太歲冷知識～1

太歲冷知識～1

新年，很多人都好想知道來年是甚麼年，屬甚麼生肖，會否犯太歲等。當知道自己犯太歲，就驚到有得震，無得瞓，擔心不已。

尤其今年正值金融海嘯，若然知道自已來年犯太歲！相信會飯都食唔落！怕明年無翻身機會，又怕明年唔知點過！其實唔駛驚，都係咁過！

太歲星其實就是木星，木星繞日而行，比地球慢十二倍，要十二年才繞日一圈，古玄學家將周天分為十二次，木星（歲星）每年行一次，這說法與道教相同，記云：太歲者，十二辰之神，木星歲行一次，歷十二辰為一周天。

坊間傳說眾多，太歲源於道教太歲神，簡稱「太歲」，又名「歲君」及「年神」，為當年之守護神，共六十位，為六十甲子太歲神，順序值年，周而復始，值管每年之人間福與禍。

歲星（木星）要十二年才繞日一周，故年年都有當年生尚犯太歲，例如2009年屬牛，肖牛者犯太歲，2010年屬虎，肖虎者犯太歲，如此類推。

又因為十二生肖和命學之十二地支相同，且各有所屬，子為鼠，丑為牛，寅為虎，卯為兔，辰為龍，巳為蛇，午為馬，未為羊，申為猴，酉為雞，戌為狗，亥為豬。而十二地支因為有刑、沖、破、害，除與生肖（地支）相同者為犯太歲，亦衍生出刑太歲，是為與太歲相刑。沖太歲，與太歲相沖；破太歲，與太歲相破；害太歲，與太歲相害；因為將命學的刑、沖、破、害代入，除犯太歲者外，亦出現不少當年其他生肖者跟太歲扯上關係，通通都被視為不敬，必被整治，整年百事不順，官非惹禍，死人塌樓破財血災，生意執笠、死唔斷氣，總知被傳到有咁慘得咁慘，有咁大鑊得咁大鑊！點解？因為在每年的流年星宮圖上顯示，凡值年太歲星的出現，必定連帶另外兩顆凶星，「劍鋒」及「伏尸」，一行三位，三位一體，構成凶上加凶，遺禍更大。再加上其他凶星，導致凶星成群，有時仲衰到全無吉星，所以才被誤導有咁衰得咁衰，亦因為六十甲子，有六十位歲神，值年掌管，凡與當年歲神的姓或名相同者，也算沖犯，視為不敬。更甚者，甚姓或名的部或字形部份相同，又算作沖犯太歲，發音相同或相近，都話犯太歲，連公司名有近類似的字，都要犯太歲，總知，任佢講，點都要死！

點解要攪到咁多人犯太歲，後期便流傳出因為冒犯歲神，要祈福保平安，又發明一系列拜太歲、化太歲、攝太歲，近年更流行佩戴飾物化太歲，又有以風水之局化太歲，又有以顏色催旺，跟太歲相做老友，可催吉避凶，又有以出門方向走動可避之，種種方法，都為後現代產物，以意頭之強作催吉避凶，實則跟據全無。一字咁淺，古書有云：「太歲為眾神之首，掌每年人間之禍福。」又厔：「太歲，百神之首，年中天子。」既然咁至高無上，又咁偉大，點解佢咁小器，人家姓名與佢相同，生肖與佢管治之年相同，點解會被視為得罪佢？點解得罪佢，那年就要人咁大鑊，整年衰到貼地，無啖好食？作為眾神之首，點解唔係勤政愛民，化禍為福，應該是救世救民，賜凡間諸事昌順，但又唔知點解有咁多玄學家樂此不疲幫手嚇人，無他，藉此謀私，大做生意。其實，太歲唔可怕，迷信先攞命。