剪輯—撮要 (節錄自陸 sir 每日網誌)
陸 sir 擇要：首先多謝陸 sir 教導
短炒講走勢，順勢而炒，易賺到錢
長揸睇基本因素，唔平唔買，短炒講時機，唔升唔買，佢走勢已轉弱，你仲在佢橫行時買，唔好話佢破位向下機會較大，即使繼續橫行三個月半年，你點短炒? 所有機會成本輸哂，所以高位回落咗之後橫行都買唔過; 對短炒者來說，在升穿高位時買，看似笨，其實精。我叫你分清長揸和短炒，因為即使買同一隻股，目標唔同，方法亦有好大分別。你想短炒，先練吓睇大股的走勢圖先啦。
我就話選得月供這個「笨方法」，基本上就要跟笨方法的方式行事，唔好太多意見。月供的壞處好多，例如平又買貴又買，市旺時繼續買股會買貴好多; 又例如每月供款額固定，唔可以在便宜時多買等等。但既然選得月供，佢一定有好處，第一是固定供款，強逼儲蓄，唔會俾你有多餘錢使哂佢。第二是定期供款，唔使散戶去判斷市勢，大市難測，既然專家都係睇中六成，散戶睇中的機會更低，你想選擇便宜時買股，係唔係咁易選到?
好唔好在市旺時把股票賣出。表面睇呢個建議幾好，睇番去年個市，都係升三步回兩步，波浪式上升，如果能夠把握到去高賣低買，回報一定好過死揸一隻股份。但咁樣去估市，其實同月供的基本理念有好大分歧，你睇錯又怎樣?例如你覺得個市由21000點升到24000點都好多，24000點沽貨，等佢跌，怎料事與願違，佢25000點、26000點係咁升上去，你就恨錯難返。如果你定力夠，無眼睇，仲好一啲，但一般人初時見大市走向和自己估計相反，會唔信。但見愈升愈有，升到28000點氣氛好旺佢開始信，升到29000點就堅信無疑，那時才反手入市，就變成高位接貨的傻仔了。
所以用得月供，就盡量少測市，盡量少出入，以減少自己誤判市況的機會。有時大市真係上上落落，唔出入月供回報好似少好多，但若你月供的前題是尋求合理回報，不是超高回報，賺少啲無所謂。
若你要沽出月供的股票，只能是股市升到「好顛」的時候，那時人人皆股，個個話炒股賺錢好易，股市走勢圖差不多直線抽上，一枝枝大陽燭向上，咁或許係沽出月供股票的時候。但要記住，若在這種好顛的市況沽出月供股票，佢唔大插你都唔好買番，唔好見唔跌心郁郁又在更高位買貨。近年的股市，只有07年的32000點算做顛市，所以沽貨，也都是幾年才沽一次，唔係一年幾次出出入入也。
想追求更高回報。我建議一個思考角度俾大家，要人棄我取，即係等個市跌得多啲，好多散戶唔敢買股時，你才入市慢慢買。唔使預先定死一個指數點，或者跌到23000點買啲(距28000點有22%)， 22000點買啲(距28000點有27%)，21000點買啲(距28000點有33%)，咁樣若入哂三注，平均價22000點，假設大市最後跌唔穿21000點好多，就見底回升，到下半年真係升到28000點，到時沽之，都有28%回報，都相當唔錯啦。
A股今年、特別是上半年仍處於弱勢，因為阿爺有集中調控政策出台，穿低位的機會不少，有機見吓2400點至2500點，然後見底回升。A股全年走勢仍有機會弱於美股(港股夾在中間)，除非通脹無想像中咁嚴重。 第一，唔好期望呢次調整市好快過去。大市調整的背景是大陸進入加息週期，普遍預期大陸今年會加三次息共加0.75厘，如今只加了一次0.25厘，當然無咁快一片晴空。起碼加息加到咁上下，又見通脹受控，股市氣氛才會全面轉好。 第二，既然股市不會馬上好，買貨也不用太急。若即時買哂等升，但一兩個月都未升，好容易心灰意冷。應對方法是分段買，慢慢買，見佢跌又買啲，再插深又買啲， 心理會好啲。我好早已發現呢個道理，如自己買到滿倉成手貨，只能期望個市升，個市唔升心情就好唔靚。但如果分開三段買，拉開少少價位，你買入第一注之後， 唔係期望個市升，反而係期望個市再跌，因為唔跌你買唔到第二、三注，這時見到跌市會高興，而非一見個市跌就發脾氣。而家只買咗一注，心情還是想個市再跌。或者個市跌到22000點多啲就唔再跌，到時再決定追唔追都未遲。