真真

2010/04/23 10:14:02 網誌分類: 生活

23 Apr

        沒有心理準備之下，真真來到我家。牠主人被業主逼遷，逼着急急為二十多隻貓貓找人照顧，真真是其中一隻。雖然我不知道這做法是否對貓貓最好，畢竟真真還是來了。

        一歲的真真由細到大都生活在多貓之家，第一次離家，卻很鎮定，獸醫說牠非常健康，不肥也不瘦。為令新舊貓融合得更好，暫時將牠安置在小房間裏，貓爺們感到有新成員，都在房門外猛嗅。

        牠湖水藍色的眼珠常怔怔地望着窗外，夜裏喵叫不斷，是在掛念舊居嗎？人貓相處初時總要保持距離，不能勉強貓很快接受你，把水和食物放好就夠了。

        真真的舊主人很錫牠，牠未適應新環境是很正常的。如果牠不快樂，只好送牠回原處，要看這小東西是否選擇跟我生活了。

        關慧玲

回應 (7)

我要發表

2010/04/28 12:38:08 回覆

關小姐 , 真真好嗎 ? 可以溶入關家貓未 ? 重有冇晚晚叫呢 ? 佢起初可能驚啫 , 現在應該好 d , 是嗎 ?

2010/04/24 15:20:03 回覆

好羨慕妳又有新貓上場！希望新/舊貓貓都能好好相處，人貓相處是要講緣份的，真真很可愛，跟著妳，一定會好幸福。

2010/04/24 13:11:32 回覆

ho.....原來佢係男仔黎架...不過佢個樣仲好BB,畢竟都係一歲多,個BB樣走晒出黎...你呢幾日為左照顧真真無時間照顧米米,咁米米會唔會X醋架? ${#icons_cat2}$

2010/04/24 10:38:34 回覆

真真如果可以同關家貓相處到 , 真是走運了 , 希望他可以留下來吧 ! 同米米 , 紅豆小姐(紅豆小姐一向鍾情靚仔) 相處當然冇問題 , 但寶爺比較大脾氣 , 我怕嚇親真真 ......

第一次離家 , 當然掛住主人同舊居 , 但願關小姐同九貓嘅愛會感染到佢 , 好似當年骰仔同女王 shane一樣 , 已經變成一家人囉 !

2010/04/24 09:50:14 回覆

唔知摺耳係米嗲Ｄ呢??我個隻又係甘, 仲好痴身添!!

佢仲會扮企鵝添!!

不過佢有心臟病, 摺耳天生有問題, 你個隻有無呀??

關慧玲 2010/04/23 18:20:09 回覆

sammisp821，

佢係男仔來，但聲音好嗲，呢幾日掛住照顧佢，都無時間理米米添!!!!!!XD

2010/04/23 15:16:13 回覆

真真係唔係女仔黎架? 因為佢個樣好似女仔樣, 好得意...我估佢夜晚喵喵叫, 可能佢係掛住舊主人同舊朋友, 雖然你依家唔知佢黎到新居識到新朋友仔會唔會開心d, 住係你度再接受你係佢新主人時, 佢又會唔會高興d, 比d時間啦, 我知佢一定會接受你之餘, 仲會同其他貓大爺們會做到好朋友架, ${#icons_cat1}$

真真

網誌分類

已關注

最新網誌

最新回應

月曆