涼快的方法

2011/06/10 08:47:10 網誌分類: 生活

10 Jun

        過了端午後，天文台即發出酷熱警告，披着厚重毛皮的貓爺熱到皺眉頭。冬天時隻疊隻睡覺的情景不復見了，大家都一副「咪埋嚟」的模樣，各據一方尋找散熱地方去。

        米米試過很多地方，大廳中央的地板早上是涼快，但日上三竿太陽猛照屁股，牠就移師到走廊，還是覺得熱，轉到浴室瓷盆，可是自從發現牠惡搞我的護膚品後，浴室門便長關起來。米米不得其門而入，只好霸住廚房的洗手盆。

        牠企圖長期佔據的心很是堅決，叫牠不理，推牠不走。碰上要洗手而牠又不肯讓開的話，只得將水龍頭扭開一點點，沾沾手指便算，水滴沿表毛順滑到底，牠只當搔癢，不覺得是問題。但如果要洗菜就實在冇計，一定要開大水喉，牠亦有本事讓水滴濕了裏層的毛，才不情不願起來，還要斜視我一眼，怪我擾貓清夢，混然不認為阻我開飯很大罪，轉了兩圈又跳上來搞局。

        於是我也決定，自己先吃完了，才替米米開餐啦。

        關慧玲

回應 (12)

我要發表

關慧玲 2011/06/15 12:37:58 回覆

pak ma,

好丫。shane繼續好瘦，但已經融入家中了，不過依家頗獨家村，唔輕易被人抱，佢自己過來就得，好有性格。

2011/06/13 12:15:35 回覆

關小姐,

想向您申請看女王shane的近照，好掛住佢?因女王第一日到您家時，已經好鈡意佢，佢有冇肥返d??習慣全屋的兄弟姊妹未???牠近況如何呢?? ${#icons_cat1}$

關慧玲 2011/06/11 18:54:28 回覆

old ox,

因為女王發現新大陸囉，就是走廊一張小櫈仔，同佢爭?佢一樣會打人。女王唔要嘅，米米至爭到架。哈哈。

2011/06/11 14:55:55 回覆

我也覺得最近貓貓食少左野.....佢訓果間房仲涼快過我果間呀!

2011/06/11 11:47:27 回覆

那麼就讓貓爺自己善用家中每一個角落吧了，牠們自由發掘出清爽舒適的位置，這是最實際的做法,,,,,

集中陪養貓爺飲多些水,,,,,我常叫貓爺：飲水水、飲水水，牠們真會去飲水水的,,,,當然要多些時間去令牠們習慣啦 ${#icons_cat1}$

2011/06/10 21:14:39 回覆

關小姐:

上年你講過廚房個鋅盆給女皇霸了, 其牠貓爭她就打人. 何以今年米米又會搶到?

給貓貓的金屬蓆, 去年我買了一塊, 不過貓貓不用, 結果我放在坐椅上自己用, 的確涼快一點. ${#icons_cat1}$

Old-Ox

2011/06/10 19:12:01 回覆

蛇有蛇路 , 鼠有鼠路 , 貓有貓路 ......你諗吓一行十貓排晒隊喺度瞓覺 , 令我聯想起萬里長城 ......, 何其壯觀呀 !

關慧玲 2011/06/10 16:56:40 回覆

pak ma,

我家有十貓，如果得一塊，我諗打交都似。一係鋪一條路出來至得。 ${#icons_cat9}$

2011/06/10 16:51:02 回覆

關小姐,,,,,,,我用緊的是一塊銀鐵板的物體,,,幾涼快 ,,,寵物店有售,,我舊年已入貨,,,今年又再出場比貓爺,,,坐住都幾舒服,,,,涼涼地 ${#icons_cat7}$ ,,,,,

我會間中用濕布抹一下塊銀鐵板,,再加埋冷氣的話,,,,,,,,,,,,,相信米米坐住塊銀鐵板唔起身都似 ${#icons_cat4}$

但唔知是否隻隻貓爺都肯欣賞?有兩個size的,,,細都要過佰元,,請各貓友細心研究一下 ${#icons_girl1}$

關慧玲 2011/06/10 14:25:44 回覆

pak ma,

是呀，正打算買飲水器，希望佢地飲多些啦。有一種給動物涼快用的地毯，唔知有無人用過??

2011/06/10 12:44:27 回覆

我就買咗草蓆, 放在軟墊上 , 冇辦法 , 佢哋都鍾意瞓軟綿綿嘅地方 .

pak ma , 係呀 , 夏天係會食少咗 , 但我會用罐仔加水俾佢哋 , 一邊食 , 又可以飲埋水 .

2011/06/10 12:37:24 回覆

關小姐,,,您的米米智商真高,,,,,,,,,,,,睡在這個是超荀位置呢 ${#icons_cat2}$

我家是地磚，兩隻貓爺睡成一個大字,,,,,,也懂坐在冷氣出口。

我發現貓在熱天會少吃些,,但多飲水，不防勤更換水試試,,,因我家少爺見到新鮮水，特別飲得起勁的... ${#icons_cat9}$

涼快的方法

網誌分類

已關注

最新網誌

最新回應

月曆