又或者跌到21000點之後仲有得跌，但起碼未買齊貨之前那段時間唔使捱，咁即係捱少好多時間。 第三，在初段急跌時，買貨講求安全性，睇番公司本質，就知道邊類安全啲，以內房股和內銀股比較，內銀股安全啲，唔係話內銀股唔會再跌，佢地現時無內房股跌咁多，再跌的可能性仲大，但出現較壞情況時，例如分注買齊，佢;心再跌10%，你都比較有把握市道正常番少少時，佢易啲浮上水面。 總的來說，人棄我取，在跌市買股，切忌太心急，唔一定要買得最平，務求大跌時自己有啲子彈在手，可以買吓，咁樣可能會開心啲。 短炒第一個位放幾多注，亦係一種學問，若估唔係跌得咁多才在第一個位放二注，若無把握只放一注，若隻股跌得好急，第一個位放少啲注好啲。亦同市況快慢有關，若個市慢，第一個位可放較多注碼，若個市快，第一個位宜是試水位，小注。 問止賺技巧，要搞清楚動機，投資和投機不同，投資要盡量坐，減倉一般都唔清倉。投機零活進出，先睇隻股去勢，若見回吐，可以定高位低多少止賺，例如5%，有時一兩日就到。急升股如單日轉向，由急升變跌，可能就是轉勢開始。 陸太高位減咗三分一貨左右，佢好少沽清，多數長期持倉，高位減啲，跌得多就加番。跌得好勁時，佢仲有其他資金可以加注。佢係最典型投資的我，十分唔鐘意投機，郁動較少。 師兄們對MPF ：我的策略係恒指PE 20轉一半mpf做保本，PE 22轉哂做保本，等股災後再轉至股票基金 買入時機好重要，主要講出入時機，第一要在跌到無朋友時買，人人唔敢買貨的大跌日去買，咁會買得平啲。第二要在升得急時沽，例如升到有20%回報時，我的口頭譂係「唔沽哂都沽一半」，主要觀察升得急唔急，升得急可以沽吓，升得唔急慢升可以等吓。要敢買，要敢賣，唔好怕，又唔好貪，講就易，實際上唔係咁易做到。 (short call ) 有貨在手，沽出等量的認購期權，到價就沽貨，唔到價就收期權金，在上落市此方法 o.k. 銀行係唔可以做期權的。只有證券行或銀行”分拆”出來的證券行，先可以做期權。 期權係可以好深，但啱啱入門，唔駛學得咁深。但需要了解風險，了解自己做的期權的最大風險係邊。 一共有四個名詞，short put ,short call, long put, long call short put/short call就收期權金，但short put收左期權金，而正股到左某一價位，要接貨，short call就要沽貨。 long put/long call，就俾期權金人，最多係輸晒期權金，係用來買方向。 long put睇跌，long call睇升。 short股最大的風險在於，為左收多一些期權金，short左超出能承擔的股份或無貨沽空，要俾貨人，俾唔到，而正股又係咁升，又唔止蝕，short的量又很大。 睇下自己想點，若果係想收取期權金，咁只學short call and short put，只了解呢兩樣野，long put /long call，都可以唔駛睇住。
陸羽仁覆網友
明年上落區間18000至24000點，預一個上落市，升高到24000點時可減少少貨。向上風險是中國經濟明顯好轉，向下風險是美國加息比預期快。
買入405、133及5主要睇收息，若然睇價可以再睇低少少，或者明年5、6月時更低。但要收息就要3月前買。若然呢個組合幾年後都無太大郁動，都希望可以收到5、6厘息。
還記得當年金融海嘯股災恒指碌落15000樓下, 好多分析都唱會跌穿10000, 結果恒指一路下瀉, 跌到10676就急煞停, 掉頭回升, 但由於市場氣氛差, 恒指上升都冇人信亦冇人肯追貨, 以為好快會回落並插穿 10000, 結果就一去冇回頭.
今年10月4日恒指低見16170, 冇乜人入貨, 因為個個都估會見15000甚至更低, 所以大家都觀望, 冇人知今次股災的底部在哪, 但如果餐餐都係等見底才出手, 結果一定係兩手空空, 恐慌性拋售導致股市跳崖式急挫, 股市跌至不合理水平, 呢個位通常不會停留太久, 當恐慌過後回復理性, 就會作出反彈.
