雙冠軍
2011/05/20 08:47:20
網誌分類:
生活
甩毛的季節又來了,貓爺們身上不住的掉下毛來,不替牠們梳,就舔進肚裏再嘔出來,客廳廚房浴室到處都是,只好的起心肝找個禮拜天全家大掃毛,擱了一個冬天的底毛梳又出場。 一如所料,十貓之中,短毛唐貓仔三幾下就清理好了,英短的毛卻又多又厚,所以養長毛厚毛貓之前,一定要預算花時間替牠們梳理。 米米的頸背和PatPat最豐厚,不過這位多屆甩毛冠軍今年遇上勁敵,想不到真真經過一個冬天,身上皮草變得又厚又密,梳子在背上扒出大把大把來,遠看還以為在替牠剃毛呢!梳足五分鐘,弄得自己鼻子都發癢,真真大爺索性成隻攤開,瞇上眼享用梳完毛後的乾洗服務。米米和真真最後不分勝負,兩隻大爺梳出來的毛,足夠織一件冷衫。 梳理完畢,滿屋貓毛飛揚,忍不住又全屋清潔了一次。搞足半日,只見幾隻衰仔在剛抹完的地板上大力抓耳朵,絲絲毛髮又一束束掉下地。如果時間不足,耐性不夠,真是會發癲的。 關慧玲 |
8012,
好同意你用的方法,仔細觀察貓貓在梳毛時的反應,便知道牠喜不喜歡,有沒有弄痛牠了。
我先用排梳慢慢用陰力梳順D毛, 再用鐵針式大刷梳反方向梳再順毛梳, 佢地會打開肚皮側著頭用那雙前掌輕拍你重要瞇晒眼果隻,你話是否冧死, 通常一個星期兩次。
bluepanda,
做咩貓貓重咗???佢偷食貓餅咩??
最近我貓貓重左好多......
做咗個枕..洗一次先消毒吓都應該得啦~! 貓貓我地都日日攬同鍚..冇問題..但塊布就要封得實d毛唔走出至得..唔係就......哈嚏
http://hk.apple.nextmedia.com/realtime/art_main.php?iss_id=20110524&sec_id=10793140&art_id=50015965 呢隻冇咁樣煩惱.............
各貓友,請小心使用底毛梳,要注意您的力度,一定要慢慢來,,因每隻貓身上的毛毛厚度都不同,,因為我留意倒底毛梳原來是好(鋒利)的,小心用,這只是我小小意見,因我也愛錫各貓友家中的愛貓!
8012,
你兩隻活寶好靚丫,咁你平日用乜嘢梳梳毛?
old ox,
貓爪??你真厲害,好有興趣睇 吓你的收藏品!!!!!
各位,
看來神奇梳真係好多人關心,去年寫時已有不少查詢。
佢仲有另一個名叫底毛梳,上網打呢個名就會搵到,約六十至一百蚊一隻,真係好用,尤其多毛的貓,強力推介。
Old-Ox
u go to garden street (all pet shop)
to buy 神奇梳"
sinsinho:就係呢個方法啦. 謝謝你.
咁有無人會儲貓牙呢? 好似我地細個時掉牙, 阿媽會儲起來做紀念咁.....
做了絕育手術的貓貓, 思春期仍會叫嗎? 我的貓貓已心如止水, 只愛我一個咋.
新進貓奴:
你可參考9.7.2010"神奇梳"一文, 便知那裡有那"神奇梳"賣.
另外, 我不只儲"貓鬚", 連"貓爪"也有收藏!!
Old-Ox
Bluepanda, 係用發泡膠箱裝住幾支雪到變冰嘅冰柱 (用之前用膠樽裝水放冰箱) , 晚上溶咗可以再雪 , 循環再用 . 應該係咁上下 , 睇吓各位貓友有冇補充 .
關小姐 , 你儲起 d 毛可以做個枕頭 , 人家用羽毛 , 你用貓毛 , 獨一無二嘅貓毛枕 , 厲害 !
我雖然養左佢地一年, 佢地一入我門我就開始儲猫鬚啦!原來有那麼多同道中人!哈哈
新進猫奴
我想問吓較早前你推介的強力去毛梳那裡有得賣, 我兩隻寶寶勁厚毛, 夏生炎炎想牠們舒服D!
新進猫奴 上
我沒有再養貓,因怕牠思春期的叫聲!
bluepanda
我從前都係俾貓飲煲過的水,怎知牠們不大喝,反而自己走去喝水喉水,洗菜水,甚至浴缸水,所以後來我都算了,直接給生水牠們。
咪嗚,
我以前都有儲貓鬚架,真係同道中人。
好嘢,我以為只有我儲貓鬚咁騎呢,原來都有同道中人,我成日同我啲朋友講笑話當儲夠100條貓鬚就可以達成1個願望喇,哈哈.另外,本人的經驗之談,多年前本人有朋友帶小貓回家後只給予生水,結果小貓不舒服要看醫生杜蟲,後果是朋友看著小貓痾了一堆綫蟲出來,很幼小那種,朋友足足反胃了好幾天,所以,我自貓貓6個月至今17歲了都是俾佢飲煲過後攤凍嘅水,天冷時就加少少熱水變暖水俾佢,仲有我習慣每天早上起床刷牙後就飲1杯水然後再輪到貓貓飲,目的要佢飲多啲水等佢唔會咁易腎有事,所以而家貓貓每朝早都會自動自覺討水喝,幾好架.另外,本人有嚴重鼻敏感(對溫差和濃味會敏感個隻),所以我家中滅蟲除蝨一直都用biokill,因為佢無味,又標明人畜安全,我使用至今超過10年喇,貓貓同我都冇問題,ok喎,以上可以俾各貓友作為參考.
我奶奶前排去學咗整毛公仔(係用羊毛勾,不是冷果隻), 我儲起咗我三隻寶貝的貓毛, 奶奶幫我用佢哋d毛整咗三隻公仔呀! 雖然....d公仔唔係整得好靚, 但勝在係佢地三個d毛做的, 好讓我做個紀念, 所以好開心好鍾意呀! 繼我儲貓鬚後, 又一令我可以為他們儲起讓我將來懷念的東西呀!
記得去年夏天有貓友說了一個自製冰箱比貓貓嘆冷氣的方法, 唔知有無人記得細節呢? 新居都幾熱0下, 我怕我貓貓熱呀.....
唔該晒.
仲有, 最近數月給貓貓飲煲過的水, 牠似乎好喜歡. 以前飲生水只係飲好少.
兔兔貓蛋,
我係有朋友儲架,但唔知有無衛生問題呢??
嘩....一年一度的壯觀場面.
唔知有無貓毛回收循環再用/造呢?
不如儲起d毛..百貓毛枕吖~~! 應該好受歡迎...有咁多貓味...
所以我經常都讚揚關小姐是好媽媽,十貓真幸福!
再看米米個樣,好像在說:嘩咁多毛毛,我接受唔到囉!
我家寶寶每晚都要人幫佢梳毛, 見佢個個享受樣...已經變成不為梳毛而梳毛喇~~
不過佢依然每日甩一大堆毛出黎已經梳左一個月都係咁, 都唔知佢要甩到幾時.....
關小姐:
將貓毛代替棉花放入枕頭袋或坐墊袋是否可行?
Old-Ox
一睇呢張相, 我就覺得肥米好似擺梗大攤咁, 係度大賣貓毛.... , 同埋我覺得可能唔止織到一件冷衫, 可能整多張羽絨被都仲得..... , 今年冬天或者因為咁可以多張被用下....