凍凍凍
2011/01/14 08:45:27
網誌分類:
生活
雖然貓的毛皮應有保暖作用,但我總主觀地認為,寒冬下貓仍是會冷病的。這幾天低溫的日子要做足保暖措施,地上鋪上毛氈,更預備了幾個紙箱,等牠們跳進去避寒。 那可惡的米米,總愛在這些舒適的東西上撒幾滴尿,留下自己的氣味!兩三天就要換一次,浸洗了晾乾再用,牠又再撒上去,我又再洗過,罵牠兩句,牠只是耳仔郁郁,一點不在乎。 我想有一隻這麼愛留下自己氣味的貓,其牠貓應該都很無奈。記得有一次紙箱剛放下去兩小時,就已經「中招」,氣得把箱子扔了,當天晚上連累大家要捱冰凍地板。 曳仔米米豈是省油的燈?翌日早上餵飯時,發現牠不見了,原來牠懂得打開廚房煤氣爐下的地櫃,自己鑽了進去,暖烘烘地與飯煲同眠……我打開櫃子,牠睡眼惺忪,完全沒意思走出來。 其他貓都不夠牠聰明,又怎會不捱凍? 關慧玲 |
![]() | |
old ox,
佢哋會「抄」起啲報紙架喎,如果不用又如何?可能要頻密些清潔?
關小姐 , 借 blog 一用 , 睇吓大家幫唔幫到手 .
B女: 女仔,大約五歲,黃色,己絕育
21/1/2011: B女已習慣室內既生活,佢適應得好快,鍾意人鍚,鍾意人摸,一摸就去食野,好乖女。不過佢唔鍾意同其他貓相處,所以希望屋企冇貓既朋友領養佢,等佢萬千竉愛
14/1/2011: B女今日去左睇醫生,佢有小小脫水,打左皮下水,反到黎食葯,真係辛苦呀CAT,因為佢好難餵葯,見佢攪左好耐,但頭先9:00左右,見呀B女食野啦,YEAH,我同呀CAT都好興奮、好感動啊,希望B女快快習慣新既生活啦^^
阿B從小都是在某屋苑過着流浪的生活,而屋苑有位看更叔叔對阿B亦十分照顧,而阿B每天都陪伴着看更叔叔工作,跟出跟入,但好景不常,阿B遭屋苑的住客投訴,看更叔叔為保飯碗,無奈將阿B送給開農場的朋友放養,當日看更叔叔帶着阿B坐了半小時車程,去到農場,從此阿B就過著放養的坐活,如是者,日過日,就兩年前的二月份,朋友對看更叔叔説:阿B唔見左…日子還是要過,就在同年的七月左右,有一晚,看更叔叔聽見閘口有貓叫聲,於是看更叔叔出去閘口看看,一看…呆左…以為自己眼花,阿B竟然出現喺自己眼前,阿B用了五個月時間,一步一步行返屋苑,找回阿B心中最記掛的人,奈何,看更叔叔堅持不帶阿B回家,阿B又繼續在屋苑流浪,最後,點解我會將阿B接回我家,因為阿B在屋苑時常給其他貓打,又給住戶投訴,眼見一隻這麼忠心,親人的小朋友,怎忍心牠繼續流浪,所以雖然我和Lisa家己經貓患之滿,也想博一博,為阿B尋家,希望阿B的忠心,能為牠找到愛牠的人
如可給B女一生幸福,請留言或 olausenlisa@yahoo.com.hk
所有貓貓都會打預防針後才給領養,會收回預防針費每針$250.00(有針咭),另$ 150.00(支助貓貓日常生活、醫療費)
關小姐:
我家的貓貓聚寶盆底放了報紙, 再在上面鋪上2吋至3吋水晶貓砂, 用意是幫助吸收尿尿. 隻大灰熊同中貓冬冬一屙完就走都走不及, 不會撥砂, 可是隻貓B使用聚寶盆時, 常常在盆內尋寶似的, 將貓砂撥開, 抓爛盆底的報紙. 有無妙法制止?
