雙冠軍

2011/05/20 08:47:20 網誌分類: 生活

20 May

        甩毛的季節又來了，貓爺們身上不住的掉下毛來，不替牠們梳，就舔進肚裏再嘔出來，客廳廚房浴室到處都是，只好的起心肝找個禮拜天全家大掃毛，擱了一個冬天的底毛梳又出場。

        一如所料，十貓之中，短毛唐貓仔三幾下就清理好了，英短的毛卻又多又厚，所以養長毛厚毛貓之前，一定要預算花時間替牠們梳理。

        米米的頸背和PatPat最豐厚，不過這位多屆甩毛冠軍今年遇上勁敵，想不到真真經過一個冬天，身上皮草變得又厚又密，梳子在背上扒出大把大把來，遠看還以為在替牠剃毛呢！梳足五分鐘，弄得自己鼻子都發癢，真真大爺索性成隻攤開，瞇上眼享用梳完毛後的乾洗服務。米米和真真最後不分勝負，兩隻大爺梳出來的毛，足夠織一件冷衫。

        梳理完畢，滿屋貓毛飛揚，忍不住又全屋清潔了一次。搞足半日，只見幾隻衰仔在剛抹完的地板上大力抓耳朵，絲絲毛髮又一束束掉下地。如果時間不足，耐性不夠，真是會發癲的。

        關慧玲

回應 (30)

我要發表

關慧玲 2011/06/02 14:51:49 回覆

8012,

好同意你用的方法，仔細觀察貓貓在梳毛時的反應，便知道牠喜不喜歡，有沒有弄痛牠了。

2011/06/02 11:23:03 回覆

我先用排梳慢慢用陰力梳順D毛, 再用鐵針式大刷梳反方向梳再順毛梳, 佢地會打開肚皮側著頭用那雙前掌輕拍你重要瞇晒眼果隻,你話是否冧死, 通常一個星期兩次。

關慧玲 2011/05/27 01:56:56 回覆

bluepanda,

做咩貓貓重咗???佢偷食貓餅咩?? ${#icons_cat2}$

2011/05/24 23:14:49 回覆

最近我貓貓重左好多...... ${#icons_cat9}$

2011/05/24 13:35:42 回覆

做咗個枕..洗一次先消毒吓都應該得啦~! 貓貓我地都日日攬同鍚..冇問題..但塊布就要封得實d毛唔走出至得..唔係就......哈嚏 ${#icons_panda5}$

2011/05/24 13:26:22 回覆

http://hk.apple.nextmedia.com/realtime/art_main.php?iss_id=20110524&sec_id=10793140&art_id=50015965 ${#icons_cat1}$ 呢隻冇咁樣煩惱.............

2011/05/23 12:57:59 回覆

各貓友，請小心使用底毛梳，要注意您的力度，一定要慢慢來,,因每隻貓身上的毛毛厚度都不同,,因為我留意倒底毛梳原來是好(鋒利)的，小心用，這只是我小小意見，因我也愛錫各貓友家中的愛貓！ ${#icons_cat1}$

關慧玲 2011/05/22 23:13:33 回覆

8012，

你兩隻活寶好靚丫，咁你平日用乜嘢梳梳毛?

關慧玲 2011/05/22 23:12:23 回覆

old ox，

貓爪??你真厲害，好有興趣睇 ${#icons_cat9}$ 吓你的收藏品!!!!!

關慧玲 2011/05/22 23:10:21 回覆

各位，

看來神奇梳真係好多人關心，去年寫時已有不少查詢。

佢仲有另一個名叫底毛梳，上網打呢個名就會搵到，約六十至一百蚊一隻，真係好用，尤其多毛的貓，強力推介。

2011/05/22 21:02:51 回覆

Old-Ox

u go to garden street (all pet shop)

to buy 神奇梳"

2011/05/22 16:11:18 回覆

sinsinho:就係呢個方法啦. 謝謝你.

咁有無人會儲貓牙呢? ${#icons_cat2}$ 好似我地細個時掉牙, 阿媽會儲起來做紀念咁.....

做了絕育手術的貓貓, 思春期仍會叫嗎? 我的貓貓已心如止水, 只愛我一個咋. ${#icons_panda9}$

2011/05/21 21:44:14 回覆

新進貓奴:

你可參考9.7.2010"神奇梳"一文, 便知那裡有那"神奇梳"賣.

另外, 我不只儲"貓鬚", 連"貓爪"也有收藏!!

Old-Ox ${#icons_cat2}$

2011/05/21 12:11:12 回覆

Bluepanda, 係用發泡膠箱裝住幾支雪到變冰嘅冰柱 (用之前用膠樽裝水放冰箱) , 晚上溶咗可以再雪 , 循環再用 . 應該係咁上下 , 睇吓各位貓友有冇補充 .

關小姐 , 你儲起 d 毛可以做個枕頭 , 人家用羽毛 , 你用貓毛 ${#icons_cat2}$ , 獨一無二嘅貓毛枕 , 厲害 !

2011/05/21 10:51:05 回覆

我雖然養左佢地一年, 佢地一入我門我就開始儲猫鬚啦!原來有那麼多同道中人!哈哈 ${#icons_cat2}$

新進猫奴

2011/05/21 10:45:54 回覆

我想問吓較早前你推介的強力去毛梳那裡有得賣, 我兩隻寶寶勁厚毛, 夏生炎炎想牠們舒服D！

新進猫奴上

2011/05/21 10:41:49 回覆

2011/05/21 08:38:33 回覆

我沒有再養貓,因怕牠思春期的叫聲!

關慧玲 2011/05/20 23:51:00 回覆

bluepanda

我從前都係俾貓飲煲過的水，怎知牠們不大喝，反而自己走去喝水喉水，洗菜水，甚至浴缸水，所以後來我都算了，直接給生水牠們。

關慧玲 2011/05/20 23:48:57 回覆

咪嗚，

我以前都有儲貓鬚架，真係同道中人。 ${#icons_cat2}$

2011/05/20 19:39:10 回覆

好嘢,我以為只有我儲貓鬚咁騎呢,原來都有同道中人,我成日同我啲朋友講笑話當儲夠100條貓鬚就可以達成1個願望喇,哈哈.另外,本人的經驗之談,多年前本人有朋友帶小貓回家後只給予生水,結果小貓不舒服要看醫生杜蟲,後果是朋友看著小貓痾了一堆綫蟲出來,很幼小那種,朋友足足反胃了好幾天,所以,我自貓貓6個月至今17歲了都是俾佢飲煲過後攤凍嘅水,天冷時就加少少熱水變暖水俾佢,仲有我習慣每天早上起床刷牙後就飲1杯水然後再輪到貓貓飲,目的要佢飲多啲水等佢唔會咁易腎有事,所以而家貓貓每朝早都會自動自覺討水喝,幾好架.另外,本人有嚴重鼻敏感(對溫差和濃味會敏感個隻),所以我家中滅蟲除蝨一直都用biokill,因為佢無味,又標明人畜安全,我使用至今超過10年喇,貓貓同我都冇問題,ok喎,以上可以俾各貓友作為參考.

2011/05/20 16:15:32 回覆

我奶奶前排去學咗整毛公仔(係用羊毛勾,不是冷果隻), 我儲起咗我三隻寶貝的貓毛, 奶奶幫我用佢哋d毛整咗三隻公仔呀! 雖然....d公仔唔係整得好靚, 但勝在係佢地三個d毛做的, 好讓我做個紀念, 所以好開心好鍾意呀! 繼我儲貓鬚後, 又一令我可以為他們儲起讓我將來懷念的東西呀! ${#icons_cat9}$

2011/05/20 15:45:03 回覆

記得去年夏天有貓友說了一個自製冰箱比貓貓嘆冷氣的方法, 唔知有無人記得細節呢? 新居都幾熱0下, 我怕我貓貓熱呀.....

唔該晒.

仲有, 最近數月給貓貓飲煲過的水, 牠似乎好喜歡. 以前飲生水只係飲好少.

關慧玲 2011/05/20 15:40:42 回覆

兔兔貓蛋，

我係有朋友儲架，但唔知有無衛生問題呢??

2011/05/20 15:40:01 回覆

嘩....一年一度的壯觀場面. ${#icons_cat2}$

唔知有無貓毛回收循環再用/造呢? ${#icons_panda1}$

2011/05/20 13:43:29 回覆

不如儲起d毛..百貓毛枕吖~~! ${#icons_cat1}$ 應該好受歡迎...有咁多貓味... ${#icons_cat8}$

2011/05/20 11:12:06 回覆

所以我經常都讚揚關小姐是好媽媽，十貓真幸福！ ${#icons_cat8}$

再看米米個樣，好像在說：嘩咁多毛毛，我接受唔到囉！ ${#icons_cat4}$

2011/05/20 10:26:31 回覆

我家寶寶每晚都要人幫佢梳毛, 見佢個個享受樣...已經變成不為梳毛而梳毛喇~~

不過佢依然每日甩一大堆毛出黎已經梳左一個月都係咁, 都唔知佢要甩到幾時.....

2011/05/20 10:06:48 回覆

關小姐:

將貓毛代替棉花放入枕頭袋或坐墊袋是否可行?

Old-Ox ${#icons_cat1}$

2011/05/20 08:59:17 回覆

一睇呢張相, 我就覺得肥米好似擺梗大攤咁, 係度大賣貓毛.... ${#icons_cat2}$ , 同埋我覺得可能唔止織到一件冷衫, 可能整多張羽絨被都仲得..... ${#icons_cat9}$ , 今年冬天或者因為咁可以多張被用下....

雙冠軍

網誌分類

已關注

最新網誌

最新回應

月曆