為食貓

2010/10/22 07:00:56 網誌分類: 生活

22 Oct

        海鮮之夜，廚房裏放滿了鮑魚、海蝦、大閘蟹，鮮味與腥味充斥，米米與貓爺們的鼻子忙個不了，享受着難得的美食氣味。

        米米對腥味特別敏感，繞着一大盤蝦團團轉，用舌頭舔得津津有味，幾次趕牠出去都偷偷溜回來，一個不留神，給牠拖走一隻竄到大廳外，忙碌中要追出去搶回來，米米悻悻然望着我，喵了一聲抗議。

        轉過頭，又見牠的貓樣在蝦旁邊出現，正在跺指天椒的我，伸手讓牠嗅我的手指，牠雙眼即時變成兩個「米」字，鼻子皺成一團，一溜煙走了，我大笑着繼續切，幾乎刀也掉了。

        午夜時份，賓客都走了，正清潔時，在沙發底掃出一隻垂死的蝦……衰仔米不知何時銜走的，我望着米米古惑的眼神，牠彷彿說：「同我鬥？咪儍啦。」

        關慧玲

回應 (22)

我要發表

2010/10/27 17:34:28 回覆

gladysvo, 係呀 ! 我家小霸王都係咁 , 小食 "好多 " 餐就有改善喇 ! 不過就成日都唔得閒呢 , 糧兜個蓋鬆晒喇 ! ${#icons_cat3}$

2010/10/27 16:16:55 回覆

gladysvo

我的貓狼吞虎咽咁食,會嘔出來睇醫生 ${#icons_girl8}$ 醫生 wa 我的貓吃得太急 ${#icons_panda3}$ 我改善餵食習慣有好轉 ${#icons_cat2}$ 1餐分幾次,每次隔10分鐘希望可以幫到你

關慧玲 2010/10/26 19:27:02 回覆

gladysv6,

係，會不會是不時餵食?貓吃得太急，是會嘔出來，我的貓係核突到會食番，所以要第一時間清理。

再留意多一兩日，他甚麼時候、甚麼狀態下嘔?有沒有其他徵狀?

2010/10/26 13:25:12 回覆

gladysv6,

你有無定時餵佢食"去毛球膏"呀,有一次小黑仔太耐無食,D毛頂住個胃,連完整粒既貓糧及毛球一齊嘔出黎既, 所以要定時餵佢食"去毛球膏"呀, 希望可以幫到你!

2010/10/26 12:48:25 回覆

gladysv6,

你係咪成日唔定時或好夜餵食呀??因為貓貓餓得耐佢哋再食會狼吞虎嗚咽咁食, 胃部一時間吸收唔到咪會吐返出嚟, 貓貓因為急食好多時會唔咬就吞, 所以正常健康貓貓都會有咁嘅情況, 你試吓改善你嘅餵食習慣可能有好轉, 只要唔係經常性都冇咩大問題嘅, 但如果佢嘔吐物有不明物質就要注意及要睇醫生喇, 希望可以幫到你~ ${#icons_cat3}$

2010/10/25 19:14:16 回覆

你好呀

你養左咁多隻貓,一定好有心得。

最近我發現我的貓貓成日嘔,而且嘔出黎既係完整一粒既貓糧

而且嘔既過程好奇怪,佢不停扯哮,下身抽搐,都搞左成分鐘至嘔得出黎...

點解佢會唔咬爛就食ge?

佢4歲多D，牙齒都無乜問題，我係米要轉老貓貓糧俾佢呀?

我而家好擔心呀!!希望你可以覆我啦~THANK YOU!! ${#icons_cat5}$

2010/10/25 17:10:02 回覆

關小姐,

咁佢就冇嘔, 不過而家一知道廚房有乾瑤柱就老遠跑過嚟攞食~ ${#icons_cat9}$

2010/10/25 13:40:16 回覆

sinsinho

俾熟左嘅魚都唔食啊~!

關慧玲 2010/10/25 11:43:18 回覆

catcat，

我的貓都吃瑤柱乾，但吃完就嘔番出來，不消化呀，所以不敢給牠吃了。

2010/10/25 11:37:05 回覆

Borgee偷吃我的乾瑤柱, 我想搶返佢就胡我, 所以只好眼白白睇佢住佢食, 佢厚臉皮到食完問我仲有冇?? ${#icons_cat10}$

2010/10/25 07:18:57 回覆

真擔心米米會吃掉那隻未煮熟的蝦呢......

