估唔到有個咁好既傻佬

今日睇完一位長輩對我既提問回答後, 感動得差點哭出來, 原來世上仲有一位學識廣博, 不求名利, 只為幫人而日日花時間教導人既傻佬.....不過我當正呢個傻佬係我老師, 係我偶像.........使我對"幫人"既諗法作出一些反思............我以前成日諗住幫人, 結果往往苦了自己, 過往我幫人只求結果, 如果結果不如意 , 我就會放棄, 今日聽老師一番話, 我會重新思考一下

轉載陸SIR對小弟意見分析

我問陸SIR: 你係人生戰場（8）講到希望幫人, 希望改變一個人既專注力....但難度好大LOR, 我覺得80人睇你文章, 真正改變到唔夠5人....什至更少.

例如我公司定左規則, 一些下屬專注力/ 態度/ 性格唔得, 我想改變佢, 令佢進步, 幫佢改善, 教/ 鼓勵/ 鬧 都試過, 結果, 佢地唔領情, 轉頭集合攪對抗, 結果啞子吃黃連.....我教佢鬧佢都係為佢地好, 但結果教佢地既野永遠唔記得; 鬧佢既野卻記到十足..........如果我唔幫佢, 叫老細炒Q左就一了百了, 唔洗等浪費我時間教, 執佢地手尾, 好心無好報.....

而家我學精左啦, 我明白改變一個人既專注力/ 態度係無可能既(個人認為, 亦可能我Technic唔夠), 我放棄改變人, 如果新入職既人唔得, 我唔會再鼓勵/ 鬧, 我唔 鬧, 大家都開心, 不過我一個月內會叫老細炒Q左佢, 唔得請到得, 試多幾個, 一定可請到適合既人, 而家我不知幾開心, 只要遇到一些專注力/ 態度好既人, 就解決晒煩腦, 總之唔得就要一個月內炒, 花時間改變一個人既專注力/ 態度係苦了自己, 我已放棄了改變一個人去迎合公司, 而是找一些迎合公司既人

陸SIR回答:

在職場中，所有上司都會做同一件事，所以我有99%同意你的話。另外的1

 %係咁:我唔係你地上司，所以有耐心去講吓，第一，如果有100個後生仔睇完我啲文章，有10個覺得可以檢討吓自己，改變吓自己，武裝吓自己，最後有1個實行得到，呢個人的命運或許會改變，我就幫到呢個人。雖然地球照轉，太陽照升，我都幫到呢個人啦，我都有老師，佢都幫到我，我拔一毛而利天下，結果雖然天下只有一人受惠(或者多啲，有一百幾十個，最後變成財務自由)，我損失咁少，點解我唔試下做? 第二，有不少家長睇我文章，仔女就可以培養啦，我希望佢地明白，不要以為仔女IQ高，英文好，彈琴跳舞游水就得，家長要明白在這個世界做事成功原因，恰恰是他們為子女計劃好哂，安排好哂，代佢做哂功課，就會令子女更唔自立，更hea，因愛變成害，你話幾諷刺呢。我覺得父母聽完我講會諗多啲，100個父母聽完，有50個會檢討吓，最後有10個做到令子女更獨立的家庭教育，我又改變了10個孩子的生命，令他們更成功(實際上可能有幾百個囉)，不求兼善天下，只求幫到幾百人，想起都令人開心呀。

記住呢啲只係我的邏輯，我認為對受眾好的話，如果他們不同意，無所謂，他們當我係傻佬，得啖笑就得啦。