(河馬仔專欄)新航國際盃賽馬日分析

今次會專寫兩場有香港馬參賽之新加坡國際賽事,據當地之天氣報導有可能會出現驟雨及雷暴,到時要留意一下天氣呢.

(以下分析只是河馬仔個人觀點,注數只是模擬,僅屬參考而已,賽馬沒有必勝,絕不可以孤注一擲或投注過度.)

海外賽事第4場---KrisFlyer國際短途錦標

1. 火箭人 (評分 A+) 上一場在同一路程兼同一短直路之下,可以以玩敵姿態把同場能在阿喬斯短途錦標僅負卡通飛機少許之太好贏到冇得跑.此駒已像新加坡之精英大師,仲要可留可 放,仲要配上令人極度安心之高雅志坐陣.正如紹爾當日抽檔後所講抽九檔都冇問題,因為在杜拜一場都係抽九檔照贏.現時正值大熟之年應該都難找敵手了.
2. 蓮華生輝 (評分 A-) 現在已非當年贏火箭人的勇境,上兩場雖然可以歸咎於柏寶發揮欠佳,但加了眼罩後的確冇乜變化.當然其實力仍有望能壓住新加坡之對手,但就算用已經在當地騎左一陣馬之薄奇能坐陣都未必能頂到住火箭人
3. 綠色駿威 (評分 B) 臨去新加坡之前試課閘尚算吸引,而上場在緊迫下競跑下末段走勢同蓮華生輝狂追下差唔多.當然今場排檔問題會令此駒守好位之機會減弱,固此單計勝算而言真係較遜色.
4. 太好 (評分 A-) 在阿喬斯短途錦標如非早了一點點出頭的話好可能勝利的女神就降臨在此駒之上呢.此駒在2月6日之克蘭芝A級賽事能夠輕易走甩今場之高奇,再加上此駒跑法夠 彈性,配上老拍檔貝善利未必唔係蓮華生輝對手,至少此駒係新加坡短途新星,跑幾場已有如此佳績絕非等閒之輩
5. 高奇 (評分 B+) 此駒跑法幾忠心,只係跑法略嫌不夠機動.上場力追下都不能迫近同場之太好.而前一仗之克蘭芝短途錦標雖然能力敵同場之黃金傳奇,但當日該場華蘭素走了出大 外疊才敗於佢.論該場走勢如高奇不在馬群內走位得宜的話可能贏唔到了.所以機會應在此群之下.
6. 開心杜拜 (評分 B-) 上場真係在內欄跑到最後二百都縮,而當時佢在杜拜贏個場阿聯酋航空盃,入位的馬及後都係表現平平.看來今場要挑戰全球頂級短途王有難度
7. 卡巴朗加 (評分 C) 就算用到晏勞德,但隻馬都九歲,對上一次贏馬已經係上年6月贏用牌仔險贏林家戰士而已,難有憧憬.
8. 黃金傳奇 (評分 B) 當然不會預期佢勝出,但勝在一檔加上跑法非常夠彈性,跑短直路就更加有利.如佢立心入三三四四絕對有權,之前能和高奇互有勝負而此駒在新加坡越跑越進步之下其實非常有冷腳味道
9. 完美兵 (評分 C-) 在馬來西亞跑開跟住再在新加坡跑之馬雖然較喜歡放頭跑,但在新加坡最好都只在97分區賽事贏過而已.在2月跑的一場公開賽賽事都完全唔係高奇及黃金傳奇之對手,旨在參與
10. 強權霸主 (評分 C-) 上次贏馬已在2010年5月的一班賽,及後在千二千四跑落威脅唔到勝利之賽駒,看來似在新加坡賽事中未能有突破,級數有差距

河馬仔(模擬$800)心水套餐 :
連贏位:
1. 火箭人 + 4. 太好 ($300注) = $300
1. 火箭人 + 2. 蓮華生輝 ($200注) = $200

三重彩指定位置馬膽:
第一名 : 1. 火箭人
第二名 : 2. 蓮華生輝 + 4. 太好 + 8. 黃金傳奇
第三名 : 2. 蓮華生輝 + 4. 太好 + 8. 黃金傳奇
($50注) = $300


海外賽事第5場---KrisFlyer國際短途錦標

1. 百威勝 (評分 A-) 上次來到沙田略嫌短之下在馬群中衝起來有點姍姍來遲卻是可以理解.當然級數冇乜懷疑之地方.不過如選此駒做膽有三樣事要留意的.第一係近期2000米之途 程好像較1800米冇咁近,第二係兩次跑此賽事均不幸未能勝出,第三係今仗沒有騎開的莫雅.確是此駒潛在之不穩因素
2. 魔法幻影 (評分 A) 此駒上仗女皇盃沿途迫在外疊追上蝕位頗多但走勢可人,特別是末段仍能走22秒以下的四駒中佢係有份的.最可喜係今場快馬甚少,以白德民之跑法可望擺到中前 位置走,如可以的話實際上有能力借好檔及跑法在前中段慳力.往往跑短直路的情況下守好位較單靠大後追有利.
3. 西國浪人 (評分 C+) 近數場已發現此駒進步已不多,莫說馬偉昌在杜拜騎佢個場跑大彎輸可以講話蝕位太多外,及後幾場其實表現亦並不可人,上場係衝得勁就唔會慳哂位都過唔到隻沙貝利
4. 加州萬里 (評分 B+) 雖然話之前到新加坡時此駒去膠沙地試個陣有點緊張,但看報導漸漸已平穩冇問題了.此駒上場衝力驚人,加上蔡明紹發揮得好好走入面才得到第二,起步輸了形勢 都有如此良好追勢已證明頂級質素.13檔當然對佢係一個考驗,取勝關鍵在於同百威勝轉最後一個彎位時如何取位
5. 音樂廳 (評分 B) 上場走勢確實失望,特別係在香港時之晨操眼見不吸引.此駒有一問題係晨操有時都幾唔留心,騎者唔騎個陣有時此駒會幾快停下,未知此現象是否代表甚麼,但如計佢同樣要後追的說話,揀百威勝或加州萬里可能較安全
6. 庭園華座 (評分 B+) 千八打上之路程確係對此只贏過千六米的馬來說係一大考驗,上場塞車後失了步韻可以理解大敗原因,但今次用杜利萊坐陣雖然同樣是法國騎師,但略驚會對此駒較生手.
7. 蘋果酒 (已退出)
8. 鬥牛城 (評分 C+) 一來在一二級賽戰績中以二千二或二千四戰績較好,前一場之加拿大國際錦標沿途毫無走勢,而上場與環保駿駒同場在走位尚算不太蝕之下比已退出之蘋果酒,在大連環塞車下都可以走甩佢,看來今次跑二千機會較遜.
9. 威剪刀 (評分 D) 還記得當年來港跑包尾的牠,到現在仍能企得穩新加坡的高級組別賽事.但其性能其實去到二千已證明只可近而難有威脅,最好證明是剛剛4月29日跑第四的新加 坡英女王盃,在守好好位之下完全抵抗唔到同場之胖小子而只可同風險生意近,近期贏兩場都係千四及用見習生才險勝萊佛先生一類在公開賽組別可爭不穩之馬,要 唔到了.
10. 風險生意 (評分 D) 用到薄奇能都好但上次只係跑到同威剪刀差唔多位置,而且此駒在新加坡二千二跑法較適合佢,平時跑落亦較均速,當然更難以話佢可以用贏馬來西亞的檳城金杯一級賽之質素來同世界好手爭先
11. 胖小子 (評分 B+) 新加坡賽駒之希望應該係佢,一來此駒只係4歲仍有大把進步空間,二來近期贏的英女王盃及鴻運發財碗之表現,見到此駒可以在一段短唁程中展現極強之爆發力 外,走位亦非常靈巧放鬆,已十多場唔甩四甲之馬足見忠心,今場口係衰在排檔,否則絕對有權入四連環腳
12. 捷達河 (評分 B) 其實此駒表現非差,在之前杜拜的杜拜免稅店盃如非蝕了少少位的話,其實還有少少機會同百威勝一爭.當然上場范德保之發揮就算罷.但跑法同胖小子差唔多的情況下可能會同上場在香港一樣走蝕位.
13. 新龍木 (評分 C-) 此駒已好耐冇馬贏,跑法喜歡前置型.當然今場冇馬放對佢有利,但近幾仗都係千八跑得較佳但看在新加坡之評分好像有點飽和,看來電兔居多.

河馬仔(模擬$800)心水套餐 :
連贏位:
2. 魔法幻影 拖 全餐 ($20注) = $220
2. 魔法幻影 拖 1. 百威勝 + 4. 加州萬里 ($130注) = $260
2. 魔法幻影 + 11. 胖小子 ($20注) = $20

三重彩複式:
2. 魔法幻影 拖 1. 百威勝 + 4. 加州萬里 + 6. 庭園華座 + 11. 胖小子 + 12. 捷達河 ($5注) = $300

(紫色為馬膽,紅色為三隻最喜歡之配腳,藍色為其他配腳)

直至上次累積之賺蝕 : -$1600



每年香港的長途三冠賽事都是馬壇盛事、每每都會吸引大量香港之佳駟爭取一連攻克三個由1600至2400米之一級賽賽事。自90年代顯赫香港之馬王[翠 河]能一季內分別攻下董事盃、香港金盃、遮打盃而成為香港三冠馬王後、到現在仍未有馬匹能重溫好夢。希望未來香港亦會再出現多一匹三冠馬王呢!

三冠的尾關亦將會在本月尾舉行、相信到時亦會有大量熱情的馬迷及參觀者入場支持心水愛駒、為愛駒打氣、看一場精彩賽事呢。



今次由河馬仔出品設計、由同人組織Snow Factory之畫師---雪子---繪製而成。以發放。

*(圖中所述之看板娘人名純屬虛構、如有雷同、實屬巧合。)