(河馬仔專欄)銀座梅林炸豬排專門店評論

之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

樂子：今天我地要介紹的是日式豬排呢!其實在香港好多的日本食店都見得到,但係我地住在香港,有時都會諗起番日本地道食物之味道呢...........諗起又流口水啦.-_-!

彩珠：您呀,講起食就似隻豬啦,您今次D飲食稿交咗未呀?仲未交!

樂子：家姐,您講起豬我一定諗起日本的炸豬排呢!個肚又咕咕聲啦.

彩珠：咁我諗到啦,為咗尋回以往在東京的感覺,今次不如去去尖沙咀的梅林啦!喂,樂子,去咗邊呀?

樂子：家姐,您講開午餐肉,屋企有幾罐午餐肉噃,可以煮即食麵......

彩珠：係尖沙咀K11廣場內的銀座梅林呀!!!!!!-_-







樂子：我知道此店1927年在銀座開店呢!到現在已經80多年呢!這個拿住三味線樂器的豬小姐成為這兒的標誌呢!

彩珠：我地見到呢幅圖其實都有個小由來的.您見到上面筷子套嗎?


樂子：一龍斉貞丈?

彩珠：係呀,呢隻豬豬有個美麗的名字叫做[珍豚美人],就係這位有名的日式說書人一龍斉貞丈先生所提的.

樂子：我記得家姐您以前在日本留學時都有講過俾我聽呢,係日本的傳統文化來,通常係那位說書人坐在高台上,前面有個小茶几,拿住拍子木及張扇,有時一路打拍子或講講下拍下台面一路說一些歷史軍事故事等等的.

彩珠：日本人稱呼他們為[講談師]呢(講談--こうだん--KOU-DAN),一龍斉這個名亦在講談界很有名的呢!

樂子：好,下次提議一下河馬仔一路講馬一路用講談的方法先.

彩珠：您明玩佢啫=_=


彩珠：來到又點可以唔叫吉列豬柳呢,仲要黑豬個隻呢!

樂子：鹿兒島的黑豬呢!係唔係有乜野特別呢?

彩珠：鹿兒島的黑豬原來都幾出名的呢,鹿兒島的黑豬的肉質纖維較細但密,所以食落去較柔軟,而鮮味亦因肉類的特性而充足.

樂子：咁我就要呢個豚肉生姜燒定食啦!





樂子：生菜絲及飯可以添呢!

彩珠：有醬汁俾我點呢!麵豉湯其實都有豬肉在內呢,味唔太濃呢,加上一些前菜送飯,當然最重要就是那個炸豬柳呢!

樂子：我又想"桔"一舊試下先!

彩珠：食下先,脆口的外皮實際在即製下感到香口唔油又脆,肉質較一般食到的豬柳較綿及腍但唔會失去纖維的感覺,油脂成份唔厚但均衡唔油膩,油香及肉香不會太霸道,感覺上有點內歛呢.加上此店出名的[中濃sauce],感覺亦不會搶味.

看板娘---馬場彩珠---對吉列豬柳定食之評分:





樂子：我的也到了呢!

彩珠：到我夾您一舊試下先!

樂子：豚肉生姜燒的汁醬其實係一些加了薑汁的日式燒汁,此醬汁多數用於豬肉料理,而且多用於日本夏天的料理中,其清新及微微薑味味道會減少在夏天的飽感呢.

彩珠：豚肉的肉質同上面的吉列豬柳差唔多呢,薑汁味道雖然唔濃,但淡淡的薑味燒汁卻會引出豬肉的肉味.

樂子：感覺上此品會較適合一些較喜歡清淡食物的人仕呢,當然豬肉的質地確是不俗的,加上那些汁醬亦較炸豬柳更好配飯呢!

看板娘---馬場樂子---對豚肉生姜燒之評分:


樂子：今次有樣野唔記得咗叫添,就係炸豬扒三文治呢,下次希望叫埋啦!

彩珠：下次先啦,今次又飽飽啦.

是日食物日文讀音:




9月5日馬季開鑼,各位馬迷又要迎接密鑼緊鼓的賽事了.

今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!

今次由河馬仔出品、由同人組織天空音匣之畫師Mineko繪製而成。以發放。