SEO定係Adwords好
最近有讀者Email話只有一個budget，唔知做SEO定係Adwords好，情形就好似問林峰fans，林峰唱歌好唔好聽? (利益申報:我係欣賞林峰的)
其實以上問題在我進入Internet Marketing時已經出現，可以話係never-ending debate，兩樣我都試過，
現在我係做SEO的，理論上我係應該全力支持SEO的，今日我試一試中立的分析兩個的好與壞，但係我係人，人總有偏見，由於有一段時間冇用Adwords，如資料錯左，請多加指導!
先講Google Adwords，不知道大家熟悉與否，最簡單的就是直接在Google 俾錢賣廣告，價高者在Google ads 的position排名越高，廣告費用亦隨多少人競爭而調整。
Adwords - 快，狠，準
只要你一開始俾錢，跟SEO不同的，你的廣告好快便會出現在Google的listing內，你會睇到即時的人流，而收費就係按人流收費
如果你發覺你因你廣告而來的人流不太能轉做SALES，你可以狠狠地停廣告，不用再為這些廣告俾錢。由於以上彈性，你可以試不同的關鍵字賣廣告，找出Conversion最好的關鍵字，直接向他們賣更多廣告。
如果你的貨物只供應於某一地方，你可以指定賣廣告去某一地方。例如你只賣去澳洲，你可以指定google廣告只顯示在澳洲google的搜尋中。
SEO - 慢，長遠
我諗有睇開呢個BLOG的，大概都知道什麼是SEO，就是做一些事令GOOGLE覺得你的網站對讀者來說有價值，從而令你網站的排名提高。
既然講到Adwords咁好，點解又會有人做SEO呢?
雖然話SEO唔洗俾錢(自己做的話)，但係要時間，如果你同意時間即係錢的話，那SEO也是要成本的。但係點解我又會做SEO呢? 我自己的原因如下:
- 由於小弟英語不太好，所以在寫廣告時有一定難度
- 因為預算有限，再加上我不知道自己的網站能否帶令訪客買東西，所以我需要大量人流做試驗去改網站Layout，用Adwords成本相對高了
- 由我自己心理角度睇，人們不太相信廣告，我自己本身都係唔太信廣告的人，我覺得訪客的信任度會少一些，這不只是我講的，有研究Backup的
- 倘若選對關鍵字及做好SEO工作，你的回報就是Unlimited Traffic，我有網站自第四個月起一直在頭3名，沒有其他任何工作做過，一路都有Sales同廣告收入，這就是我最喜愛的地方!
- 最重要的是，我就係唔鐘意Adwords...
所以結論是???
如果你係認真對待你的生意，你要用晒兩樣。
我有一個客人是這樣做的，你可以作為參考:
由於SEO需要時間及選對關鍵字，如果你用錯關鍵字可以好大問題，為了避免白白浪費3個月做SEO，
他選擇用不同的關鍵字賣廣告。以下例字是虛構的:
客人的網站是賣DVD的，他用以下關鍵字賣廣告:
- 忘不了你 周局長 dvd
- 忘不了你 林海峰 dvd
- 忘不了你
- 忘不了你 live dvd
- 忘不了你 dvd 周局長
- .......
經過多番試驗，發覺用"忘不了你 周局長 dvd"走入黎的訪客最多Sales，
之後佢就用 "忘不了你 周局長 dvd"為關鍵字做SEO，
當然不能話一定要這樣做，你還是要不斷試驗的。