股民經歷金融海嘯是一個寶貴的經驗, 要汲取教訓, 不可再犯同樣的錯誤, 底部在哪裡要事後才知道, 當年錯失入貨良機, 今次歐債危機如果用相同的策略肯定會衰多一次, 股民要從錯誤中學習, 學精左, 下次就會有進步, 不可一錯再錯, 如果未能補捉今次反彈浪, 當反彈完結後, 就要重新制定入市策略.
恒指由4/10的16170反彈到今日已超過一個月, 究竟熊市反彈可以維持多久呢? 頭條網財經分析顯示:
2008年的熊市, 反彈時間約為一個半月
科網爆破後的熊市反彈歷時八個多月
亞洲金融風暴的熊市反彈了兩個多月
Fm : soho
來自小飛兄：下次試下留意自己恐慌狀況, 如果接近頂點時, 即係好想要錢不要貨的時候, 試下入市(當然手上還有一定資金, 而且大市屬於低買的時eg pe10樓下, 即係長坐唔怕果隻). 我都係一名超級老散19000時已經無晒錢(那是我另一批的資金, 雖然返到家鄉, 其實是失敗的, 全靠運氣), 望住大市係咁落, 但沒有偷懶, 一路都留意自己心理狀況, 萬八時只係後悔早入, 穿萬七真好驚, 接近萬六時, 後悔+好驚+麻目+心灰, 此時試下迫自己買貨, 往往係離底不遠, 輸錢不緊要, 但每次都要問大戶攞番o的野走, 下次就有盈利, 或者輸少好多.
我仍然堅信中美股市有無形之手
但嚴格來說應修正為上証綜指2400及道指10600有無形之手托市
知道中美股市底線係邊度有助估計港股何時反彈,
我炒開A50, 見上証綜指跌穿2400就會飛撲入市買 #2823,
見道指守得住10600, 就知美股快要作出反彈, 向上機會率很高
就可以入貨短炒等食糊, 明知反彈在即就唔會咁易被震出局
FM SOHO
最後想講講熊市基本投資策略。
若在牛市時策略是逢低買股，熊市的策略是逢高減持，保留部份資金在驚天跌市買平貨。因為大市是一段段向下，基本策略是高沽，這種市道只會沽低，唔會沽錯(等如牛市只會買貴，唔會買錯的相反)，因為沽完即使升咗上去，最後都會落番來。雖然我認為長線投資買咗肯派息的好股，未必要清倉，但見反彈減持一部份，等插低時揸番，可以拉低平均成本。至於短線炒作，做沽家易做過買家，買貨宜短，嚴守止蝕。
沽貨可以稍長，食盡跌幅。最後記住呢啲波動市，任何人睇市都可能錯(包括我在內)，但叫你控制風險就一定無錯，炒升又好，炒跌又好，量力而為，千祈唔好孤注一擲，唔好俾自己一舖清呀。
陸羽仁
Fm : loss 兄
當你突然間見每格都有1M以上買盤出現"排隊", 但不是直入, 而是排低2-5格, 當差一格買盤累積時, 排低2-5格抽走, 大戶即反向沽貨, 剛才出現了好幾次
相反, 當你突然間見到賣方每格都有1M以上沽盤出現"排隊", 但不是直沽, 而是排高2-5格, 當差一格賣盤累積時,而沒人再直沽時, 排高2-5格抽走, 大戶即反向買貨, 這是大戶常用技倆
Fm : 陸 sir
長揸大股死因雷同
若歐美股市仍處於漫長熊市的假設正確，美國聯儲局仍好大機會推QE3去救市，但這種措施的效用有限，但會打開了長線投資的逃生 / 套現窗口，甚至是最後一個窗口。為甚麼是「最後」，因為美國QE的效應一次比一次弱，而且QE令通脹急升，搞埋QE3都唔掂，恐怕好難搞QE4，QE5了，所以宣佈搞QE3後美股會升，但過幾個月發覺搞埋QE3都唔掂時，美股會跌得好快。
你可能會問，假設長線美股未脫熊市的分析係啱的話，對投資有何啟示？第一，牛市和熊市的基本策略不同，若身處牛市中，見股票逄跌必買，死揸唔放，必有斬獲，但在熊市中買股只能炒反彈，食夠要走，死揸唔放，好易中招，在熊市貴買股票，必定係錯，高追的風險極高
熊市反彈只食波幅
