亂喝水
2010/09/17 08:43:56 網誌分類: 生活
貓總是有正經水不喝,硬要亂七八糟到處舔,不過真真倒喝得高級,有氣的水才對胃口。從冰箱取出來的水,人都未飲,牠已一個箭步跳上,圍着水樽拼命舔,趕牠下去,牠會趁我不為意又跳上去,樽面上的水珠瞬間被牠舔光了,直至一滴水珠不剩,真真才肯收口。 牠又會趁我洗完澡,衝進浴缸舔餘下在缸邊的水珠,喝得津津有味。 正正經經放的兩大兜水,牠卻不敢興趣。有時更會在水兜邊用兩隻手撥來撥去,像上完廁所的清理動作一樣,不是水有臭味吧?我神經質地拿上來嗅嗅,根本沒有嘛! 有些貓天生不喜歡喝水,威逼利誘都不肯,原來貓每日需要按體重喝一定份量的水(建議每公斤50至80cc),聽說有些流動水裝置能引貓多喝水,不知道行不行(要好幾百元),如果裝了,貓爺還是亂伸頭到水喉邊、浴室裏甚至喝洗碗水,就認真浪費,真夠煩的。 關慧玲 |
cat cat , 我整嗰個冇咁大工程 , 佢哋聽到水聲 , 見到 d 水有泡泡咁 , 就自自然然去飲 , 只有小米冇飲 , 其餘都有試過 , ok噃 ! 不過我諗個濾水器大 d , 效果會較好 .
我都諗住今晚開罐罐 , 我食月餅 , 佢哋食罐罐 .
蕃薯日日都要扭計食罐罐架 ? 佢減肥減成點呢 ?
sinsinho,
大家咁話, 中秋節快樂, 日日要食罐罐(蕃薯仔話嘅)~
咁你嗰個整成點呀??
cat cat , 你見佢哋開心又健康 , 幾辛苦都抵喇 !
關小姐口號 , "貓幸福 , 人就幸福 , 人幸福 , 世界就幸福 " 為一眾貓奴 , 萬歲 !
中秋節快樂 !
sinsinho,
唉, 佢成日玩到地濕濕, 爭d冼死我~
不過Borger 比較傳統, 到目前為止都係鍾意飲新水, 我而家每朝都同佢裝一碗新水比俾佢飲~
cat cat , 整個大水缸 , 使唔使養番幾條魚 ?
你家 miu miu 玩水 , 咁咪玩到成地濕晒 ?
關小姐,
你咁多貓, 整一個大水缸, 一家十口貓(唔知有冇記錯)齊齊飲水, 何其強壯觀呀~
立冬,
大家咁話,各位中秋節人貓兩團圓。
catcat,
嘩,好勁呀,搞到我好想立即整一個丫。
嘩, 我o岩o岩上網搵過d濾心, 發現寵物診所真係食水好深, 之前我話寵物診所開價$68一塊, 而家上網搵到, $85, 但係有三塊, 好彩仲未買姐 >
各位貓友~
你睇...你睇..., Miu Miu 又玩水呀,
Hello!
大家分享吓姐,唔洗thanks,不過我2個寶貝仔,得1個會去飲,唔算好成功!THX!
我大半年前買佐個 D 字頭既電動水機, hk$3xx 啦, 都好夠我家2個大爺飲架! 買之前, 佢地聽到水侯聲就即刻跳上來舔水侯 舔碗盤, 而家冇 lu! 仲成日去飲黍, 其實最怕都係佢地舔佐d 清潔劑(沒過清碗盤)! 大家要小心呵!
Cathytsang , 唔該晒 ! 我整咗喇 ! OK 呀 !
cat cat 你整咗未呀 !
關小姐 , 唔使安裝方法架 , 一掛上去個兜度就得 , 去金魚鋪買一個小型濾水器 , d 人會教你 , 當然你個兜大嘅就買個大 d 嘅濾水器喇 , 一插電就 ok 喇 , 我就買咗最小嗰種 , HKD40.00 可以呀 ! 佢哋聽到水聲 , 我同佢哋講 d 水 可以飲架 , 佢哋睇吓 , 聞吓就識飲 , 不過個兜大 d 就好 d , 我覺得冇咁易反 (我係指佢哋大戰嘅時侯 ) .
各位,
我已經買咗仲成功安裝, 其實好容易安裝, HK$48.00(購自水族店濾水器, 金魚街好貴, 最平要HK$80.00, 不用太大個便OK),(HK$19.90(購自日X城膠兜), 本不過HK$70.00, 蕃薯仔好滿意, Miu Miu 反而覺得多咗個瀑布玩水, 呢2日佢哋冇要求飲水喉水, 要睇多幾日成效有幾多~
**下次補相
再次多謝Cathytsang 的分享
哈哈, 各位, 你地誤會o剌, 我一路所講o既都係飲水機o既濾心, 而唔係飲水機, 令大家空歡喜一場真係唔好意思
cathytsang you'r so smart
小儀
我想問一問, 寵物診所覆返你電動飲水機$68 請問你在那間寵物診所,可否告知 因為我的貓喝很少水THANKS antydorothy
cathytsang,
請問有無詳細的裝置方法?我都想整一個俾佢哋丫。
小儀 , $68.00 ? 真係好平噃 , 可有照片睇吓 ? 唔該 .
cathytsang , 我都想買個試吓 . 但用膠兜 , 會唔會易 "反"呢 ? 不過成本唔貴 , 都可一試 , 唔該晒 !