Old-Ox
old ox
正是,都唔明點解。可能地盤觀念強掛??但有時真係氣架,新買的雜誌轉頭已點點尿液,牠不是一泡,而是洒幾滴嗰隻。
關小姐:
據悉有些貓貓做了絕育手術後, 依然會到處撒尿. 米米是否屬這類?
Old-Ox
cat cat , 我同你一樣 , 但就算係一貓一砂盆 , 佢哋點識得分呢 ? 大一個盆 , 小一個盆 ? 還是每個貓有私家砂盆呢 ? 除非有獨立房間 或者籠 , 否則你就算你真係一 貓一砂盆 , 佢哋都唔識分架 , 一樣亂 !
關小姐 , 聰明如米米 , 你估佢識唔識吖 ?
關小姐,
我聽到都O咀, 我都要有五個, 而家我有一個大大膠箱做貓廁所, 佢都話唔得喎, 第日咪貓廁所大過間屋??
catcat,
一貓一個?????家有十貓喎??現在是兩個,一日清理兩次咁。
關小姐,
我想知你有幾多個貓砂盤, 醫生話最好一貓一個, 可避免亂大小二便情況, 你認唔認為米米係一隻整潔嘅貓呢??![{#icons_cat9} {#icons_cat9}](http://img2.hkheadline.com/headline/blog/images/smile/cat9_50.gif)
sinsinho,
=="
佢可能真係因為咁唔理我呢。
關小姐 , 又唔可以話失敗喎 , 米米冇照你嘅意思做 , 唔代表佢唔明白 , 因為佢知道就算有冇照做 , 依然有罐仔食
.
坦白說我仍在試驗中,初步對米米是失敗的。我要牠答應一星期不在任何地方撒尿,就獎牠一個罐罐,但牠到第六天就忍不住了。唉,現在再請教朋友意見囉。
米米媽,
借問聲妳對"傳心"的意見...因為近呢2個月我對我個寶貝貓已徹底投降>.
hoyiu,
貓有不同需要,bb貓和成年貓就很不同,有結石問題的又跟貓女有不同需要。不過我多用p字頭的成貓糧,如果男貓仔有小結石,牠們的泌尿配方不錯。如果是老年貓,則可能要試高營養罐罐,不過這個要醫生處方。
其實貓貓吃甚麼好,通常都可問醫生的呢。
antydorothy,
牠們平日主要吃proplan一隻泌尿配方,即低蛋白,防止佢哋尿尿出問題。大部份男貓都易出事,就一次過食同一隻。不過女貓唔使驚,佢哋定時有罐罐補充體力,一時吃貓大哥或mon petite,上次那隻膠盒罐罐是日本的甚麼懷石料理。我所有食糧都是電話訂貨的,送到上門那種。
關小姐
請問貓爺吃的貓糧?什麼品牌?响邊處買![{#icons_cat9} {#icons_cat9}](http://img2.hkheadline.com/headline/blog/images/smile/cat9_50.gif)
你上次話呢隻罐罐係膠盒,唔界嘴的。thanks you![{#icons_cat3} {#icons_cat3}](http://img2.hkheadline.com/headline/blog/images/smile/cat3_50.gif)
關小姐
請問十位貓爺是否都是吃相同的貓糧?什麼品牌可介紹嗎?
