唞涼的方法
2010/07/23 08:43:32 網誌分類: 生活
天熱了,看着貓大爺們,有時都替牠們辛苦,毛皮這麼厚,但又不能脫下來,唯有用牠們的智慧,搜索家裏涼快的地方,例如把身體趴在枱底下陽光照不到的地板,或者廚房的雲石表面。冬天時爭個頭崩額裂的咕口臣,還有沙發,牠們碰也不碰。 聰明的米米,會跳到浴缸裏死不出來(當然是沒有水的),另一個兵家必爭之地,是廚房的洗手盤,通常Shane霸佔後,會絕不客氣伸出爪子,把路過的貓一一打走。 真真想出其他貓想不到的絕橋,愛把肚皮緊緊貼着牆壁唞涼。某個非常炎熱的晚上,冷氣又不生性,輾轉反側之際,我想起真真,於是學牠打側身,把半邊身貼到牆上,頓時陣陣陰涼,的確好舒服。養貓的人,我想就是這樣逐漸「貓化」的! 關慧玲 |
冷氣甘, 當然喜歡, 我米米豬出廳一定會自動埋位,都唔洗叫架!!
係家居装修用的雲石,甘岩我公司有一塊米搬番屋企,不過都好重,不過夠天然又安全又環保!!
你可以去買雲石鋪頭度䏲下!!2張A3甘大, 都瞓到3隻有餘.
jaimecat,
那貓貓喜歡不?係點樣架?有無相睇??
我整左塊雲石版俾眾貓地, 透心涼呀!!
bluepanda and sinsinho,
多謝大家捧場,我會繼續寫好多十貓的趣事。想想這個欄是06年8月小襪初來時開始的,原來下個月都有四年了......
catcat,
你肯定有架,堅信!!!!!!!!!!!!!
你看本週人氣榜....
http://blogcity.me/blog/blog_notabilities.html
Blue panda , 咩十大呀 ?
貓私語打入十大啊!
我d貓貓涼o既方法係... 去升盤瞓覺 z.z.z.z.
Cat cat , 蕃薯仔當然冇呢 d "病徵" , "麻甩" 嘅特徵佢就有齊 !
關小姐,
但係我唔見蕃薯仔呢啲病徵喎?? -->>例如忠誠、高貴、傻更更,易滿足,嗲聲嗲氣..........
catcat,
唔係丫,貓化有其他更多的優點,例如忠誠、高貴、傻更更,易滿足,嗲聲嗲氣..........
我都覺得我自己"貓化"咗, 成日冇記性, 只有玩同食就一定記得, 做錯嘢又唔認, 成日掛住瞓覺, 人哋要幫手叫我又咋聽唔到, 永遠屋企最好嘅位置, 食就第一時間彈起身, 受委屈就扮得得意意過關就算, 自己錯都要人氹, 喺屋企成日都係瞓....瞓....再瞓, 救命... 呢個到底係公主病定貓化貓??
我家兩貓爺的唞涼方法,好像人一樣常飲水,得閒就去飲水,所以我會勤換新水,因會飲得更開心更舒暢快的,另就是散熱板,也有清涼的效果!