(河馬仔專欄)RAINBOW GALA 4同人誌販售會觀後感(PART 1)

2010/01/04 00:14:24 網誌分類: 動漫

04 Jan

今年2010年第一炮同人誌販售會終於在1月3日於九展開鑼,今次已經係第四屆,活動今年有點唔同,分開兩邊隊入場.因為今次分VIP及普通飛,VIP飛要$80一張,小弟雖然萬千不想買,但諗起可以訓多兩個鐘,對一個工作族而言還是一件好事.

未開閘前之景象:

場外有KALAFINA演唱會之宣傳板...

一到十一點開閘,VIP飛及普遍飛都一齊出閘,當然VIP飛唔駛日灑雨淋係好事,不過係唔係$80真係咁值一陣再講.

入到場,今次都算分得開,左邊係女性向,右邊係男性向同人本,COSPLAY區在三樓.舞台在中央.

今年以東方Project之漫畫及畫冊佔最多,貼下場內景況先

場內當然有唔少表演,亦有一些司儀作介紹.

仲有K-ON COSPLAYER同大家上台推銷Q版K-ON FIGURE...但我都係冇買

當然亦有日文歌唱及舞蹈表演.

仲有蹺舌歌手,無獨有偶都有唱涼宮的歌曲:.

佢地都有唱噃,兩種唱法都有唔同的風格

仲有動漫舞台劇,同樣見得到佢地付出唔少努力去演好個劇目

仲有友台馳名動漫節目之主持在台上主持了近半個鐘之棟篤笑.所謂"台上一分鐘,台下十年功",好明顯見得出佢地今次準備得非常多,好多事件都絲絲入扣,講得到肉,就算唔係對動漫非常熟識都可以雅俗共賞.今次佢地講到好多人都拍手大笑,佢地又唱又跳,值得一讚!

當然係我唔好,今年跑馬未贏過大錢,買極都買唔到部單鏡反光相機,只好請他兩位影張近鏡.

今次見到有澳門的代表,後而有支區旗,雖然小弟係半個馬交人,但講真"馬交朋友"又真係唔多.恕小弟對澳門認識唔多,在圖中所見,澳門出名的可能係蛋卷,魚蛋,同埋籌碼所反映出來之東方蒙地卡羅.

場內除了FIGURE,同人本子,手工藝品之外,還有一些其他的檔口.如現代作家何故先生都有攤位在此.今次買了一本他的小說簽了名.上次見他之時已經係我錄動漫節目講之時,期望遲點能在網台節目中再與他主持節目.

場內有位參加者非常有心,拿了一輛LUCKY STAR的柊鏡九巴74X來,巴士司機居然係COSPLAY了的柊鏡而乘客係一埋FIGMA公仔,而且架南懂得郁,看得出非常用心設計,值得一讚.

當然今次買了點東西回家啦.

左邊的一本以日本東北列車為主題之彩色畫集,本子內有列車之歷史及特色,真係唔講都唔會留意到.中間的是紅音色團體的全彩本子,走可愛路線,都是東方PROJECT的本子.右邊的是初音油畫風格本子,由多位畫師負責,以油畫風為主幹,但亦有其他類型,喜歡初音系列之讀者應會喜歡此本子.

除本子外還有日曆及非常漂亮之紙袋,真係有點唔捨得拿來裝東西(不過還是會用來放東西)

FILE夾都是常買的東西.

潮流講環保,環保袋都已經係同人活動常有的東西

此兩本的本子都是有畫之看板娘之畫師繪製.左邊為 CHIYA,以油畫風畫出一個帶古典味之故事,非常漂亮.而右面就是風林火山所畫的K-ON同人本,本內有大量彩圖,無論風格及色彩方面都覺得更多層次. 而本子尾之漫畫原來同今次之月曆有關,睇完都覺得頗貼題.

個月曆全彩仲要係大SIZE,搵過地方排住先

仲有長毛巾,拿回家後已被媽媽收起了作收藏

今次總括一下是次活動,意外地發現人流比預期少,其實我買VIP飛係可以唔駛排,但小弟就算下午回去之時好多檔口仍是有存貨在手,當然有些存貨極少的貨品會售罄.

本身活動安排得唔錯,但有些問題如場地在下午有段時間頗悶熱,的確係令到一些檔主及行人, 特別係COSPLAYER非常辛苦.而且有不少檔主及行人覺得今次個表演台放在正中央其實有一樣潛在問題,就是中間聲浪會頗大,居於近舞台之檔口其實會頗受影響.而觀賞人數越多就越會造成中間擠塞.

還有一件事擔心的就是當見到場刊,寫住RG5應該會在4月舉行.如此密集之同人活動其實難以消化,同人作者亦好難在如此快速之情況下出本子.而且COMIC WORLD會在2月中舉行,如此頻繁有可能令參加者吃不消,這是令人有所憂慮的.