政務司官邸花園開P 高官名人「搞鬼」行善
2011/10/25 08:44:04
網誌分類:
生活
| 山頂多外國人聚居，每逢萬聖節，特別多人扮鬼扮馬慶祝，而位於白加道十五號嘅政務司司長官邸（VictoriaHouse）上周五提前猛鬼出籠，官邸佈滿蜘蛛網，又擺放了南瓜裝飾，唔知仲以為去了主題公園「哈囉喂派對」，政務司官邸變身「鬼屋」，Kelly周圍八卦係乜事，原來官邸當晚借出給保良局搞慈善萬聖節派對，有多位名人包括保良局主席龐盧淑燕夫婦、莎莎老闆郭少明伉儷、教育局局長孫明揚與太太等出席，個個到埗都齊叫「HappyHalloween」，相信一眾嘉賓一邊玩一邊做善事，必定提早玩盡萬聖節！ 政務司司長官邸於一九五一年興建，是最具殖民地建築風格的官邸之一，已列為香港二級歷史建築。由於甚具特色，近年會外借給團體作慈善用途。保良局公關同Kelly講，保良局近兩三年都有向政務司長「借場」搞慈善晚宴，今年咁啱十月尾舉行，搞搞新意思，主辦了一個應節的「哈囉喂」派對。 嘉賓玩盡十點先散場 作為本港主要社會服務機構之一，保良局人緣甚廣，主席龐盧淑燕當晚除了攜同丈夫龐國本出席，女童軍總會總監彭徐美雲與先生彭曉明、莎莎老闆郭少明夫婦、教育局局長孫明揚兩口子均是座上客。據了解，當日各個嘉賓都玩得相當盡興，扮鬼扮馬，食自助餐，到十點幾先肯散場。 Kelly有個疑問，今年就話碰巧新任政務司司長林瑞麟不會搬入白加道，因此大屋交吉，如果有司長居住，司長私隱咪好易外洩？公關同Kelly講，原來每年司長都只係借出花園，給慈善機構設宴，住宅部份不會對外開放，所以絕對不會影響司長的繁重工作！ KellyChu |
 | |
| |
 | |
|
回應
(0)
我要發表