(河馬仔專欄)2月10日賽馬日分析

是日河馬仔心水選擇及賽果由看板娘---馬場樂子為大家報導:
(只中頭場54倍連贏及第四場12倍連贏...)

第一場:

10.開心假日-雖然此馬的確有老退感,而上場直路一千好明顯連前速都欠奉,不過此馬千二放頭可能會較一千較容易回氣.7號快跳三段此馬有神有氣之餘,狀態絕對比上場推得更高,火氣在跳到尾時仍維持.用勞生應可對此爆發力弱之馬未必唔好,今次似有所期待甚有留意價值

是場心水:
10.開心假日-7.秒秒領先-5.分享-12.綠翔王
(中連贏派$549.0)

第二場:

9.來福-其實呢場馬真係揀到冇野好揀,一眾對手確是四班都未必可以穩入位之馬.唯有選一隻狀態冇咁差,又將一大堆好似唔太WORK的配備丟棄哂,變到身的話應可再度入圍

是場心水:
9.來福-3.御將軍-5.雄爆-11.勁多勝

第三場:

1.金紫荊-上場遇到三班頗強之組合沿途被攝之下,都係輸最後一百而已.不過該場頭四隻之實力原來咁強.今場跑三四班級數差舷遠,仲要一檔加上有隻快的榮耀港駒在外面,跑多二百都應唔驚,8號快跳一段過步不疲

是場心水:
1.金紫荊-11.最上-8.盈驥-3.新薪

第四場:

10.叫關快-雖然此馬曾有缺課,但晨操8號昌哥親跳兩後隻馬對腳係伸得出之餘,勁勢及收身皆合優良水準.同父系合谷草的子嗣唔少,希望抽內檔之下能比上幾次發揮得更好

是場心水:
10.叫關快-4.引伸波幅-3.揀得正-8.九龍寶
(中連贏派$120.0)

第五場:

1.包裝老友-雖然上場慢放得手爆到七彩,追寶尾有點唔抵.不過上次加分極少,而贏到之發達心聲,一團威,追月等等之馬都悉數交出表現.今期此馬檔位雖然差而且換人,但此馬潛藏實際上冇人知,可能有機會係點跑都得之馬

是場心水:
1.包裝老友-6.發達心聲-3.新強勁-5.好勇駿

第六場:

7.財駿福星-上場的確際遇惡劣,最後走勢尚見有喜地唔潰敗.自從贏完之後發覺此馬開始歛口之餘個身都漸見柳條.今場仲要快馬唔太多,勝機應比上場高

是場心水:
7.財駿福星-1.旺國手-4.文武精英-8.威力高

第七場:

2.特好-近兩場皆失去應有出閘之順暢,往往都是一早居後,當然上兩場之發揮的確只可以講係麻麻而已.除非此馬真係完全跑唔番,否則回歸再對一批三班略普通之對手(唔計精彩生輝),加個眼罩的確有得期待

是場心水:
2.特好-1.精彩生輝-7.聲威旺-8.新蝦王

第八場:

7.紅旗威揚-雖然此老馬今場對手頗強,但今戰快馬多還多,但用雄仔勁減十八磅足以抵銷一個班之分數.其實此馬未必真係要走三四疊轉彎,今場聖法理及金德寶應極度快,佢係有機會因風火神駒都要搶的情況下奪得到個COVER位置.8號踱步老馬毫無懶感,更覺輕身

是場心水:
7.紅旗威揚-10.聖法理-5.威利多多-8.鑽飾光芒