大風大浪玩期權

冇寫個幾星期, 技資環境已經係天同地

上次寫文係7月結算既三日前, 果陣諗住跟風炒下和黃業績, 本來月頭7月11/12號趺左一千點, 大戶淡底諗住博嚟個終極一棍先撈底, 點知終極一棍冇出現, 反而7月底因為炒業績已關係各大藍壽股先炒一浸, 指數係結算前後掃上22500左右, 咁樣月頭隊底指數既淡水大戶咪蝕錢?? 認真奇怪, 可能人地見7月結算前都冇更大壞消息沽唔落, 先平部份倉八月再戰, 外資淡戶一收手, 國家隊返晒屋企做財仔, 本地陀地見個市靜就先炒返輛業糸績先算!

炒業績.......今次慢人一步兼夾畏高, 比隻和黃走甩左, 真係要記住呢個教訓

想炒業績就要留意人地幾時公怖!! 大行出第一個唱好REPORT就好喂風啦, 遲一兩日已經冇咩水位了, 同埋買左人地出業績正日之前都一定要走!!

過左7月結算, 個市係22500-22700浮游幾日, 上星期五, 市況轉弱, 全世界等緊美國佬債務上限結果, 自己認為, 呢D市一係就傾惦數, 爆升, 或者傾唔惦, 爆落, 牛熊圖出現"勢均力敵"既超旱見境像, 芝加哥VIX拍數又上到25左右, 後世應該波動性大, 唔係唔郁, 所以再度實踐CALL強PUT弱理論, CALL左2823, PUT左330

CALL2823既原因係自以為上証A股似乎見底, 博外資轉勢睇好中國

PUT330原因係佢岩岩趺完急升, 升左成一成!! 仲唔係時候PUT佢?

好, 買完幾日, 上試即刻唔惦.......330冇咩點郁..仲升少少.......心諗唔係嘛....

星期日晚, 老美終於攪惦債務上限, 星期二晚簽埋, 點知市場唔收貨!! 道指夜晚跌二百六十點!! 第二日恆指跳水五百點, CALL2823輸7成, PUT330贏八成......

呢個係琴日既事........琴晚上網睇新聞, 歐債又比人重新再唱過, 今之到西班牙, 西班牙國債比人唱到息率6.5里, 同7里魔咒相差不遠....另外陸SIR都話似係有心人沽空歐洲股, 目的係為QE3開路.....

諗多一陣, 認為個市仲有得趺, 原因係

1/ 如果歐美之趺係要迫QE3出嚟, 趺到呢個時候, 明顯係"未夠驚嚇", 絕對有需要再插

2/ 美國佬班弓箭手, 評級機構都未出箭射西班牙, 如果弓箭手出箭+債息上7里, 歐股絕對可以再插一大段

既有劇本, 今日於是爽手加注330PUT, 係上晝個市仲升緊果陣PUT多一倍(其實都係幾千而已), CALL果邊當然係輸冇眼睇, 依家既策略係食盡呢個趺浪, 有咁盡食咁盡, 估計330趺穿上次底位$20.7開食一半糊, 聽日睇下加唔加多注....風險係下星期二小伯開會唔知會講乜, 不過照計佢唔會睇個市趺一個星期就出QE3啩.....估佢都係出口術多, 到時睇下市場點反應, 不過下星期一要嚴重考慮330PUT食唔食糊

至於CALL果邊, 因為預計個市仲有得趺, LONG CALL其實都所剩冇幾, 不如死坐等個市趺完大反彈先止蝕, 希望可以蝕少過50%走人啦, 咁樣拉埋PUT果邊應該有賺

再加一個策略, 如果今個月大市趺得夠甘, 例如穿埋21500, 去到21200果D位, 咁就用LC撈底, 目標有358 / 388 / 939, 主力玩未日期權或者下月價外期權....第一注唔玩太大, 如個順先加碼.....祝自己好運!!

岩岩十點, 又係報數時間, 道指開市半個鐘, 趺156點, 美元急升, 穿左75, 報75.02, 歐元趺到直, 報1.4144, 依家仲趺緊, 睇嚟歐債真係嚟料....風險貨幣澳元爆趺1.7%, 報1.0583, 港匯都香埋, 岩岩惦到7.8, 仲驚嚇過7月果陣, 有趣既係美元升, 低係油價趺金價唔趺, 金升到1683.6, VIX做緊25.08, 新興市場基金:巴西EWZ跌2.52%, 新華50趺2.17%, 鬼佬A50 CAF趺緊1.4%, 英法德股市本來開市有得升, 依定都趺超過2%, 使唔使咁驚嚇呀?

真係好DIN, 如果聽日急插得太勁........330如果趺穿$20可能先平PUT, 用羸既錢一部份買返20行使價PUT過周未....驚佢趺得勁得滯周未有招出.....