莊家股財技賺錢係如何?

節錄自金曹兄的解釋: 

莊家秘技

莊家炒高股價在高位派貨賺到飽，然後作個故仔出來再發新股在市場抽水，通常係向所謂獨立第三者買野，配股價緊係會有折讓，衰d既仲會大比例大折讓咁供股，貴一貴咁質貨俾您，然後轉頭賤價供股買回，咁樣復牌後肯定會跌，而高位追貨d散戶即刻坐艇，喊都無謂。呢d係炒莊家黑股特有的風險，係最基本要懂的常識。

供股配股的陷阱

供股未必一定係壞事，最主要係大股東想用筆錢來做甚麼，對公司的盈利有無幫助。供股比配股較公平，因為大股東小股東人人按比例供，遇著熱門股份供股，權股權仲可以轉讓賺錢。不過黑莊股通常就會藉供股抽水，得到真金白銀之後，就去「山卡拉」d地方買d好有概念但無實質盈利的資產，例如油礦，地皮，酒店之類。您供d錢就無晒，攪得兩年，買番來d野年年蝕本，最後撇帳或資產重估後，原來都係廢既。更衰格d係供股得到d錢乜都唔做，管理層全部係自己友，個個收您幾千萬年薪花紅，當正間上市公司係自己私人銀行戶口。小股東喊都無謂。

配股是指大股東（或董事局）決定以甚麼價錢發售幾多股票俾現有股東或新投資者，壞處係會分薄小股東的權益，因為小股東無份接受配股。好處係有新資金流入，希望間公司越做大。通常配股和供股要經過股東大會批準，但如果接受配股的係獨立第三者，咁樣大股東有權投票贊成，個股東大會就變成只係一種法例上的形式，結果一定會通過。

轉錄自網友大頭仔對配股的解釋:

配股如果比基金就ok(因為基金起碼會計過數), 如果配比唔知邊位o既所謂獨立第三者就唔一定好，好多時lee D第三者其實唔獨立得去邊，可能係街外幫莊配批貨黎炒，動機難知！ 

綜合以上兩位師兄所說, 配股最緊要第三者以及該公司的業務...若有懷疑, 都係盡快走人...