E－IPO

今年後知後覺嘅我開始學人抽ＩＰＯ．之前嫌麻煩，又唔知會抽到幾多，又要鎖住我有限嘅資金，所以就算有幾吸引嘅股票，即使好似大連港，工行，中交建．我一概無抽，而只叫阿媽同老婆做代表參與．

今年開始覺得風高浪急，搵食艱難．而且除咗組合內Ｄ長揸嘅股票外，閒時應該用小注作短線炒作，增快資產增值速度．當然一向要求規則嘅我（雖然經常有規則唔守），對短炒對象嘅選定亦有規則，例如ＰＥ，息率，ＲＳＩ又或者係龍頭新股．

第一隻抽嘅新股三林，但可惜因超額太多同落注太小．結果認購失敗．繼而今次中糧（０６０６）就加大咗注碼．佢嘅各項條件對於我非常理想，原本想抽到超過１手，部分長揸部分即放獲利，但可惜事與願違．最終只抽得１手，再上佢係國家重點支持行業，又有高增長，於是決定長揸．

其實經過２次抽新股經驗後，我對抽新股嘅壞印象，仍然無變．而且更加覺得ＥＩＰＯ嘅透明度不足（結果並唔係透過港交所公佈，而係提供ＥＩＰＯ嘅金融機構），所以日後只會選擇性抽新股，而且唔會投入全部資金去抽．

午後買入力豐（０３８７）作短炒，原因係佢嘅數據乎合我嘅要求．雖然佢剛發盈警，但多年前我見過佢哋嘅位，同用過佢哋嘅服務，都覺得唔錯．主要競爭對手只有香港科學儀器公司．今次嘅問題唔在佢身上，只係佢供應商Ｍｉｔｕｔｏｙｏ三豐嘅問題．現時未有資料（例如有關部分佔盈利比重，同毛利率）可以估計到問題影響幾大，但我亦用過Ｍｉｔｕｔｏｙｏ三豐嘅小卡尺，問題唔大，而佢嘅市佔比率亦好大（眼見好多廠用佢哋嘅卡尺）．

相反理論嚟唸，如果Ｍｉｔｕｔｏｙｏ三豐嘅產品真係有問題，隨時益咗０３８７有新嘅單．即使唔係咁，Ｄ客亦好可能透過０３８７搵第二個牌子嘅產品．佢哋亦唔可能搵第二個代理商買入Ｍｉｔｕｔｏｙｏ三豐嘅產品，因為日本政府已禁止Ｍｉｔｕｔｏｙｏ三豐嘅產品出口．

以上純屬個人想法及偏見．

倉內組合：
０７１６　２０００（＄　３．４５）　  
０６０６　１０００（＄　３．８１）　  
０３８７　４０００（＄　１．３６）　  
０１３７　１０００（＄　１．２６）