大管家
2012/04/20 10:19:00 網誌分類: 生活
回到家裏,總會發覺東西移位,明明在茶几上的擺設,變成躺在客廳正中,大大本雜誌在沙發上攤開到第二十三頁,是某隻牌子貓餅的廣告。還有還有,早上出門時排好的拖鞋,一隻在廚房,另一隻入了浴室。 我家沒有鬼,只有八隻貓。以米米為首,日日都在發揮牠的創意,挑戰我的耐性。往日牠只有我不在家時,才到處搞鬼,近日已經明目張膽到在我眼底下發生。繼徒手打開廚房櫃門和電視機櫃後,近日愛從生果籃中淘寶。 那個果籃有時放了車厘子,有時放一粒粒朱古力,牠總是躍到飯枱上,探頭探腦一番,之後伸手進去撥,像釣魚般把東西勾出來當波踢。 後來發展到總之是籃內的東西,牠都有興趣去搞,連橙都想攞出來,最後那果籃自然就成了擺設,再也不放東西引誘牠了。 關慧玲 |
關小姐: 你好聰明啊.....以米米-的身形.....估計個盤都幾大下....
我想請教各位,我三隻貓爺都唔鍾意梳毛喎,一見到把梳就咬,重咬埋我隻手添 點解會咁呀?有無解決方法呀?我其中一隻仲要係長毛添喎,又唔肯比梳毛,成日攪到好似個乞兒仔咁樣
每次同我隻大灰熊耙毛, 都會耙出一大堆. 即使搓成一團, 體積也如一個網球!
Old-Ox
bluepanda,
嘿,是托食物的托盤,米爺「頭髮」多,梳落托盤度較易清理,唔使抹餐死。
WOW....梳毛真舒服.....
關小姐: 請問米米伏在什麼東東上? 好似係紙皮類的東西咁.....
佢知你縱佢 , 慈母係咁架喇 ! 耐性 ? 需要咩 ? 佢每日都有驚喜俾你咪仲好 !
米米竟然係米米媽面前攪事, 佢似乎係度挑戰梗米米媽既耐性....
其實只要家中有寵物,不管是貓、是狗,其實都係鬼。。。「百厭鬼」(@ ̄。 ̄@) 米米真係好可愛,得意「鬼」!八鬼以米為首!哈哈