搵食
很怕lunch time要出外飄泊搵餐食。
路程遠,途人多,要等位,排大隊, 辛辛苦苦輪到自己入座了,卻還要勉為其難跟一大班陌生人搭檯。 細小的桌面上,你眼望我眼,地盤各佔,互不相干。
在吃得汗流浹背之際, 眼見身邊無數食客擦身而過出出入入, 耳際又聽見一個個職員喊口號似的呼嗌輪候食客入座no., 氣氛緊湊又忙碌。
雖然我的座位背對門口, 但依然強烈感覺到, 有很多『餓狼』正金精火眼死盯著自己。
縱使眼前盡是美食, 但吃得咁有壓力,怎能自在? 簡直食不知其味啦!
急急忙,三扒兩撥把碗中餘餚吞進肚裡, 數1.2.3的彈起身結賬,讓座給正在飛撲過來的後來者。
這一餐,絕對滾水淥腳, 同檯的幾位OL, 個個狼吞苦嚥,食相狼狽,妝溶髮亂, 活像剛從赤柱放監似的,有苦自己知。
所以話,一分錢一分貨。 要便宜,貪方便,服務水準就是如此的了,無得怨。
如想避過同人迫時段,明天請早。