值得投資者深思的問題
2011/10/20 17:54:33 網誌分類: 經濟
等個巿跌之際, 講講一D輕鬆既事啦
最近RAINBOW睇左本投資心理學既書,
裡面提到男同女係投資思維上既分別;
男性既投資者喜愛分析數據, 睇圖表,務求找出股市升跌走勢既定律,
而女性投資者比較重視上巿企業本身既品牌/知名度,
有否出名既股評人推介, 同埋多唔多人推介, 多唔多人買
今日LUNCH 去茶樓, 聽到一對夫婦係咪辯論呢個問題~~大家不妨反思下
============================
妻: 郭SIR 話個巿仲會跌深D, 你咪亂黎呀!
夫:都唔明你, 成日信埋D講股佬, 睇圖啦!就黎跌完喇, 我用自己D私己入!
妻:係喇喎, 睇圖就知道, 呢個世界仲有人做野既? 個個學睇圖炒股發哂逹啦, 你咁醒, 話我知個巿黎緊一年點走丫!
夫: 超!你好好!? 今日上晝信郭SIR, 下晝信陸叔, 尋日信BEN 哥, 聽日又信邊個呀?
妻:車~哂氣~你死你事, 輸哂D私己唔好問我借….
==============================
當中值得深思既係, 圖表到底可以預測幾遠既走勢呢??
我諗左成晚, 其實圖表預測走勢同預測世界末日係咪無分別?
就算世界最TOP既圖表分析大師, 都唔可能預測到大巿未來一年既走勢,
咁半年呢?三個月又得唔得? 等我好好想想答案...
無話陷唔陷阱既~不過我始終覺得佢呢一年內會落返去17xxx
個市係咪又升過?抑或係一個陷阱?