有名的德國餐廳試一下.
當日熱到甩肺,熱浪迫人,由赤柱街市行到去已經大汗淋漓,行下停下終於到美利樓.
結果上到去店內,環境優雅,有室內及室外任君選擇.當然在熱到甩皮的日子,小弟便失去附庸風雅坐露天雅座.不過室內裝潢亦夠古典.
店名為King Ludwig Beerhall,小弟起初都唔明,原來及後回家找維基百科找找便略為明白.
原來King Ludwig,即巴伐利亞國王路德维希一世,此皇帝生於1786年,卒於1868年,由1825年開始執政至1848年時被迫退位,本身為一位古典美術愛好者,在位時推動巴伐利亞(即德國東南)之工業及美術發展.
而點解啤酒同KingLudwig又有關係?原來慕尼黑啤酒節(Oktoberfest)就由他而來.當時慕 尼黑人民為了慶祝當時還是王子的KingLudwig與薩克森-希爾德布爾格豪森(即接近現時德國中部圖林根邦)公主特雷紗結婚,在十月舉行了一場賽馬, 活動成功後便在每年9月尾至10月初舉行約兩星期的慶祝活動,除慶祝結婚外還會慶祝農產品豐收,當然現在賽馬應該沒有了,不過其他的慶祝如唱歌跳舞大飲大 食依舊存在.
歷史上特雷紗公主頗為樂善好施,未知是否此緣故,德國人年年都會在此時間穿著傳統巴伐利亞的服飾,載歌載舞,飲啤酒食豬手(當然唔只咁少食物啦.....),洋溢住歡樂氣氛.
今年的啤酒節由9月19日去到10月4日,我今次去食都算係應下節,入去兩個人唔理啦,不要自助餐,就來個散叫啦
先來一杯1LITRE的King Ludwig啤酒,味道唔太濃但其實酒精都頗勁,兩個男人飲一杯都夠飲有餘,一啖酒一啖肉,先至夠豪氣.(啤酒---$95.0一杯)
看板娘--馬場樂子評分:
再來一籃麵包,熱透而且香軟兼備,加牛油便夠.
看板娘--馬場樂子評分:
再來個雜肉拼盤,雖然莎樂美腸頗硬,但肉香味濃郁,充當小食非常一流,建議加少少芥末及酸瓜,更帶出肉的香味.
看板娘--馬場樂子評分:
最後當然係主角脆皮豬手出場,油脂軟綿綿,皮脆香口,但入面肉質嫩滑多汁,切出來熱氣沖出來,份量三個人最好,但兩個男人食都好夠飽,用啤酒送真的剛剛好.
不要忘記附帶的薯仔及酸菜,同樣不俗.
看板娘--馬場樂子評分:
從美利樓看出海環境美麗,真的是聚會的好地方,不過如天氣涼一點才去可能會更加舒暢一點.
最後是次看板娘--馬場樂子總評分:
