(河馬仔專欄)荃灣金滬庭上海菜午餐評論

講起上海菜,香港真係好多地方有得食,亦非常普遍.而價錢方面亦較大眾化.由幾蚊個之上海栥飯到好貴之火瞳翅都有得食.而今次講的是小弟一家常去之集團式上海餐館---位於荃灣愉景新城之金滬庭




去到當日有一杯豆漿飲下,算大杯.唔太甜噃


去那兒小弟多數都會叫番幾碟小菜或叫多一些回家做餸.

但不忘的永遠是這兒的擔擔麵,花生香加上微辣,永遠都是我去到必點的食物.麵條亦煮得唔過火,亦唔會太硬,剛剛好


小黃花魚亦炸得夠脆,而魚肉唔粗身,作餐前小食都不俗.


牛肉餅算是多汁,但當然有少少油,不過汁仍算多.而我本人較鐘意春卷,油份好少,收得夠乾身,入面蔬菜亦夠多


蔬菜煲,亦不如一貫之上海菜般多油.清淡之下清一下之前的煎炸食物,菜湯亦唔覺嗆喉.


跟住來兩個小菜,左面的燒汁牛柳確是高水準的,牛肉唔覺有梳打粉的痕跡,肉質有彈性而入味.但一點都唔過濃,送飯亦佳.右面的雪裡紅粉皮算唔太油,頗惹味之餘亦有雪裡紅之爽脆.一滑一爽好配搭.


鮑汁花膠鵝掌又是一個唔錯的選擇,雖然鮑汁並非太濃,但香味仍有.而花膠及鵝掌夠哂腍滑,買回家再煮更滋味.


最後來了兩個甜品,桂花榚非常清淡,糖算好少完全唔覺甜.而另外一個桂花酒壤丸子,丸子夠哂軟身,而酒味亦尚算夠.當然兩款不可說非常突出,但當普通甜點亦可以.



此店小弟試過一兩年,價錢算中價酒樓收費.水準長期而言算穩定而且幾乾淨.有一點小弟非常有印象的就是此店的廚師在各樓面工作人員非常忙時,也會幫忙端出食物來,始終一間餐廳的成功都有賴各員工眾志成城盡力做好工作,而互相幫助亦會令運作順暢度事半功倍,值得一提的.

看板娘---馬場樂子---對荃灣金滬庭之評分:




今年咁啱大年初一同情人節同一天,在此及仝人祝各位朋友甜甜蜜蜜,開開心心,橫財就手,心想事成,馬到功成.(大家可以留意一下揮春的字,希望能夠成真啦^^!)

今年咁特別,在此送上看板娘馬場樂子WALLPAPER,有兩款SIZE任君選擇:

今次由河馬仔出品,由同人組織LAPUS之畫師CHIYA繪製而成.希望大家喜歡.

有兩個SIZE供大家下載,用發放.



1650 X 1050
http://img.hkheadline.com/headline/blog/album_photos/57/44/150556/1/201002122258562320_1600x1600.jpg


1024 X 768
http://img.hkheadline.com/headline/blog/album_photos/57/44/150556/1/201002122258505572_1600x1600.jpg