又識多樣嘢 ! 多謝 晒!
cathytsang,
嘩~~我一直都構思呢種方法, 金魚舖都係得玻璃缸, 我就係想要呢款嘢呀, 都冇諗過用膠兜, 原來係咁方便好用, 多謝你呀, 今晚一於去買, 十萬個唔該~~~
HI! 我用幾十蚊自製左一個貓貓飲水器!用10蚊買左膠盒(要高身),再係金魚街用30-40蚊買個小型魚缸用的掛式過濾器,攪掂,清洗又方便容易,我介紹左好多朋友自製架啦!:)
我的貓老闆之一,ya小姐最招積,佢一定要親眼看到我換水兜裡的水,才肯喝,就算我每次餵完貓爺,即時換水,也要在她面前再換多一次,但她也是水怪一名,飲得非常招積,最愛在兜邊舔水,可以一次過喝很多,近期ya小姐愛上喝鮮奶,還是高鈣奶,更要特定牌子,近來還進級到要用杯飲,但杯口又細,又不想浪費,只得自己喝剩少許,才把杯放側少少,讓她喝,但永遠總是「天一半,地一半」,事後又要抹地,又要捉住佢抹嘴。但鬼叫自己是眾貓呀四咩!見到佢哋滿足,做死都抵呀!
關小姐,
我家有一個, 1年前買, 要$680, 因為我隻貓佢有尿塞的問題, 醫生要我為佢買個電動水機, 買完返屋企插左電之後, d水會郁, 佢驚到唔敢飲水, 搞到我唔用得個電制, 然後佢自己用手仔打開上面個蓋, 居然飲上面d水, 激到我屎, 浪費左我d錢....
小儀,
ee,咁平嘅,我說的是電動的那種,要好幾百蚊,唔知你那隻係點架呢??
啱啱寵物診所覆返我, $68一個, 唔知算唔算貴 >w
HI 關小姐,
其實我個飲水機係o係寵物診所買的, 就係怕佢地開天殺價所以先想去寵物店買,不過萬一唔好彩如你所講要走勻全港要搵到, o甘就真係俾佢玩殘 >
飲煲過的水有咩好處呢? 飲水龍頭的, 有問題嗎? 我未試過比佢飲煲過的水, 等我今晚試下先.
小儀,
呢樣亦係煩,原則上是的,但是牌子不同濾心亦有別,寵物店一下子轉了牌子,你就要走勻全港去搵番那個牌子了。
catcat & sinsinho
小寶個哀女佢都唔係咩罐仔都岩架~!試過有d味道唔岩佢胃口....就會俾面食兩口, 之後就行開...不過好味個d佢就會同你食到乾乾淨淨
依家唔只見真身...重同你爭位坐...一見你起身行開佢就坐上你個位度... (重要唔大個一張梳化都唔坐, 你見佢坐得咁舒服又唔隱心趕佢行開....結果就變左我地自己冇得坐....>
咁多位, 我想問一問, 寵物飲水機o既濾心係唔係o係寵物店就有得賣架 ? thx ~
tp03,
佢哋咁好肯飲煲過的水?我家貓爺只肯飲從水龍頭出的,其他一概唔要。
tp03 , 咁都已經有進步喇 , 起碼見到真身 , 努力呀 !
tp03,
佢係千級愛......罐罐~
小寶~!每日早上一見你起身就好乖咁同你講早晨, 之後就不停咁吹你俾罐仔佢食 (係你俾佢食之前都會不停叫你同係你周圍"HIGHT"墻腳, 櫈腳, 訓地.....就係唔"HIGHT"我隻腳)至於一食完就眼尾都唔望你一下, 叫佢就更加彩你都有味...>
tp03, 你家小寶都好叻噃 , 真係富貴貓 , 有冇睇愛死你 (全文) ? 小寶去到幾多級呢 ?
真真好靚呀!
我家王子沒有飲水問題播, 他飲自來水, 每天飲去個兜的一半水, 我就會讚佢乖, 有時出門口之前,都會叫佢飲多D水.
關小姐,
你千萬不要買, 所有貓產品cover picture都是騙人的, 全部都是電腦合成的, 我都有一個一個水機, 四百多元一個, 貓公主/貓王子都不會用, 一樣會飲我的水杯水, 洗臉盆水, 洗衣機水, 水喉水, 沖澡水, 至於貓水機的水, 便靜靜的充滿貓毛後便要更換, 每次起碼要換2liter,久而久之你浪費很多東江水了, Miu Miu 有時會撥開裡面的她認為污穢的水, 一地水之後又要快快抹地, 之後水機因為不足2liter而出現怪聲, 到時便很危險了, 現在便被迫提早退役, 不過若然關下有錢冇地方駛的話就可以嘗試買一部的~
好在我家的小寶係一個不折不扣嘅大水袋....每朝食完罐仔都會飲水 (但d一定要係新鮮換好個d, 一隔夜或未煲過嘅都免問)
漏了讚真真,真真好上鏡,毛毛鬆鬆的!
呢張相影得真真好可愛呀....可能貓爺都覺得好熱,所以要飲多兩啖冰水啦...
各位,我也是(貓)神經質專家,在水兜邊用兩隻手撥來撥去的..........另一個解釋是水面有毛毛,牠想撥開它,因貓的眼可看到很微細的東西。
另外,我的小小心得,就是要培養貓喜歡飲水水,(1)要經常換新水(2)要陪牠飲水,飲後要讚揚牠,我常說:飲水水good boy,我其中一貓爺,會舔一下俐的!真有趣
關小姐,您用流動水裝置一定有貓幫親的,牠就是米米了。
係呀~牛女同真真一樣, 圍着水樽拼命舔, 不過她都好喜歡喝正經水, 而小黑都似真真...又係有時在水兜邊用兩隻手撥來撥去,像上完廁所的清理動作一樣。而我...就同關小姐你一樣, 神經質地拿上水兜來嗅嗅囉!真是氣壞人!