童顏不老
2010/12/03 07:03:15
網誌分類:
生活
紅豆小姐已七歲了,等於人的四十四歲,可是牠的外表仍是一副BB貓樣,就像剛帶回來時的一樣。 老貓一般聲音會變沉,鬚根變白,牙肉是較深的粉紅色,不過紅豆仍是小貓B的尖尖聲,牙肉是嬌嫩的鮮粉紅,哄牠的頭,隱約可嗅到貓B才有的奶酥味,牠似吃了防腐劑似的,貓樣停留在一歲便再沒長大過。 成年貓的眼神較沉着世故,例如十五歲的小甘和十三歲的阿寶,小Miu和紅豆只差一歲,可是紅豆的眼神,竟像從來不知米貴的天真模樣,只管嗲住我要睡要玩,不知人間何世。 米米、骰仔和真真年紀仍小,天真是正常的,其餘老貓沉靜亦合理,只有紅豆童顏不老,其實牠吃的睡的玩的都跟所有貓相同。性格上唯一跟貓爺們不同的,是紅豆真是群貓中的親善大使,新貓舊貓誰都可如老友般攬頭攬頸,貓爺紛紛降伏在牠的舔功之下;如果人對人也親善些,是否都能抗氧化? 關慧玲 |
mtleung: 你家大小姐好靚女播.
mtleung, 你個囡有 d 似紅豆 , 咀邊都有一處黑色 , 不過佢好似好肉地 d 喎 ! 兩個都咁靚 !
你地d貓咪好靚女呀
mtleung,
你家大小姐確係靚噃,原來咁多貓咗防腐劑,真係大鄉里。
mtleung :
你家既大小姐對眼睛都幾靚wor,眼大大咁,好有大戶人家小姐既嬌爹樣,靚女一名!
講起黎, 我家的大小姐也一樣, 她現在已經8歲了, 依然嬌爹, 好像從未長大過一樣! 我好似佢咁就發達囉
開講有話如果一個人性格樂觀,做咩都開心去面對,平時笑多d,心境都會後生d,同埋做多d善事,人都會靚d,我相信紅豆小姐都係一樣,既然佢係群貓中既親善大使,當然係最樂觀既一隻小貓咪啦,反而肥米佢地都仲係年紀細,天真就係肯定架喇,不過我相信除左紅豆小姐之外,肥米將來都會一樣,好似食左防腐劑咁,十歲八歲都仲係非常搗蛋囉...