冇定向飄忽市

今日恆指又升100點, 上証趺3點冇郁過, 執筆時美股都冇咩方向, 到三點鐘追低沒幅得50點, 道指依家做緊12583, 跌4點, 歐洲反而好少少, 大慨升緊0.5-1%

VIX指數歐美連續回兩日, 由前日21.93回到依家18.9, 歐洲國債CDS都趺, 睇嚟歐美債權恐慌叫做定返D

鬼佬基金新華25 FXI升0.77%, 巴西基金升0.75%, 外資新興市場既風險胃納回穩, 不過鬼佬A50 CAF又趺0.86%, 似乎鬼佬對中國市場既介心仍在, 短線紅色股未能全面睇好

匯市方面, 似乎好配合股市上升, 商品貨幣澳元報1.0742, 頂住係高位, 歐元都升少少, 報1.4226, 連港匯都強返D屎咁多, 報7.7926, 不過資金肯定未有大舉流入, 加上鬼佬仲係比較睇淡中國, 唔使點驚中港股市會大升

琴日原來係陸SIR寫BLOG五周年, 我寫BLOG得果幾日, 唔知幾年後有冇機會睇返今日呢篇BLOG文呢? 到時係有錢人定係破左產呢? 睇左陸SIR BLOG咁耐, 真係唔可以辜負陸SIR既心機, 我要比心機繼續行好投資呢條路

今日睇市, 388低位做過$159.4, 當時即月期權價內$155CALL做過$5.39, 心諗其實真係幾抵買的, 打和價先$160.39, 因為價內, 除非388突然趺好多, 否則就算388個價唔郁都可以輕鬆坐到結算, 如果388一升, 唔好多, 升少少上161-162已經贏20-40%, 其實相當抵博, 不過自己都仲係覺得, 個市尚欠一棍, 呢個月如果等唔到呢一棍就唔博反彈當玩少次好了, 似乎都唔會MISS左呢一次就發唔到達的, 自己既終極低B策略始終係"大升市大買LONG CALL", 大升市應該尚未出現, 當然如果我睇錯市, 個市開始不斷升就要忍痛追入, 追唔中輸一注點都好過一直等等極買唔到, 走失一個浪閒閒地要等一年半戴, 唔講得笑

依家維持等跌入即月同下月LC既部署, 因為依然覺得依家係上落市, 策略仍然係低揸高沽, 要等大趺日LONG CALL出現靚價時入定第一注, 中就加少少, 當然都係少注, 始終上落市係好難發達, 短炒下而已, 大升市先係真正出擊既時候

其實依家香港投資界大把錢, 只不過呢排個市比人狙擊得太恐怖, 攪到基金佬唔知轉D錢去咩股好, 今日3968升完又升, 個人認為3968係939既預演, 3968一直受集資影響升唔到, 依家一話集資就即刻升, 我估係基金佬想買內銀, 但係隻隻內銀都有潛在壞消息, 買左驚又比鬼佬狙擊, 所以3968呢D壞消息盡出既內銀即時有市場, 大慨939頂到美銀配完股應該都有個似樣反彈, 問題係大市配唔配合, 到時係大炒定係少炒了

依家個市最大隱憂都仲係歐美債務危機同"做空中國"慨念, 依家外圍歐美危機算係暫時舒緩一下, 要睇今日星期四晚歐洲財長開會同埋奧巴馬今個星期內攪唔攪得惦美國債務上限, 另外鬼佬"做空中國"仲未完, 睇鬼佬沽CAF就知, 上大陸網睇依家又好多出口廠商執粒, 歐美訂單大減, 大陸有人什至形容呢次執粒潮攪不好會同2008年有得比.........壞方向睇, 大陸經濟會放媛, 大陸股市短期冇得大升, 會拖住港股, 好方向睇, 阿爺又係時候救市了, 當阿爺宣佈出招時, 可能就係拐點出現之日, LONG CALL出擊之時?!?!

檢討一下6/7月既諗法

6月時估會插到22000反彈 --> 唔中, 結果插到21500, 買22000CALL輸$750, 21800再CALL再輸$750

6月時估939趺到$6.5到底 --> 唔中, SP止蝕太遲, 輸$4000

6月時睇牛熊圖估插到21500反彈 --> 中, 買3968CALL羸$6000

7月估大市反彈上23000會回, 等買330PUT --> 中少少, 個市上到28000就回, 但係冇買PUT, 失去一個贏錢機會

依家估7月大市應該仲有一個趺3-400點既急插日, 大慨趺到21600-21700左右, 到時入即月或下月LONG CALL, 睇下點

學習

上落市用期權撈低/沽頂, 唔使真正捉到最高/低, 可以差唔多到就用半注買下先, 緊要既係期權價要靚, 唔中可以用30-50%平倉, 搬一格, 搬到中為止, 當然等到去到BOLL底先好出第一注, 如果唔係搬十次都未反彈, 同埋呢招只可FOR上落市, 大單邊又係搬極未反彈先破產