性格大改造
2010/04/16 10:43:34 網誌分類: 生活
| 女皇Shane高傲的性格，隨着愈來愈融入家中而改變。搬家後牠突然和阿寶一笑泯恩仇，可以跟大夥隻疊隻堆在沙發上睡覺，近來更愛上骰仔和米米，經常挨身挨勢，博取兩美男注意，可是兩隻「公公」對牠沒太大反應，女皇Shane仍不放棄，常擠眉弄眼地。 牠對人也和善信任多了，能觸碰手仔腳仔，近日更讓我近距離哄牠的頭仔，不過錫錫依然不行。牠童年際遇不好，給我領養的人也提我，牠不讓人抱，嗲人更是天方夜譚……見到牠性格大改變，格外的開心，雖然抱多過三秒牠依然會跳走。 喜歡貓的人不求貓搖尾奉承，忍得住牠們冷淡屎面，面對偶然的「善待」，已樂翻了天，我想我不是最經典的吧？ 關慧玲 |
 | |
Hi 關小姐，
如果妳用開速遞嘅話，我諗就唔太方便。因為賣得最平嗰間舖係無得送貨，要自已去攞。所以未必啱你地喎！不過可以比D資料妳哋，我買係$245一包，其它舖頭一般錢由$285 -$320左右。係40 L/包。最平我揾到又有得送貨，賣$285/包，佢就係Q-XXXX (我諗妳地估到啦)，牌子係Cats Best。
呢隻係松木沙，係全天然嘅，有好處亦有壞處。好處因為佢係全天然，食咗問題都唔太大。佢辟味同凝結能力好高。但壞處就係佢較輕身，容易比貓貓踢出去沙盆，而且成日缺貨，其實佢真係都有幾多人用。
以前我都試過用小麥沙同粟米沙，都覺得辟味嘅能力唔夠高，只不過佢地係天然嘢。我又試過用豆腐沙，效果都好，但價錢真係貴，一般都要$70 - $80蚊，5L -7L左右，貓多就唔化算。而且有D貓就鍾意食佢，始終都係用嚟大小便，食就唔係幾好啦！
流浪貓and chinchin，
我是幫襯速遞服務的，打個電話去訂然後送貨嗰隻，主要係因為貓餅和貓沙都重，都係送貨來較好。我用水晶沙無咁污衊，但都要三十幾四十蚊一包，仲不時斷貨。
如果有用家好介紹，都可公諸同好丫。你可以send條link來嘛。
Hi 流浪貓
妳講得啱！我份工真係唔易做嫁！淨係貓厠所都有8個，妳計啊！一日最少都要清２次。1-2日就要洗晒D沙盆。養佢地唔係淨係洗厠所喎，重要餵佢地，梳毛呢、最緊要就係要有親子時間呢，其它嘢重可以揾人幫妳做，親子時間呢單嘢就一定要自已做。
無論點都好啦！學特首話 " 我要做好呢份工 "啦！大家一齊努力！
因為我用好多貓沙，所以都揾咗好耐，有一隻牌子我用一年度啦，都覺得幾好用，價錢算合埋，但係最麻煩呢就係如果妳買到最平，就要去屯門買，係一般竉物店就貴好多。但係一包有成40L，都幾重呀！又容易决貨，所以我一番貨就留10包。
如果有興趣就話我知，問下關小姐方唔方便係度公開，因為此終都係涉及到牌子and舖頭名。
chinchin
我得呢份住家工咋！仲同我爭？妳要照顧咁多小朋友，仲有時間做第二份？唔好搶生意喎！
我班老細，好難服待！我是四陪貓媽–陪玩、陪食、陪瞓同陪上廁所，少爺仔Mo Mo上廁所好煩，已用屋形貓廁，但佢仍然可以「射出界」！嘔血！
結果呢個老細用新招–就是要我陪去廁所：- 先先佢會响貓廁前徘徊，然後仲要我將貓廁上蓋取走，待少爺仔入咗去廁所，等佢找到舒服位置，還要我用手「按」低啲佢個身，先唔會「射出界」！完事後，仲連砂都唔抓一吓，全部由我代勞，唔該也沒一句，好無良心！若「開大」，哈哈，果然新鮮...
