(河馬仔專欄)6月2日賽馬分析

2010/06/02 14:38:06 網誌分類: 賽馬

02 Jun

河馬仔第五,六,八場心水選擇:

第五場:

6. 星際雄師 - 雖然老馬分數其實水位唔多,但5月31日白德民試草閘起步及加速時走勢尚算暢順.而此駒上次爛地下表現亦恰可.今場對手大多似是而非,而此駒已證門過可應付大變化地.今次預期攻氣有機會出現狂風雷暴,還是此駒最正路

其餘選擇 :
11. 怒火優勢 - 此駒經常要睇身體狀況多過實力,講真馬本身質素應在此群有得爭先,如泥地都得的話有時軟地都可
10. 勝利福星 - 休息過後晨操仍算有朝氣,上次用郭爾達發揮此駒敗北都係可以接受,畢竟發揮上有點距離,仍可寄望
3. 旅遊小子 - 晨操仍未見瘦,可放可留之馬位置未可棄

是場心水:
6. 星際雄師 - 11. 怒火優勢 - 10. 勝利福星 - 3. 旅遊小子

第六場:

12. 帝豪龍駒 - 雖然此駒睇落真係好鬼似落四班數糊格,但睇落踱步隻馬神情毫無低落感之餘,其實幾場用放頭戰略來克服外檔輸都算近.如此駒可留三四位的話,仲要不老英雄排在佢外面,如多馬快放的話有機會幸運地走到內欄位,聚好盈加了分的話就望番此駒

其餘選擇 :
6. 不老英雄 - 連續四場用擺前戰略走其實唔太啱發揮,晨操過步確實吸引,但願今場快馬多的話,而上場軟地放頭都係最後先斷,今場形勢好得多
7. 靚到爆 - 上場贏得旺家多寶,而旺家多寶及後可同再贏之易博贏短兵相接,如何飛得走?
3. 聚好盈 - 馬就唔叻,係好彩有個內檔而又絕對有機會好似上場般塞住好位才拖

是場心水:
12. 帝豪龍駒 - 6. 不老英雄 - 7. 靚到爆 - 3. 聚好盈

第七場:

4. 鼓浪旋風 - 當然今場雖然睇落都係牛魔王大戰大聖爺,但大家唔好唔記得有芭蕉扇在手的鐵扇公主.仲要有兩把鐵扇,大撥特撥都得.今場"雙風"出擊,以老馬較佳.此駒雖然左前膝經常出現問題,但休息過後試泥閘出腳俐落有加.幸有內檔之下如得內欄,勝機甚高

其餘選擇 :
6. 孖寶神駒 - 雖然卓利騎此駒都係會令捧場客有點擔心,但上場其實睇得出偉仔係騎唔郁隻馬,而隻馬其實變好唔少,應可爭先
2. 美猴王 - 晨操仍好仍未可棄
8. 鼓浪天風 - 快馬尚多今場有批對手各有有點不足之下此駒常近可諗

是場心水:
4. 鼓浪旋風 - 6. 孖寶神駒 - 2. 美猴王 - 8. 鼓浪天風

馬場彩珠三寶提供(總共廿七注)

第六場: 6. 不老英雄 7. 靚到爆 12. 帝豪龍駒
第七場: 2. 美猴王 4. 鼓浪旋風 6. 孖寶神駒
第八場: 4. 大旋風 6. 活力至寶 8. 祥勝愛駒

馬場樂子為之看板娘接近一年了,係時候要增加一些成員,講飲講食講馬都係熱熱鬧鬧才似樣的,今次終於要介紹馬場樂子之孖生家姐--馬場彩珠登場了.

以後會夥拍馬場樂子參與賽馬及飲食專欄,今次推出登場WALLPAPER,馬場孖寶姐妹齊齊登場,祝大家馬場得意贏DOUBLE,情場得意相相對!

以下有兩個SIZE選擇,由河馬仔出品,夥拍同人組織---黑蛛白蛛一起設計,由黑蛛白蛛負責執筆繒畫:

有兩個SIZE供大家下載,用發放.