教師面子上的死線

本來以為, 教育沙皇都已經叫做堅架啦, you'll pay喎, 「親身示範」甚麼叫做i'll pay。點知, 原來廣東的沙皇更厲害, 掌聲鼓勵!! 掌聲鼓勵!!如果將呢條「醜樣唔教得書」的法例搬來香港, 大把「我很醜, 但我很溫柔」的阿sir、miss要執包袱, 慘過語文基準試!!! 

唔止咁, 如果將呢條law玩大佢，其實可以好過癮！例如：

甚麼甚麼補習天王天后都冇得撈lu, 全香港得番遵理richard eng一個可以教英文, 得番利嘉兒可以教普通話, 咁就死火啦...

我有條疤痕, 就唔教得唱歌? 我係張學友喎!!!! (學友面上條疤痕一定長過3公分「死線」)

我個Look係唔夠官恩娜咁靚，但我話晒係方太，真係唔可以重出江湖教烹飪？

仲有，駕駛學院果班阿蛇……喂，搵戴夢夢黎教車咯～我考牌1 dick pass！

不過咁, 如果無限上綱, 將呢條law apply埋落教統局度, 咁就唔同講法.  沙皇肯定係第一個俾人out出局!! 「攞飯焦分」走得早, 如果唔係都要因為太樣衰而革職!!!!