女皇本色
2011/12/23 08:44:50 網誌分類: 生活
女皇Shane患了耳炎個多月,終日悶悶不樂,但牠愈病愈嗲,每次替牠除下喇叭罩洗耳仔、食藥、再幫牠搔癢,牠放心到打開肚皮讓我掃,又挨實我的手,人貓日日都很親密。一聽到我走近的腳步聲,就企起身大聲叫。 前幾日牠的傷口終於完全瘉合了,牠很高興脫離戴罩的日子,能毫無障礙地舔手舔面,喝水吃飯也不會被罩子卡住,只是,只是,衰女一旦自由自在,又回復高傲本色,再不願意輕易讓人貓埋身。只自顧自躺在地氈上睡覺,替牠搔頭掃背還可以,一旦掂到肚仔或者拉牠的手,牠就會出連環拳打人。曾經和牠親近過的骰仔,也吃了牠幾記老拳。 女皇Shane的心和女人一樣,真善變呢! 關慧玲 |
Merry Christmas ! 祝各貓友及貓貓聖誕快樂 !
善變的女皇, 讓人又愛又恨呢!
祝關小姐及各位
話晒女皇都係大美貓,善變又有幾奇怪吖!靚女係難觸摸㗎啦!貓奴門,接受吧!
個手抽袋最危險.....肥米個肚
我和貓豬祝關家大小"聖誕快樂"﹗
女皇被釋放, 當然會回復女皇的高傲貴氣... 蔗民咪行貢埋.
至於將相... 真係擔心棵聖誕同下面d禮物可以保持原狀幾耐??
關小姐: 雖然已貴為"經驗貓奴", 但總一次又一次 "天真", 以為女皇在病期間對您依賴無限, 非常開心, "妄想" 從此得到主子寵幸, 還來不及沾沾自喜, 誰不知主人轉眼康復, 便故態復萌, 叫你C開, 唉, 祗怪貓奴痴心錯付, 淚流漣漣, 但仍繼續死心塌地矣! 見主子安好便快樂之時, 榮升 "一級" 貓奴之日也! 哈哈! 恭喜!
米米真係八掛貪玩,望棵聖誔樹會安全吧..
女皇真不失其本色... 貓貓就是這樣..無法..佢覺得已蝕夠哪
在此祝各位貓奴材...貓奴隸..貓咪聖誔快樂..身體健康..豐衣足食..所有貓貓都得人疼愛..再沒有流浪貓..