嘮叨王回家了
2010/08/04 00:00:56 網誌分類: 未分類
嘮叨蘇已回家了,有點想念牠。
牠大半年至一年才來我家小住一兩星期,霸氣十足,會吩咐我備水倒貓餅,還要梳毛服務,梳得不好,老人家會嘮叨幾聲繼而出手打人。
不過老人家心情好時,倒是會御賜親近時間。星期天把十貓關到廚房,讓皇帝蘇可以施施然到客廰巡視,牠突然跳到我身後,用頭猛磨擦我的頭髮,看來對我的服務很滿意,不多久竟頂住我的頭睡著了。我不敢妄動,直等到皇帝蘇小睡醒過來。
十貓在廚房嘈到拆天,抗議我厚此薄彼,無辦法,阿蘇喜歡人多過貓,牠又是貴客,唯有難為一下牠們啦。
Black cow & Old-ox,
多謝提供意見 , 因為家中其他貓都唔會咁樣 , 所以驚起上嚟問吓 , 我怕阿寶染上怪病 , 呢 d 係病徵 , 原來都算係正常 , 依家放心晒 ! 唔該大家 !
sinsinho,
我家牛女都經常在開完大或小之後 , 也會狂奔亂飛一輪 , 可能真是Old-ox講: "一身都輕鬆了, 自然開心得瘋了般全屋跑一會" , 但是我估他們驚叫我們一眾貓奴:"清潔厠所呀,咪坐在到看電視啦!"哈哈!
sinsinho:
我家有些貓貓開完大或小之後 , 也會狂奔亂飛一輪. 家父指他們開完, 爆過後就感到十分解脫, 一身都輕鬆了, 自然開心得瘋了般全屋跑一會. 還有, 他們預備去爆之前同樣要跑幾轉, 家父又指貓貓開始感到不舒暢, 也會通屋跑, 終點當然是貓砂盆!! 我還發覺, 貓貓係根據既定路線跑的, 跑到特定地點(某件沙發所在地), 便會稍停磨磨爪, 之後又繼續疾跑!!
Old-Ox
關小姐 , 真真會唔會好似寶爺咁一唔鍾意就打人架 ? 佢咁大隻 , 我諗只有骰仔夠班同佢 "隻揪" .
我有個問題想請教大家 , 我家阿寶每次開完大或小之後 , 都會狂奔亂飛一輪 , 一陣又若無其事 , 正常一樣 , 各位貓友知唔知點解同有冇試過呢 ?
sinsinho,
真真較靜,但有時會突然追著其他貓來撲,撲來撲去就會掃低客廳幾樣嘢。
阿蘇大爺真係大架子,要十貓之母一對一咁服侍佢....
關小姐 , 咁又係架 , 一陣 "牙擦蘇" 變咗 "甩牙蘇" 咁俾返人就唔好喇 !
真真咁惡架 ? 會恰人 ?
sammisp821,
無丫,我沒讓牠們接觸,因為阿蘇對著佢哋發惡,我又不必讓阿蘇融入家中,就將牠分開了,免得真真和骰仔恰佢,但阿蘇也不是善男信女,費時發生大戰啦。我仲要完完整整將阿蘇交番俾佢主人架!!!
嘩...困晒十個大爺係廚房...唔嘈到拆天就有鬼喇, 米米媽, 咁當你放晒大個大爺出黎果陣, 佢地係咩反應?
阿SO真有性格呀