各位,
其實我不太明白米米撒尿的原因,牠似乎是因為亢奮而撒的,例如嗅到紙味、皮革、被套等,給牠睡覺的貓床仔等,佢玩玩吓就會來幾滴,似乎想留低自己氣味。試過同佢傳心,叫佢唔好,但未湊效,唔知點好,唯有收起所有嘢,但難為其他貓無得用囉。
佢已經絕咗育,唔明何解霸地盤的心態仍咁強。
貓仙人,
哈哈,這個是朋友送的禮物,好似在荃新天地嘅Rapee-Living買的。
hoyiu
要視乎貓嘅年紀,如是正在成長的貓,高protein梗係好,但老貓就唔係咁適合,或者有尿道窄毛病的雄貓亦不太好。可先問問獸醫。
pak ma,
對,我腦筋每日都急轉彎,隻衰b仔日日都有驚喜俾我丫。![{#icons_cat10} {#icons_cat10}](http://img2.hkheadline.com/headline/blog/images/smile/cat10_50.gif)
我家貓貓王子鍾意瞓响電視機上面取暖...最近咁凍, 我把暖水袋放在腳附近,佢每晚都响那個暖水袋附近取暖兼瞓左成晚0架....我蓋的是羽絨被...佢就每天都鑽進被裡保暖....
米米媽,
你到底由細到大比左d咩肥米食,勁豐富既DHA? 唔係佢仲咩成個人仔咁, 仲聰明過人仔添....![{#icons_cat2} {#icons_cat2}](http://img2.hkheadline.com/headline/blog/images/smile/cat2_50.gif)
關小姐
想問問相片中嘅黑色貓墊响邊處買?我都想買一個。
關小姐
請問Grain-free的貓糧是否對貓貓身體較好? 但protein 比較高, 長遠對身體唔知有冇影響呢?
Cat cat , 我唔知吐毛膏有咁分喎 , 你嗰隻咩牌子 ? 我用開嗰隻德國牌子 , 德文嚟 , 都唔知佢寫咩 ! 唔知佢排便定嘔吐噃 !
冇架 , 佢一般都係唔開心先會咁 , 例如俾阿寶欺負 , 唔夠打 , 我夜番屋企 , 小米就試過玩到顛 , 差 d 去唔切砂盤 , 一跳入砂盤即刻痾 , 又即刻彈出去再玩 , 其實佢之前跳過入去兩次架喇 , 一聽見佢哋玩緊 , 唔痾 , 又跳番出嚟 , 最後忍唔到先痾咋 , 一路痾 , 對眼仔重要睇實其他同伴 , 驚死執輸.
tp03,
毛球膏有排便式or嘔吐式, 聽人話嘔冇咁好喎, 但我家貓貓係用嘔吐式, 你可以再問其他人意見~
關小姐,
我家Garfield仔之前成日响我熟睡時, 大大在床上, 幸好而家唔見有喇, 我已經喺有個佢唔應該大大嘅地方長期舖報紙, 我試過改善便盤清潔, 的而且確少咗床上大大, 不過佢間唔中都會响蕃薯仔床仔大大, 以報平時蝦佢之仇~![{#icons_cat10} {#icons_cat10}](http://img2.hkheadline.com/headline/blog/images/smile/cat10_50.gif)
sinsinho,
上次有人抱住Miu Miu好耐都唔放手, 最後Miu Miu發脾四响嗰個人身上尿尿, 攪到我幾唔好意思, 你呢, 會唔會你個開心or發脾四先會咁架??![{#icons_dog6} {#icons_dog6}](http://img2.hkheadline.com/headline/blog/images/smile/dog6_50.gif)
唉 , 我個仔一發脾氣就四圍痾架喇 , 所以冇咩都唔好激嬲佢 , 唔係又嚟架喇 ! 佢懶理係咩地方 , 試過抱住佢都照痾 , 你話死唔死吖
!
但我家小寶只要係佢喜歡訓嘅地方佢都唔會尿尿的.....
我想問大家知唔知貓貓食左去毛球膏之後係唔係會嘔毛架~!?
早晨!關小姐,我最愛是星期五,因關家一早就會帶給我歡樂!今天都不例外呢!
米米太聰明了,像披上貓皮的人仔一樣,牠每天都在動腦筋,連主人也比倒您驚喜,其他貓咪怎夠佢玩
有趣,有趣!