Ya姐好多時要我幫佢做完嘢，都會用個頭仔「囡 」吓我，都係女仔乖啲，到了現在才發覺，原來無論人類或動物界中，都是男的較「烏歪」。
我想問有冇貓友知道何處可以訂貓砂平啲？用開超市貨色，班老細唔肯用其它牌子，但超市差不多隔月就加價，而家差不多要三十元一包，一星期起碼兩包，超貴！仲要時常缺貨。
chinchin, 我都想知 !
每一次見到虐待 / 殺小動物嘅新聞都很難過 , 但好無奈 ! 其實就算你係唔鍾意小動物 , 亦不應 , 亦不可咁樣對待佢哋 , 佢哋有自己嘅小天地 , 何必騷擾佢哋呢 ? 可悲係有 d "人" 枉為 "萬物之靈" , 竟然連一個小生命都包容唔到 , 重要摧毀佢 , 實在可恥 !
關小姐，
最曳嗰隻未出場，佢得3個月大，遲D post 相比妳地睇！
流浪貓，
妳D老細同事頭婆咁鬼正，妳度重請唔請人呀？洗厠所都得呀！嘻嘻！
sinsinho，
夠竟幾時D人先會進化，世界幾時可以美麗D呢？
流浪貓，
別這麼說，貓貓和我們都撐你，加油。
chinchin,
你幾隻仔都好得意丫，邊隻最曳仔呢?跟住你一定幸福囉。
chin chin
唔好咁話自己 , 我哋明白嘅 , 你只係幫小動物抱不平 , 佢哋苦在有口難言 , 唯有靠正義嘅朋友代言 !
祝願佢哋投好胎 , 一路好走 !
好唔開心 !
失業咗好耐，份份工都淨係得過見字，連自己都覺得自己真的好差！無哂自信心囉！
好在仲有份住家工做住先，不過要「貼錢」，但極享受！我諗呢份工，唔會比人「炒」啩？！
家中四個「老細」同「事頭婆」齊哂。妹妹 / 酸微微 / Ya 姐 / 少爺Mo
啲人點解要咁衰！動物都有生存權利，對社會不憤，可以自殘或死咗去算數！何必將啲小動物來折磨！見報的，日日新鮮，日日「金」，仲未計沒有被人揭曉的，好心痛！真的好心痛！又一班無助的貓貓被殺，但願所有殘害動物的人，今世就算未有報應，他或她的來世，會比被他/她對動物施虐的過程，受多一萬倍的經歷！！
願所有不幸的小動物，都能安息，祝願牠們一路走好！！
由細到大我都好愛動物，到我自立時侯，就算係殘障嘅動物，我都會執番嚟養，D朋友就成日話妳咁有愛心，實上天堂。但係我就會話，一定唔會，我實會落地獄，因為我把口唔好，我會用好毒嘅字眼去咀咒這班衰人，希望佢地冇好收場，希望佢地對弱小做過嘅一切，會回報番比佢。
唔好意思！唔應該係度講D咁難聽嘅嘢，但係真係好心痛同埋好嬲。
今日睇到報紙新聞有宗令人憤怒口既事﹐於深水步鴨寮街有冷血殺手從高處掟五隻貓落街﹐令「一家五口」慘死伏屍大廈天井地上﹐而大貓還懷有身孕﹐其餘口既仲扭斷手腳、攔腰斬死都有呢。嗚嗚﹗佢口地死得好慘呀﹗口個個虐貓狂徒都唔係人口黎架﹐變態架﹐佢一定無好死。希望可以快D捉到佢﹐等呢D唔開心口既事﹐唔好再發生呢。
http://www.youtube.com/watch?v=4w_AhmTT8Vc&feature=popt00hk11
欺負貓貓的惡死區議員潘志文上群貓會發顛片段
文文 & 仔仔佢地係兄弟，而家8個月大，桐桐就啱啱1歲，另外重有4兄弟姊妹，跟住Na Na 就3歲啦，佢重有2個姊妹。其實桐恫同埋Na Na 我係一次過執晒佢地一家嘅，媽媽同BB。所貓口數目就急急上升啦！
好！一定會再Post 多D相比大家睇嘅！
chinchin, 好叻噃 , 其他小朋友幾時再陸續登場呢 ? 佢哋幾多歲 ? 仔仔 , 文文, na na 好似幾細個 , 好得意 ! 有人鍚嘅小朋友真幸福 !
