《學警出更》死左九成

無記新劇宣傳好似好堅咁，但講真，呢一鋪恐怕會死得好甘。

須知道，39點又好，46點又好，呢咁多點之中絕大部分都係c9，that's why《溏心風暴》可以咁hit，《c9兵團》可以hit到咁爆。

但警匪片喎，仲要係無記那些來來去去三幅被，一D都唔浪漫既愛黎愛去，唔知點解既「鬥智」（正確講法係鬥低智），N咁多個巧合，仲個個角色一定會有好多屋企人走出來……

咁都算，無記劇本就算差到同屎無分別（甚至更差），都一樣好多人睇，除非係《一生為奴》唧，咁《一生為奴》班演員無個識既，無左「觀眾緣」，冇得好講丫。弊在，呢齣戲入面班友仔，論觀眾緣真係同《一生為奴》差唔幾（甚至更差）

擔大旗係掏大乳同狐妮，yeah！

真正主角係唔唱K同陳賤窿，yeah多兩野！

上次唔唱K先至啃完肥肥個女，家陣又再跣多一鑊甘既，畀個毀容兒佢歎，佢唔嘔我都嘔死啦！

仲嫌套野死得未夠喉，加埋全個無記最乞人憎既蔡屎健，嘩！嘩！嘩！

再加埋一班九唔搭八，c9最憎既shXt凱琪、吸毒康，人氣勁唔得既賤嘉樂、司徒水皮、唔得掂、除二三……全套劇入面觀眾緣最掂係楊怡，但係做埋晒D二打六角色～～

我諗，呢套所謂「大作」，應該同黎G & 鄭+穎果套爛戲有得fight。但係，黎G & 鄭+穎果套擺到明就係爛，大家都預左架啦！畢竟，黎G在香港電影圈創下了零票房紀錄，同佢阿爺「相映成趣」丫嘛。呢套《學警》做咁多宣傳，分分鐘宣傳費都蝕埋呀陰公！