錦上添花與雪中送炭

　　無論你是扭開電視，還是翻開報紙，都對「鬍子曾」一片鬧聲。中午時間，在街邊的鐵板屋吃碗「雙蛋丁」，鄰台的大叔大媽、三姑六姨婆聚在一起開罵「鬍子曾」，猶如「十八樓Ｃ座」。

　　－－發癲！係人都派六千？我班親戚一早已移民加拿大，一早已入加籍。尋晚越洋來電，開心到飛起，一家四口凈收24,000。你話，佢班友已定居加國多年，過去一年都沒為香港做貢獻又沒交稅，點解都有錢收。

　　－－就係囉！你話新移民，都唔係個個攞綜援，都為政府交了六年幾稅，點解都無得分享？那個衰官，唔鬧都唔定。

　　......

　　冷眼看世界，當官都幾難，派又鬧，唔派又鬧。

　　不過，大派六千人，有的錦上添花，有的雪中送炭。如果你對港府高官要求唔高，算罷啦！你期望他們能做甚呢？都係混口飯吃。