禁室培育

2011/02/25 08:46:10 網誌分類: 生活

25 Feb

        領養過十多隻貓，女皇Shane是比較讓我擔心的，牠被義工由繁殖場救出來，受了許多苦，非常怕人，連貓也怕。

        新貓到埗，多數將牠和舊貓分開生活一段日子，讓牠們適應，由於對Shane多了一點憐憫，於是我將牠專養在睡房裏。

        最初牠瑟縮一角，不能接近。之後，慢慢由地下移近一點，再移到牀尾，伸手摸牠，又走開了。某一天，牠自己願意行到牀頭，走近我旁邊，但都是點到即止。這種錯摸延續了好一段時間，我覺得，關鍵是讓牠知道，人類不會強迫牠做任何事。

        女皇Shane來了兩年吧？今日牠的眼神或許仍是兇巴巴的，可是外表以外，我見證了牠願意再信任人，肯讓我抱一陣，摸摸頭，也願意和群貓一起睡覺，培育可算成功。

        常有人問我，怎樣令新舊成員融合，或者讓有適應問題的貓親近人多一點。我的經驗是和牠一起睡，總會有意想不到的改變；反而米米生性開朗樂天，就從未享受過這種特權了！

        關慧玲

回應 (13)

我要發表

2011/03/02 13:30:13 回覆

antydorothy,

我家貓姐貓爺太聰明o拉，混水摸魚的罐罐必定比佢地發現；有幾遠走幾遠! ${#icons_cat3}$

2011/03/01 00:16:12 回覆

關小姐

米米這個樣和睡姿.....真係想鍚佢呀....&和牠一起睡 ${#icons_cat8}$

關慧玲 2011/02/27 23:56:44 回覆

bluepanda,

米米咁都瞓倒，證明佢胸無城府也。 ${#icons_cat2}$

2011/02/27 12:44:13 回覆

噢.....米米這個睡樣和睡姿....笑到我肚痛啦. 真係想0鍚爆佢呀....

關小姐: 好同意這句話, 自從幾次搬家後, 初時擔心貓貓不適應, 但搬到新家, 貓貓和我同睡, 我們的關係又親近了許多, (以前都好親近0架啦...)牠會常常親我的面呢.真係sweet死啦.

2011/02/27 00:20:47 回覆

momotau

藥放入罐仔佢地就入到口 ${#icons_cat2}$ 只要係罐仔都會放入口, 我都係咁 ${#icons_cat9}$ 餵藥

關慧玲 2011/02/25 18:06:34 回覆

其實我年年都放水仙，花味太香了，貓咪都敬而遠之，未試過出事。不過如果真有毒，來年就放其他花吧。

2011/02/25 14:18:11 回覆

阿米米睡都睡得攪笑過人的,,,,個身曲成咁,都睡倒,,,,,,,,,,笑死我了 ${#icons_girl2}$

女皇Shane,,,您是先苦後甜,,,,,,,,,,我好肯定的對您說,您現在過的一定是甜的日子,,忘記過去,,欣賞現在..............我都好鈡意您架 ${#icons_cat8}$

有貓真係唔好種花養草呀,,,花的汁液對貓爺有害,,,但貓咪好奇心好重,,,,小心,,我們都愛貓兒的,是嗎? ${#icons_cat1}$

2011/02/25 14:05:58 回覆

我隻貓貓就係亂食o野--年廿九晚偷偷搶走了我既早餐提子飽又玩又咬，結果拉肚子兼嘔嘔，年三十晚急忙見醫生，足足拉肚子了四天；至年初五再見醫生加藥才止呵；與他又要搏鬥餵藥七日。擔心死啦。

2011/02/25 13:03:49 回覆

CATCAT

我都唔知啊~~

貓貓做完壞事都一定會係一副事不關已咁嘅樣..吹咩~!哈哈!

2011/02/25 12:29:33 回覆

tp03,

我都有放水仙, 不過係有咁高放咁高, 只會放一啲冇毒嘅花響枱面, 個肥蕃薯就一味lam花樽裡面嘅水, 有次朝早發現成個花樽推跌, 週圍都係水, 我當然發癲啦, 而佢就睡眼惺忪樣咁望住我話我好鬼殺咁嘈, 好彩樽冇爛貓冇事, 但我就要做餐c, 新年流流都要清潔~~ ${#icons_cat5}$

朋友貓貓冇事啦嘛???

2011/02/25 10:58:30 回覆

近日有朋友的貓貓突然肚痛入左院, 已經3日都重未知病因....但朋友就說醫生同佢講原來貓貓對水仙花同百合都會產生中毒反應, 記得過年有幾日屋企都放左一盒水仙, 如果係真的話咁我地就真係慶小寶冇事喇~!

你地講得好岩啊, 對貓貓就好似對住一個小朋友咁, 只要係入到口嘅,佢都會放入口, 有一次我見佢嘔返我細佬D模型零件出黎, 嚇死我喇~~我重閙我細佬唔收好D野....近日佢又將成盒模型由高櫃踢左落地下, 之後搵入面D零件玩...我一早起身見到個廳好似打戰咁....真係唔知咩心情形容...又係一輪罵戰 - 人貓都罵!呢幾日重要好留意貓貓D行動 (都唔知隻為食貓有冇又食左野落肚...)

貓貓心情係會直接反映係佢D行為同面上...我之成日見到佢俾人攪住冇得訓個個怒樣...早上心情好, 有罐仔食就會搖尾...要你幫佢抓癢個個嗲樣....當Shane呢個樣出現係小寶身上, 就表示你好收手喇~~~哈哈

2011/02/25 09:57:35 回覆

haha~~~好一幅相映成趣的圖片, 女皇嬲爆爆, 傻米lam lam lam, 仲打出個咕咕~~~ ${#icons_cat9}$

2011/02/25 09:41:31 回覆

付出愛心, 得到 Shane 這種回報, 我想已經夠開心了

米米這個佈景貓睡姿真令人發笑 ${#icons_cat2}$

禁室培育

網誌分類

已關注

最新網誌

最新回應

月曆