勞動時間
2011/06/24 08:47:17 網誌分類: 生活
這天晚了很多回家,早上才換的貓砂已全濕透了,十位貓爺不耐煩地仰頭看着我。 牠們對砂盤潔淨的要求近乎吹毛求疵,砂盤若然污衊了一點,牠們是可以連飯也不吃,一定要先行清潔。急急剷走舊的,新砂未及倒下去,阿寶已急不及待踩進去,任由貓腳埋在砂粒裏,使勁猛撥一輪,再施施然上廁。阿寶隨後,十貓依次排隊解決,貓從來不愛守秩序,除了這一刻。 我的工作還未結束,要待十位大爺全部去完了,重新剷一次,再鋪上一層乾淨砂,再把牠們撥得一地都係的砂粒掃走,至算完成一個潔淨的循環,可以捱到翌日。 如果不是早晚各剷兩次,肯定滿足不到各大爺要求,試過躲懶少剷一次半次,米米是會在廁所旁邊尿尿抗議的。我想這是大部份養貓人的工作模式︰回家一入門口,那管你是披頭散髮,都得先行做清潔工人,還要領不到最低工資呢! 關慧玲 |
ECHO YEUNG,
果然係公主!!!!如果有片睇,應該好好笑。
我隻皇帝女重惡
佢會用手仔不停拍盆邊
拍分零鐘先痾
痾完再拍過
拍到你清潔為止
我對住蕃薯大爺仲辛苦, 朝早已經晨咁早俾佢叫醒, 侍侯佢食早餐, 一時又要加雞粒, 一時又要加鴨粒, 放工返到屋企除咗剷金之外, 佢會響附近監視, 以防我剷完金唔第一時間餵食, 如果唔係會大刑侍候......追腳咬~
各位,
咳咳,其實是有兩個的,一個廳一個廚房,但佢地只愛用廚房那個,臭到死都唔肯去廰,可能驚臭死自己。哈哈。
Pak ma , "牠的手就像街上炒栗子,好嘈,炒了一陣靜了," "一支箭像捉小販走了," 好有同感 ! 笑死 !
關小姐,,,我的小寶上廁仲巴閉,,,,牠的手就像街上炒栗子,好嘈,炒了一陣靜了,牠放下(便便)而不收埋於沙底,,一支箭像捉小販走了,,仲可惡啦!
您有幾多個貓廁所呢?十貓依次排隊解決,妤乖呀!佢地好低錫
當然,關小姐您更直得我們敬重啦!因照顧十貓爺,真係唔簡單呀!
我的貓貓通常會在一換上新的貓砂後, 便第一時間屙, 係唔急都屙嗰隻.
Old-Ox
沒辦法, 猫是有潔癖的。近日我的金金身體不適痾爤爛及水上星期六已看醫生稍為好轉, 但仍未回復正常, 現在十分爹我, 晚上我睡覺牠就上床睡在我旁邊兩隻手仔在我手臂不停出猫猫拳並用頭仔頂我的手要不停地輕撫,我都無覺好瞓。