(河馬仔專欄)1月20日賽馬日分析

是日主持之心水選擇及賽果由看板娘---馬場樂子為大家報導:

(全日中四Q一T,當中包括第五場71倍全日最冷Q!)

第一場:

2.彩旗飄飄-此馬戴眼罩後上場開始見接近,貫注力可能有點不足,故此今次跑到二千二除眼罩都唔係冇原因.當然今次排一檔而且快馬奇少之下,只要唔好中段有堆馬突然暴走的話容易比佢慳慳埋埋走得近.出腳掃下掃下應是長途馬

是場心水:
2.彩旗飄飄-7.京城天寶-11.康樂名駒-3.飛躍星河

第二場:

11.喜在心頭-上場就係用了點點力埋欄,結果真係輸丁丁咁少.今場應該更容易守到欄位,在四班夠超的話始終不容忽視

是場心水:
11.喜在心頭-3.質超駒-7.鉅業光輝-8.颯若風

第三場:

10.金巴利來-連續兩場雖然走勢麻麻但其實當時狀態唔夠之餘而且加速不足.今次條件賽事主要對手均在外疊,此馬父系在谷草幾合發揮,晨操出腳力度比上兩場均衡以外唔再得個掃字,今次應可再見多點此馬實力.

是場心水:
10.金巴利來-12.最上-3.虎威將軍-5.駿盈
(中三重彩派$1018.0,單T派$278.0,連贏派$163.0)

第四場:

5.百利旺-總覺得上次一起步新達哥沿途早段將此馬留到咁後確係冇乜意思,強於最上都追唔到.此馬比季初跑近之時都已經減見十幾分,再換回熟手賴仔騎回上去仲要咁有分利,再有好檔慎防此馬突然收復失地

是場心水:
5.百利旺-2.蓋世子牙-4.精算攻略-7.綠茵勁贏
(中連贏派$51.5)

第五場:

12.劍鋒-上場走甩兩個圈當做運動便算,上戰谷草係放頭之外仲要最後飄甩來贏算唔簡單.快跳此馬已夠哂文靜,仲要今場快馬未必多,如立心放前基本上最安全

是場心水:
12.劍鋒-7.團隊精神-11.跑得叻-2.紅封包
(中連贏派$715.0)

第六場:

11.金堡龍華-陣前換帥雖然較為奇怪,但強配昌哥增程挑戰加上血系宜谷草,而上仗跑落較均速好可能再增程會更合,晨操更加歛口看來矢志今場出擊

是場心水:
11.金堡龍華-1.一團威-7.驃驥王-9.沙貝利

第七場:

8.星際雄師-上戰開始慢慢見到此馬回復走勢,當然谷草比田草更利發揮.晨操快跳個口搶住走已經係久違了之鏡頭,只要今場兩隻快放馬立心擺前走佢便有機會

是場心水:
8.星際雄師-1.好知己-6.士多啤梨-12.天下寶

第八場:

10.萬里駒-上場原來沿途冇埋過欄之外仲要臨轉彎踩油飛出大外疊,而開心風采係等轉大個彎先飛出去.故此大家之耗力程度已經差得好遠.今場好檔加上用埋勞生,此馬可快可留,講真未必差得過開心風采

是場心水:
10.萬里駒-1.電光能源-6.開心風采-7.威利多多
(中連贏派$128.5)