我終於攬掂啦！比住4隻小魔怪妳地住先啦！由上至下叫仔仔、文文、桐桐 and Na Na。有機會再post多D比大家睇！
流浪貓，
上天一定會保祐像你這般好心的人的，祝你和貓貓健康到老。
我家中的四小寶都是從街上帶回家的，我是孤兒，有時我也很担心自己照顧牠們的方式是否錯了？家中的老三，可能在街上給衰人虐待過，所以起初的日子，只會間中纏我一下，但到了現在，我常戲言–牠是給我的愛心「浸死了」，現在連我洗澡時，把門掩上了，也會在外「呱呱叫」！但住的是公屋，怕被人不懷好心的人「報寸」，要把牠們送走！相片的便是老三，我叫牠Ya姐，現在的牠，黐得我很實，連我坐在椅上看電視，也要貼著我，天氣冷的日子，還要一起蓋上被子！我特別疼牠，把牠帶回家不過幾天，替牠洗澡時，才發覺牠的尾巴受了傷，像是被人刻意弄斷了一半，回想起當初帶牠看醫生和洗傷口的日子，仍是很心痛，牠第一次生病，不肯吃藥，我一邊餵藥，一邊和牠一起哭，很不容易看著牠病好了。但我真的很担心自己把牠們寵壞了，若我一旦遇上意外，誰可代我好好照顧牠們？
chin chin
"我有佢一世時間同佢培養感情，我相信一定有收獲嘅！就算冇都唔緊要啦！只要見到食得飽、睡得穩，唔駛係街度流離失所咁可憐，我就已經好滿足啦！"
我好感動 !
施比受更有福呢 ! 祝大家都身體健康 !
關小姐，
多謝妳嘅十個讚，所以我哋呢D貓奴、狗奴要努力保持身体健康，如果唔係，點可以陪佢地嘅一世呀！
願天下所有貓奴、狗奴身体健康。
啱呀！生活係呢個社會上面，壓力都好大，但係當你番到屋企對住啲小朋友，佢哋開開心心、健健康康，你就會覺得好平靜同埋好幸福。所以我地要儘力令到佢地幸福，我地就會更加幸福。
我D貓貓同狗狗冇一齊相處，因為廿幾年嚟我都淨係養狗，而第一隻貓貓係街度生活咗好耐，佢地一見到就追到你死我活，所以唯有將間屋重新裝修，貓貓就住2、3樓，狗狗就住地下連花園，各不相干。但係我哋做老豆老母就大件事啦！我同我老公一人一晚輪流陪佢地瞓，佢瞓3樓我瞓地下，我瞓3樓就佢瞓地下，係咪好笑話呢？不過我地自已就好開心啦！
chinchin
正如關小姐講 , "貓幸福 , 人就幸福 , 人幸福 , 世界就幸福" , 相信亦是一眾貓奴嘅心聲 , 難得你咁有愛心 , 我在想 , 放工返到去佢哋圍住你, 一定好壯觀......
但貓同狗一齊相處有困難嗎 ?
chinchin,
「我有佢一世時間同佢培養感情。」說得太好了。十個讚!!!!!
sinsinho
唔好咁講！我相信出現係呢個blogD人，都係好好心哋嘅，大家都唔係為咗有咩好報。只係儘力做到就做啦！
我有19隻貓貓 (10 隻仔仔9隻女女 )、同埋6 隻狗狗 (5 女1仔)。我係電腦白痴，遲D等我再進一步嘅時候，我一定post D 相比大家睇。
關小姐 , shane 會感受到妳對佢嘅愛 , 我們好期待看到她躲在妳懷抱 , 靜聽她那 " 咕嚕咕嚕 " 叫聲的模樣 .....
chinchin, 你真係好有愛心, 三個小貓遇上你真幸運 , 有相睇嗎 ? 幾多個仔同女 ? 你係好心人, 會有好報呢 !
完全同意！愛心！我舊年聖誕執番返嚟個3隻流浪貓雖然重係好驚我哋，一見就閃。但係已經可以坐開離我大約5、6尺距離玩吓玩具食吓嘢。雖然進度好慢，但係我已經好開心，我有佢一世時間同佢培養感情，我相信一定有收獲嘅！就算冇都唔緊要啦！只要見到食得飽、睡得穩，唔駛係街度流離失所咁可憐，我就已經好滿足啦！
希望大家都用多D "愛心" !
miss ola,
沒錯，領養小貓最初都有這個問題，對外界充滿戒心，但可以理解，牠們的遭遇太不好了。但愛心療法好有效，萬試萬靈。