我家貓貓都鍾意蝦的氣味, 有一次買了包瀨尿蝦乾, 放在袋裡, 我急著出門, 放在桌子上, 回家已看到蝦乾已被吃掉三分一.....蝦乾咁硬....咁都吃得下....真擔心他的腸胃會否消化不了. 以後每逢我拿蝦乾, 蝦米出來, 他就會喵喵.....纏著我....我當然不給他, 只好有時買些有蝦的罐仔....,讓他吃.

2010/10/24 20:38:52 回覆

貓界有情，人間何時有愛？對於小動物的慘事，我會感同身受，但......

我可能真的變態吧，對於人間慘事，只會抽一口涼氣，不會太著意......

動物仔付出的愛是無償的，「人」或總會有所圖......

衷心祝願世界上少些虐待動物的事再發生。

(貓咪有情)導盲貓照顧失明貓妹妹,盼一同被收養2010.10.04–睇片uwants

2010/10/23 12:21:53 回覆

流浪貓: 很多人(包括自己)都絕對認為 '家貓' 是最幸福的, '流浪貓狗' 最可憐, 有時都會反思一下, 到底會否祗是人類太自私, 一廂情願地將牠們千方百計'收歸國有', 而完全扭轉了牠們原本應該享有的自由生活呢... ${#icono_44}$ 但我亦很明白, 在香港這個城市裡, 我們不像其他 '相對' 較適合牠們自由生活的地方如英國, 牠們大部分每天都可能遇上不同的險境, 正如你說, 一些不懷好意的人, 這些我們碓控制不了, 但可幸是仍有一班堅毅無私的義工, 每日守著 '幫得一隻得一隻' 嘅信念去幫貓, 在此衷心向他們致敬. ${#icons_cat1}$ 另外, 街貓貓多數很醒目, 祗會食熟人 '茶禮', 你不用太擔心. 不過網上有人說見到北區有人刻意餵貓媽和貓B, 直至混熟了, 竟有天突然抱走漸成長的貓B, 看到貓媽追也追不到, 很心痛, 懷疑那些人目的把貓B當美食...我看到也很心翳 ${#icons_cat6}$ , 雖未能証實, 但說出來祗希望當義工的朋友要提高警覺, 盡力保護貓貓. (我們不想詛咒, 因為反正也改變不了貓貓的命運, 祗希望透過教育和嚴懲, 去令人類知道應該尊重每個珍貴的生命)

2010/10/22 23:19:07 回覆

關小姐:

那些是小蝦, 中蝦還是大蝦? 那垂死蝦最後有無給貓爺們煮熟來吃?

Old-ox ${#icons_cat1}$

2010/10/22 21:44:05 回覆

有家的貓，點搗蛋，也有人鍚，只會覺得牠們淘氣；沒家的貓，只會被人驅趕，很可憐！放工回家，經常路過一個小空地，那裡有間士多仔，內裡的人，晚上會餵流浪貓，看到大貓/小貓/老貓吃得津津有味，替牠們高興，可是早前見到一個男「食蕉」在等brefing時（成六、七個人），無聊地嚇貓，嚇得貓貓落荒而逃，好可憐！衰人！搵啖食啫，使唔使咁賤！？鬼唔望佢，快啲俾人炒！不過另一方面，願意餵流浪貓是好，若和貓貓混熟了，還帶牠們往絶育，就更好了，有時流浪貓被人餵慣了，對人少了戒心，好易被衰人蝦，甚至虐待，點解有啲人可以咁賤？ ${#icons_panda5}$

2010/10/22 18:18:58 回覆

'貓爺米米' 萬歲, 仲有, '米米' 真係好型仔呀. ${#icons_cat1}$

2010/10/22 18:09:21 回覆

tp03 , 小寶咁識食 ?

2010/10/22 17:35:44 回覆

我家的只愛新鮮三文魚.....其他臭下就算....

關慧玲 2010/10/22 15:04:08 回覆

兔兔貓蛋，

佢不會吃，只會lamlamlam，愛那陣味道。

2010/10/22 13:31:11 回覆

${#icons_cat1}$ 米米真係吖.......但有冇食到落肚呀????? ${#icons_cat9}$

2010/10/22 12:35:38 回覆

米米真係一隻搗蛋喵... ${#icons_cat2}$

2010/10/22 10:55:14 回覆

早晨呀!

我兩隻貓最中意食罐頭魚

為食貓

網誌分類

已關注

最新網誌

最新回應

月曆