第二，不要被政府干預下的巨型反彈迷惑了。美股從09年3月6500點開始大反彈，升了近一倍，但不要被這種巨大幅度的反彈誤導了你，以為見到牛市，雄心勃勃入市。香港亦試過這種情況，98年金融海嘯，政府入市，恒指由6544點的低位，反彈到近17000點的高位，但其實整個經濟未調整完，股市兩年內升得咁好，只因政府入市買股收乾了貨源，令反彈的力度誇大，但信佢盲目入市，見到跌市亦唔走，第二棍落來都會好傷。
第三，熊市炒反彈食波幅。在美國政府驚人干預下，股市自09年起的反彈亦好驚人，你可以叫這種做反彈市，亦可以叫做「熊市中的牛市」，叫乜都無所謂，但熊市的反彈是一浪低於一浪，如果有QE3的高位，下一浪反彈的高位，又會比QE2的高位低，這樣子買股只是炒反彈的波幅，長揸無乜著數。
最後講多句，在熊市中不要放心以貴價買入超長線的投資，恐怕買樓就是這類投資，若明年歐美經濟救唔起，超平利息或可以保住不大跌，但一兩年後新樓供應出來時就好難講了。
Fm : soho
今年港股見頂有一個特徵, 都是 [ 見頂後連跌幾日 ], 當時財演普遍解讀為健康調整, 散戶因而錯失了沽貨良機
一月 見頂後連跌4天
二月 見頂後, 當天已倒跌, 隨後再連跌3天
三月 見頂後連跌2天
四月 見頂後連跌2天
五月 見頂後, 當天已倒跌, 隨後再連跌3天
六月 見頂後, 當天已倒跌, 隨後再連跌6天
七月 見頂後連跌2天
八月 見頂後連跌6天
Fm : 門師兄
buy and hold似乎只適合指數股
節錄自達摩大師：
看成交量
巿場氣氛
估算買貨者是 大朋友 還是散戶
再看港股走勢 跟唔跟美股
如果 大巿應升唔升 或 應跌唔跌
再出現大成交量 就似係轉倉位
再用時間觀察 巿場走勢是否同自己的觀測相同
先觀測
再估算 大朋友的持倉 興趣 位置 噢!
如果不同 就要跟隨巿場走 別跟自己走 呢噢
節錄自 SOHO ：在上落市通常我會買 4至8手 #2828, 買賣都係分幾注, 每注兩.三手, 頭注入少d, 跌深d買多d, 執 $8 就食糊.
大吉利事, #2828 如跌穿 $120 我會大手掃貨, 不限注向下買, 上次見$122即彈, 六月大大鑊都守到 $122, 相信$120入貨機會渺茫, 所以見 $123我已經出手
喜歡用另類方法睇市, 建行除凈後的股價是 $6.685, 我話過呢個係強弱分界線, 唔係咁易突破, 結果今次反彈真係闖關失敗, 見無法突破就要走貨, 一般來說, 除凈後股價多數向下走.
在我的監察名單內, 以 [除凈後的股價] 呢個方法睇位都好得, 工行除凈後的股價是 $6.069, 和黃除凈後的股價是 $87.69, 長實除凈後的股價是 $116.95, #405除凈後的股價是 $4.124, 今次反彈全部都闖關失敗, 見重磅股無法向上突破就知港股要回調,
究竟港股何時見頂呢兩個指標不容忽視, 1) 明天是小暑, 好大機會轉方向, 2) 港股的高位大多在每月10號前出現, 不過七月是資金重新部署的月份, 而今年一月的高位是在19號出現, 二至六月的高位才是在10號前出現.
我從來不會因為蟹貨重而不加注, 買少d就會, 如果我一早計劃好分注入貨, 見插到落目標位我點都會按計劃買少少, 否則手上只得高價貨就好難見家鄉.
假如一直冇跌到你心目中的低位, 豈不是無法入埋其餘幾注?
尋
賤人騙子-胡 X 天- 又名老餅-立仁
超級騙子快上當. 淫人妻女笑呵呵. 後尾幾年小心啲. 聯絡方法: skype: itin4@hotmail.com-老怪. 電話: 香港: 69115982. 大陸: +86 138 025 83066.