(河馬仔專欄)『時思糖果』甜鹹點評論

2011/09/11 00:39:47 網誌分類: 飲食

11 Sep

『馬場樂子(妹)』: 性格開朗,有點大頭蝦,除主力賽馬專欄外仍會介紹飲飲食食

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

『Mary CHAN』: 馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.

『司馬蓮華』 : 馬場彩珠的好朋友及飲食同好,來自潮州,語尾有時會帶一點尾音.性格溫柔但思想天馬行空,喜歡可愛得意事,在假日偶然會開私房形式的女僕Cafe,名為『潮州メイドCafe』...

(前言)

樂子 : 不過講開又講,今次這些茶點都是來自『時思糖果』呢...

MARY : 但係我去百貨公司行街嘅時候有時都會經過一啲賣朱古力嘅專門店,唔係好覺佢地會一齊賣埋鹹點呢.

彩珠 : 不過今次這店兩款都有呢.雖然好多人都試過這個在美國有近九十年歷史嘅品牌的拖肥糖及一粒粒的朱古力之類,但係佢地都有唔少其他的產品呢.

樂子 : 好,咁等我SET好張枱先!

蓮華 : 這些朱古力捧有不同口味,每條有四格,我們剛剛好每人一個格子,可以分甘同味.

樂子 : UM.......四款都試一試之下,牛奶朱古力捧略甜些少,較適合小朋友食.而黑古力杏仁捧朱古力味道較濃之餘,加上杏仁的堅果來增加了朱古力捧的硬度及質感,我就較喜歡這種,感覺上係成年人會較喜歡.

MARY : 除咗朱古力捧之外,仲有呢盒寫住SUGAR FREE DARK WALNUTS...

彩珠 : 朱古力入面有好多合桃呢,由於核桃佔整個朱古力不少,核桃給人少少油份的感覺,而朱古力的甜味亦不如平常的朱古力般濃及甜.而今次給人的感覺卻是以它的厚厚的質地來襯托核桃外脆但入面卻輕微有點綿綿的感覺

馬場彩珠---對以上甜點之評分:

樂子 : 咁這盒白色的係......

MARY : 雜錦SALTED NUTS!個罐外表雖然好似甜的,但其實打開入面......

樂子 : 邊個開啤酒飲?

MARY : 係唔係蓮華你呀?

蓮華 : 不是我開咧...

彩珠 : ..............

樂子 : 哦哦哦..........原來係家姐......家姐您飲咗會面都紅哂,一於四份分來飲.......

MARY : 睇個樣呢盒NUTS都好足料,有腰果,杏仁,核桃之外,仲有香港人好鐘意用來送啤酒嘅碧根果仁,夏威夷果仁等等,用嚟睇波就最啱

樂子 : 食落唔會過鹹啱啱好,果仁的香氣充足又沒有任何怪味道,而且樣樣果仁都好脆口,特別最好味最濃味就係夏威夷果仁同埋核桃.

蓮華 : 而不太多的鹹度就是果仁美味與否的重點呢,這罐的果仁鹹度沒有完全覆蓋了果仁應有的味道,而係以一個輔助的用途令果仁的食味更能帶出來,這就是果仁在合適的製作下之上等醍醐味呢.

馬場樂子---對SALTED NUTS之評分:

是次食物人均相對消費 :(越多$越高)

(後記)

原名此畫布名為《Sing Along With Your Claps》，相信有去過CW32的朋友都覺得有點似曾相識，因為此圖曾在今屆CW32展出過的。

今年的馬季已經密鑼緊鼓，即將在9月11日開始新一季的賽事。今次四位看板娘(馬場樂子，馬場彩珠，Mary Chan及司馬蓮華)首次穿起相同的賽馬娘服飾，載歌載舞，為各位打打氣。

祝願大家馬到功成，歡欣滿載，馬運亨通!