(河馬仔專欄)GAMEISM遊戲同人販售會觀後感

今次的同人販售會活動於10月26日舉行,題材以遊戲同人為限定題材,這個算係非常少見.不過仍然吸引唔少同人團體參與其中,約五十檔.地點在灣仔某商業中心22樓,入場費$15.


本來想影多少少相片給大家報導,可惜場內頗為擠迫,主要原因好可能地方細而要容納唔少檔口,故此大家都水洩不通,而場內都有一些講解NicoNico之活動及Wii Party等,當然很多人參觀者都係企係度睇.而其餘還有人坐在一角看同人誌.

今次只好影了少少場內檔口之影像,其實都係影低香港較大型的同人團體黑蛛白蛛及風林火山的檔口,佈置得色彩非常而且有本子及精品發售啦.



當然其餘的同人團體亦佈置得熱鬧,不過小弟唔想個個檔口都影(因唔太相熟驚阻住人地啦).其實場內氣氛唔差,不過行人路真的頗窄,要仔細駐足觀賞有時未必咁方便,不過作為一個同人文化交流的平台都不俗,給人較自由的感覺,亦能容納不同類型的同人作家.


場內有抽獎,小弟有幸中獎,贏了圖內加面的火狗工房墊板.中間的一本就是買下的風林火山出品的 PANGYA同人漫畫.(小弟唔查WIKI都真係唔知乜係PANGYA,起初仲以為係K-ON之小梓做封面,請見諒.)遲點等我有機會睇下PANGYA係 點玩先...而左面的Brainwave同人組織的東方膠文件夾,又實用又得意,又可以放文件啦.

整體上COSPLAY區較細,今次基本上唔太多人COSPLAY,故此沒有像以往大型同人販賣會般影到COSPLAY相,希望遲點的EVENT會再為大家報導啦.