賣樓魔術師－－四叔變八叔！
2009/10/22 12:03:38
網誌分類:
生活
論賣樓，四叔甚是有才，33層樓竟然可以賣出88層的價。服！
四叔說，大家喜歡意頭嗎，就如車牌「7086」七零八落，衰梗，不要！「3547」也沒甚意思，不要。所以，1-7樓號碼不好，大家不要，從8字開始，垃圾房的上一層，即是2樓，2字大家不喜歡嗎，就叫8樓。39樓過後，接近40樓，大家都不喜歡，跳！一跳跳到60樓。69也不好，一下子由68跳到88樓，所以，68加88是覆式，中間覆20層是幻想層，所以賣到七萬一千的天價。
四叔實在是太有才了。
咦？四叔這四字也不吉利，死死聲，死梗！大家也不喜歡。明兒你改八叔吧，八字吉利。
你好，八叔！
六叔：「你那座在西半山的豪宅大廈，竟把由四十樓到五十九樓的樓層都跳過，輾轉便升至八十八樓，有無搞錯？」四叔：「我無搞錯，咁樣至好玩！我太有創意，分分鐘會在今年奪得多個建築學獎。我在豪宅的樓層間玩數字遊戲，問你服未？」
× × ×
老和尚：「草蜢仔，你要記住，救人一命，勝過造七級浮屠。阿彌陀佛。」草蜢仔：「師父，七級浮屠未免不足，為什麼不是『救人一命，勝過造八十八級浮屠』？阿彌陀佛。」老和尚：「善哉。」
× × ×
主考官對一名應徵男警職位的年輕人道：「你有多高？」那應徵者道：「阿蛇，我有八十八吋高，夠未？」主考官道：「阿哥，八十八吋即係有七呎四吋高。但我橫睇掂睇，你都係五呎差吋半。你想呃我？」應徵者道：「我沒有騙你。如果將我的八十八吋高，減去四十吋到五十九吋的無謂部分，再去除一些難聽的吋數，我便是有此高度，跟姚明的身高是差不多了。阿蛇，我絕非只得五呎三吋半！」主考官道：「我唔係話你身高為五呎三吋半，而是說你『五呎差吋半』，亦即四呎十吋半。你去搵四叔畀份工你打啦。」
× × ×
王安石：「不畏浮雲遮望眼，只緣身在最高層。」蘇東坡：「最高層是多少？是二樓、三樓還是四樓？」王安石：「我就是在東坡上。」
× × ×
王之渙：「欲窮千里目，更上一層樓。」四叔：「王之渙係傻仔，唔懂得迎合貴客要求，更唔識炒樓。我就曉得跳層，故更上一層樓往往便跳越了二、三十層樓，不但能窮千里目，且賺得盤滿缽滿呢。」
× × ×
有少女遞報名表參加選美，臨時考官瞥了一瞥表上的資料，便問：「阿姐，你胸圍當真有八十八吋嗎？你唔好嚇我得唔得？」那少女道：「阿哥，我的推薦人係四叔。他親身跟我量度過胸圍，認為有八十八吋。如果你唔信，唔該你致電給四叔問個清楚！」臨時考官笑道：「啊，原來是四叔推薦你。四叔將三十層樓當八十八層樓，我明白晒。」
× × ×
四叔吃着一塊千層糕，道：「千層糕只有五、六層，這才算作大！」
aahhahahhhahhahh
博士一言，令人獲益良多，看來買低層一點的對．
博士又塞錢入我地個袋，原來35樓以上唔好買，收到！
哈哈，禅师太有才！八叔好啊，八啊！好！
咁做法, 祇係無事攞事來煩！
24, 25, 係代表白手興家, 揾錢不用太勞碌, 錢來揾人, 佢哋就唔要。
28 係事非破敗, 38 係望洋興嘆一事無成, 佢哋反而當係寶。
人要腳踏實地先有運, 離地面越遠越無運！
任志剛本來做得好地地, 偏偏要金管局搬去 IFC 頂樓, 搞到事事非非。
紐約自從興建所謂摩天大厦, 美國即刻陷入 1929 年大蕭係。
馬來西亞起咗雙子塔, 台灣起咗 101 大樓, 即刻風光不再, 經濟一潭死水, 仲要政局不穩。
杜拜的 Dubai Tower 號稱全球最高, 聽講今年年底入伙, 中東應該就快又出事。
四叔仲離譜, 明明座樓無咁高, 又要講到好似好高, 自找麻煩！
每當朋友叫小弟睇吓層樓好唔好, 都會問清楚係幾樓, 如果高過 35 樓, 都會叫佢哋慳番, 唔使睇！
朋友叫小弟幫手揾樓, 小弟都會幫佢哋揾 35 樓以下而好風水嘅。
如果朋友揾著 35 樓以上嘅單位, 小弟都會叫佢哋慳番啲錢, 大家慳番啲時間。
四叔遲點可能出一個層數修訂對應表專供消防員使用！
Bonny, Candy說的很有道理，消防員又不是搭電梯，雲梯上去怎麼數呢？這問題想起來真是挺嚴重的。
咁第日d數學咪亂哂大龍囉! 第日 10 + 10 你話一千 甚至一萬都得架啦!
真係發生意外時, D消防員究竟要去幾多樓救人呀? 諗呢個樓層的人都冇腦GE~!
哈哈！咁下次可能係8樓開始，跟住就係18、28、38、、、、88、、、168、、、328、、、888！咁香港咪好多摩天大廈？
這類事情,也就是在香港"有錢大曬"的社會才會發生哦...
君不見立法會要求鄭大少爺來談談話都被告嗎?
七萬一可能都係變魔術呀，這邊買完，那邊回水，博宣傳呀。
天底下哪有那麼傻人呀，尤其是有錢。
如果以后地产发展商个个都这样随意去掉几十层楼，万一发生火警，报警时如何说的清楚？我认为政府应该管治一下。
出天价购房的那位大陆买家，估计是个爱出锋头的家伙。因为他不应该会是傻的，也不会是有病的吧，否则怎会赚这么多钱呢？也不像是来港洗钱的，按理说洗钱的会低调一点吧？
都係一哥你個名最威呢！